Skip to Content

190 Views

ئامانجی سەرەکی ترامپ لە گواستنەوەی  باڵوێخانەکەی بۆ قودس چی یە…؟! … موزەفەر عەبدوڵا

ئامانجی سەرەکی ترامپ لە گواستنەوەی باڵوێخانەکەی بۆ قودس چی یە…؟! … موزەفەر عەبدوڵا

Be First!
by May 22, 2018 General
image_print

ڕوداوو هەواڵی گواستنەوەی باڵوێزێخانەی ئەمریکا لە تەلئەبیبەوە بۆ قودس- ئۆرشەلیم – لە ئیسرائیل یەکێک لە ڕوداوو هەواڵە گەورەوگەرمەکانی ڕۆژەکانی هەفتەی ڕابردوو بوو لە هەمو ئاستێکی نێودەڵەتی و ڕای گشتیدا.ترامپو سەرانی ئیدارەکەی بە ڕوگەش وایان ڕاگەیاند کە ئامانجی یان لەم بریارو کارە جگە لە پشتیوانی لە مافی دوڵەتی ئیسرائیل بۆ بە پایتەخت کردنی قودس بۆ ئیسرائیلو گیرانەوەی مافی دیرینەیان هاوکات بەم کارە زیاتر ئاشتی جیگیر دەبیت لەهەمو ئاستەکان .وە ئەم ڕاوبوچونانە لە کاتی کردنەوەی کۆنسڵخانەکەس جەخت لێدەکرایەوە لە لایەن باڵوێزو کچەکەی ترامپەوە.

بێگومان ئەم ڕوداوەش بوە هۆی دەڕبرینی ڕاو هەڵوێستی جۆراجۆرو دژ بە یەک، چ بە لایەنگری چ بە دژایەتی.وە بە شێوەیەکی گشتی ڕاو هەڵویستەکان دژی ئەم کارە بونو سەرکۆنەیان کرد . تەنانەت دۆستو هاوپەیمانە نزیکەکانی خودی ئەمریکا دژی بون..
لە ئاستی کۆمەڵگای فەلەستین و ئیسرائیلیشدا بەرەی ئازادیخوازیو ئینساندۆستی دەستیان دایە ناڕەزایەتی گەورەولەگەڵ وەڵامی توندی سەربازی دەوڵەتی ئیسرئیل ڕوبەروبونەوە کە کوشتنی دەیان کەسو زیاتر لە دوو هەزار کەسی برینداری لێکەوتەوە.

جا پرسیاری سەرەکی لێرەدا ئەوەیە ئاخۆ ئامانجی ترامپو ئیدارەکەی لەم کارە هەر ئەوەیە کە ئاماژەمان پێدا یاخود شتێکی ترە؟!
دیارە ترامپو ئیدارەکەیو سەرانی حزبەکەی ئامانجی خۆیان چۆن ڕادەگەیەنن لەم بریارو کارەیان ئەوە ئازادن .بەڵام تا ئەو جیگایەی دەگەڕیتەوە بەوەی کە بەم بڕیارو کارە کە پێیان وابیت ئاشتی زیاتر لە هەمو ئاستەکان جێگیر دەبێت ئەوەیە هەرگیزاو هەرگیز نابێتە هۆی زیاتر سەقامگیرکردنی ئاشتی لە هیچ ئاستێکدا. بەڵکو بە پێچەوانەوە زیاتر دەبێتە هۆی پەرەسەندنی ململانێ نێوان ڕەوتو باڵە قەومی و ئایینیە فاشی یەکان لەهەردو لاوەو بەمەس ئاژاوەو شەڕوکوشتوکوشتار زیاتر دەبێت . تەنانەت ڕەوتی کۆتایی هێنان بە پرۆسەی ئاشتی کە نزیک بە سی ساڵ لەمەوبەر بە دەسپێشکەریو چاودێری خودی ئەمریکا دەستی پێکرد لە کاتێکدا لەوپەڕی باڵادەستی و بەهێزیدابون بەرەو کۆتایی دەچێت.

ڕاستی یەکەی ئەم بڕیارە تاکلایەنەیەی ئەمریکا هەر وەک بڕیاری دەرچونی تاکلایەنەیان بوو لە ڕێکەوتنە نێودەوڵەتی یەکە لەگەڵ ئیران.هەردوکیان لەگەڵ زۆر پرسو کێشەی تر پەیوەستن پێکەوە. ئەگەر چی ترامپو ئیدارەکەی بە شوین ئامانجی گێرانەوەی سەردەمی زێرینی ڕابردویانەوەن لە چوارچێوەی هەلومەرجی چەند جەمسەریو هێزهاوسەنگی ئەمرۆدا بەڵام بە پێچەوانەی ئەو ئامانجانەوە دەبێتە هۆی زیاتر تەریکبونەوەو دور کەوتنەوەیان تەنانەت لە دۆستو هاوپەیمانەکانیانیشیان.

ترامپو ئیدارەکەیو سەرجەم دەستەی فەرمانڕەوای دەوڵەتی ئیمپریالیستی ئەمریکا بەم شێوە بڕیارو کارانەیان دەیانوێت نەیارەکانیا چ دەوڵە زلهێزەکان چ ڕژێمەکانی ناوچەکە بترسێنێتو پاشکشەیان پێ بکات ،بەڵام لە ڕاستیدا هەرگیر ناگات بەم ئامانجانە.

٢٠-٥-١٨

Previous
Next

Leave a Reply