Skip to Content

96 Views

ژنێک لە ناخما هات و چۆ ئەکات … شیعری : نزار قبانی … وەرگێڕانی : پشکۆ ناکام

ژنێک لە ناخما هات و چۆ ئەکات … شیعری : نزار قبانی … وەرگێڕانی : پشکۆ ناکام

Be First!
by April 5, 2018 General, Poems
image_print

l

كەس نیە کوپەکەمی نەخوێنبێتەوە
و
نەیزانی بێ کە تۆ
خۆشەویستی منی… .
كەس نیە دەستمی نەگرتبێتەوە
و
چوار پیتەکەی
ناوەکەتی نەدۆزیبێتەوە..
هەموو شتێک بە درۆ ئەخرێتەوە
جگە لە بۆنی
ژنێک…خۆشت بوێ
هەموو شتێک ئەشاردرێتەوە
جگە لە هەنگاوەکانی
ژنێک
لە ناخمانا ئەجوڵێ
هەموو شتێک
مایەی گفت و گۆیە
جگە لەو سیحرەی
پێ ی ئەوترێت ” مێ”..
“””””’
خۆشەویستم : لە کوێ بتشارمەوە..؟
ئێمە دوو دارستانین
كە ئەسووتێین
و
هەموو کامێرای تەلەفزیۆنەکانمان
لە سەرە
خۆشەویستم :
لە کوێ. بتشارمەوە..؟
هەموو ڕۆژنامە نووسەکان
ئەیانەوێ بتکەن
بە بەرگی یەکەمی
گۆڤارەکان…
و
منیش بە ئابڕوو چونێکی
چاپکراو
بکەن بە:
پاڵەوانێکی یۆنانی..
“””””’
بۆ کوێت بەرم..!!
بۆ کوێم ئەبەیت..!!
هەموو گازینۆکان
دەم و چاوی ئێمەیان
لەبەر چاوە….
و
هەموو ئوتێلەکان
ناوی هەردووکمانیان
لەبەر كردوە…
و
هەموو شۆستەکان
مۆسیقای پێ یەکانمانیان
دەرخ کردوە….
ئێمە وەک بالەکۆنێکی
سەر دەریا
بۆ دونیا ناسراوین
و
وەک دوو ماسی ئاڵتونی
لە حەوزێکا
لەبەر چاوین
“””””””””
کەس نیە شیعرەکانمی
دەربارەی تۆن نەخوێنبێتەوە
و
سەرچاوەکانی ” زمان” می نەزانی بێ
كەس نیە لە ناو کتێبەکانما
سەفەری نەکردبێ
و
بە سەلامەتی نەگەشتبێتە
كەناری چاوەکانت..
كەس نیە ئادرێسی
ماڵەکەمم نەیابێتێ
و
یەکسەر ڕوەو لێوەکانت
نەچوبێ
و
كەس نیە ژوورەکەمی نەکردبێتەوە
و
یەکسەر. وەک پەپولەیەکی نووستو
تۆی نەدی بێ
كەس پەڕەکانمی هەڵنەیاوەتەوە
بێ ئەوەی ، مێژووی ژیانی تۆی
نەزانی بێ…
“”””””””
ڕێگەیەکم فێرکە
تیایا بەندت کەم
ڕێگەی دەرچوونت نەیەم
فێرم کە
بە قەڵەمێکی بەنەفسەجی بازنەیەک
بە چواردەوری مەمکەکانتا
دروست کەم
و
ڕێگری فڕینیان کەم
فێرم کە
وەک نوقتەی کۆتایی دێڕ
دەستت بەسەرا بگرم
ڕێگەیەکم فێر کە
لە ژێر بارانی چاوەکانتا بڕۆم..و..
تەڕ نەبم
و
بۆنی لەش و لارتی
تێکەڵ بە بۆنی کوردەوای بکەم
و
…..گێژ نەبم
و
لە بەرزاییەکانی مەمکەکانتا گل ببمەوە
و
تێک نەشکێم
“”””””’
دەست لەسەر خوە بچوکەکانم
لە شتومەکە ووردەکانم
هەڵگرە،،،
لەو قەڵەمەی پێی ئەنووسم
و
پەڕەکانم
كلیلەکانم
قاوە لە بیر چوەکەم
و
بۆینباخەکانم
و
دەست لەسەر نووسینەکانم
هەڵگرە….
ڕێی تێ ناچێ بە پەنجەکانی تۆ
بنووسم
و
بە ” سی” یەکانی تۆ هەناسە بەم
ڕێی تێ ناچێ بە لێوەکانی تۆ
پێ بکەنم
و
تۆ بە چاوەکانی “من ” بگریت…
“”””””’
دانیشە تا بزانین
سنووری چاوەکانت کامەیە
و
سنووری غەمەکانم کامەیە..؟
دەریاچەکانی دەور و پشتی تۆ
لە کوێوە دەست پێ ئەکات
و
خوێنی من لە کوێ یا ، کۆتایی یەت
دانیشە ، با لە یەکتر بگەین
بزانین داگیرکردنەکانت
لە کوێ ی لەشما کۆتایی یەت
و
لە کام سەعاتی سفری شەوا
دەست پێ ئەکات……………..
“””””””’
تۆزێک لام دانیشە
با لەسەر شێوەیەکی خۆشەویستی
بگەینە ئەنجامێ….
كە تۆ تیایا
كەنیزەی من من نەبی
منیش داگیرکراوێکی
لیستی” ژێر دەستەکانت ” نەبم
ئەو ژێر دەستانەی
زۆر دەمێکە
داوای رزگار بوون
لە مەمکەکانت ئەکەن
بێ ئەوەی :
گوێ یان لێ بگیرێ
هەرگیز
گوێ یان لێ ناگیرێ

Previous
Next

Leave a Reply