Skip to Content

هه‌فته‌یه‌كی پڕ له‌ ڕووداوی تایبه‌ت به‌ كۆچبه‌ران …. ئامادەکردنی: هەژار تەها

هه‌فته‌یه‌كی پڕ له‌ ڕووداوی تایبه‌ت به‌ كۆچبه‌ران …. ئامادەکردنی: هەژار تەها

Closed
by حوزه‌یران 9, 2018 General

رێكخراوی كۆچی نێوده‌وڵه‌تی ڕایگه‌یاند له‌سه‌ره‌تای ئه‌مساڵه‌وه‌ هه‌تا شه‌شی حوزه‌یران ، 33 هه‌زار و 400 كۆچبه‌ر له‌ڕێگه‌ی ده‌ریای ناوه‌ڕاسته‌وه‌ گه‌یشتونه‌ته‌ ووڵاتانی ئه‌وروپا.
ڕاگه‌یاندنی ئه‌و ئاماره‌ هاوكاته‌ له‌گه‌ڵ ده‌ستگیركردنی دوو كه‌سی به‌ڕه‌گه‌ز سوری به‌ تۆمه‌تی قاچاخچێتیكردن به‌ كۆچبه‌رانه‌وه‌ له‌لایه‌ن پۆلیسی ئه‌ڵمانیه‌وه‌ و دادگایه‌كی ئوسترالیاش سزای شه‌ش زیندانی به‌سه‌ر كه‌سێكدا سه‌پاند به‌ تاوانی هه‌وڵدان بۆ به‌ قاچاخبردنی خێزانێكی عێراقی له‌ ڕێگه‌ی به‌له‌مه‌وه‌ بۆ ئوسترالیا، ئه‌وه‌ش له‌ كاتێكدایه‌ كه‌ حكومه‌تی ئوسترالیا سیاسه‌تی گرتن و دیپۆرتكردنه‌وه‌ی كۆچبه‌رانی ده‌ریایی قاچاخ پیاده‌ ده‌كات.

هاوكات ، ئاژانسی لێكۆڵینه‌وه‌ی فیداڵی پاكستان ده‌ستگیركردنی چوار قاچاخچی ڕاگه‌یاند كه‌ ده‌ستیان هه‌بووه‌ له‌ ناردنی به‌ قاچاخی كۆچبه‌ران بۆ ده‌ره‌وه‌ی پاكستان. له‌ ئێرانیش ده‌ستگیركردنی باندێكی قاچاخچی له‌ شاری جویباری ئه‌و ووڵاته‌ ڕاگه‌یه‌ندا كه‌ تاوانی ساخته‌كردنی پاسپۆرت و بازرگانیكردنیان به‌ مرۆڤه‌وه‌ ئه‌نجامداوه‌. به‌ ووته‌ی به‌رپرسی پۆلیسی جویبار، ده‌ستگیركردنی ئه‌و كه‌سانه‌ له‌پاش كۆكردنه‌وه‌ی یه‌ك مانگ زانیاری ئه‌منی بووه‌ له‌سه‌ر تاوانه‌كانی ئه‌و كه‌سانه‌.

رێكخراوی كۆچی نێوده‌وڵه‌تی ئاماری ئه‌و كۆچبه‌رانه‌شی بڵاوكردوه‌ته‌وه‌ كه‌ له‌ سه‌ره‌تای ئه‌مساڵه‌وه‌ و له‌ ڕێگای ئه‌وروپادا بوونه‌ته‌ قوربانی و له‌ ده‌ریاكاندا خنكاون. به‌گوێره‌ی ئه‌و ئاماره‌ له‌سه‌ره‌تای ئه‌مساڵه‌وه‌ ، 785 كۆچبه‌ر له‌ ئاوه‌كانی ده‌ریای ناوه‌ڕاستدا خنكاون یان بێسه‌روشوێن بوون و 45 كۆچبه‌ریان له‌ سنوری ئاوه‌كانی نێوان یۆنان و توركیادا خنكاون یان بێسه‌روشوێن بوون.
جێگه‌ی ئاماژه‌یه‌، له‌ كۆی ئه‌و سه‌دان قوربانییه‌ ، 125 كۆچبه‌ریان له‌ سه‌ره‌تای چه‌ند ڕۆژی یه‌كه‌می ئه‌م مانگه‌دا خنكاون.

سه‌رچاوه‌ : ئاژانسه‌كان

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish