Skip to Content

گومان … ستار ئەحمەد

گومان … ستار ئەحمەد

Closed
by نیسان 9, 2018 General, Poems

چەپكێ گڵ و
مشتێك زەلكاوی
ترپەی دڵێك و
كورتەی هەناسەی
مەودای هەنگاوی
لەبێشەی رازا
لووتت لەلوتكەی
هەور بەرزترە
ژیانت سوتووی جگەرەیەكەو
دوارۆژت چڵی زاری ئاگرە
ئای كە دڵێكی
چەند تەنگ و تاری
بەرووكەش چرای هەنگاوی ماتی
لەناخا بێشەی دڕندەو ماری
بەچی دەنازی
بای چركەساتی
چۆن لەیادت چوو
رۆژگاری شوم و قڕی و نەهاتی
هێندە دەروونت پەست و بێزارە
شاعیر بوونی تۆ جێگەی پرسیارە

Previous
Next
Kurdish