Skip to Content

93 Views

من پیاوم … هیوا سەعید

من پیاوم … هیوا سەعید

Be First!
by April 3, 2018 General, Poems
image_print

من پیاوم
حەزم لێیە ماڵێکم هەبێ لە باخ
سێ جۆگەلە بەناویدا بڕوا
یەکێک شیر،
یەکێک هەنگوین،
یەکێک شەراب
هەمیشە تەڕ و شیرین و مەست بم!
بەهەشت وەکو خەیاڵی منە.

من پیاوم
حەزم لە ژنی زۆرە
ژنی جوان،
تازە بوک
هەموو شەوێک بە زاوا ببم!
بەهەشت وەکو خەیاڵی منە.

من پیاوم
حەزم لە ژیانێکی نەمرە
پیر نەبم،
نەخۆش نەکەوم،
هەر گەنج بم!
بەهەشت وەکو خەیاڵی منە.

من پیاوم
پەراسوی چەپم ئیرەییم پێ ببا
چەندین جۆری کوشتن هەیە
بە گوللە،
بە سێدارە،
سوتانی بە ئاگر لە هەموان کوشندەترە!
دۆزەخ وەکو خەیاڵی منە.

هیوا سەعید

Previous
Next

Leave a Reply