Skip to Content

204 Views

داواكاری … ستار ئه‌حمه‌د

داواكاری … ستار ئه‌حمه‌د

Be First!
by April 1, 2018 General, Poems
image_print

چۆن بوو ئاده‌م
له‌و ئاسمانه‌
به‌رز به‌رزه‌وه‌
هاته‌ زه‌وی
به‌خه‌ون و خه‌یاڵ
سواری ئه‌سپێكی
خۆر ره‌نگ بوو
یاخود به‌باڵ
ئه‌و كاته‌ حه‌وا له‌كوێ بوو
له‌نێو گیانی
یاخود وه‌كوو ته‌رمی هابیل
ته‌كه‌ی ده‌هات له‌سه‌ر شانی
به‌چه‌ند رۆژ
گه‌یشتنه‌ سه‌ر ئه‌رز
حه‌ز ده‌كه‌م بزانم حه‌وا
كورت و خڕ بوو
یان باڵا به‌رز
چ كاتێك هاتنه‌ خواره‌
شه‌و بوو یان رۆژ
په‌یامیان چی بوو بۆ دوارۆژ
ئاره‌زوومه‌ ..
به‌زمانی ئه‌وان بدوێم
هه‌تا كه‌چوومه‌ سه‌ردانیان
بتوانم په‌یامی خۆم و
هه‌موو مرۆی ئه‌م جیهانه‌
به‌باشی به‌گوێیان بده‌م
كێ ده‌توانێ
ئه‌درێسێكی وام بداتێ
هه‌تا بگه‌مه‌ خزمه‌تی
باوكی ئاده‌م

ستار ئه‌حمه‌د

Previous
Next

Leave a Reply