Skip to Content

786 Views

من داوای لێبوردنێک ،بەخۆم قەرزارم … نیگا قادر

من داوای لێبوردنێک ،بەخۆم قەرزارم … نیگا قادر

Be First!
by June 27, 2018 General, Poems
image_print

لەبەر ئەوەی خۆم داوەتە مەنفا بوون !
حەقیقەت لێرە ئازاری پێ چەشتوم
حەقە تۆزێک پشو بدەم
مەگەر جەنجالی دوونیا
بەمن چی…..

کە چاوەکانم تێرن لەو وێنانەی هەموو ڕۆژێ
یەک پارچە تەنهای و
یەک دوونیا بێ خۆیی تێدا خولقاندوم

من داوای لێبوردنێک بەخۆم قەرزارم !
کە هەموو ڕۆژێ ڕەش پۆشی هەزاران
خۆزگەی لەم نیشتمانی
بێ نیگایە خستە گۆرەوە
من کە هێشتا چیا و
نیگا و شعر و
ئاسمان و
سپی بوونم نەبینیوە ،
چی لە ئازادی بکەم!
کە من قاچەکانم
دوای ئەو نەهاتی بێ منیە کەوتوە

من داوای لێبوردنێک بەخۆم قەرزارم !
کەهێشتا باوشی
دایک بوونم بۆ هیچ کۆرپەیک نەکردۆتەوە ،
کەمن سەرابی ئەو هەموو تەنیایەم تێدا خولقاوە!
نەبومەتە باوک بۆئەو وشانەی هێشتا لە تێگەشتن
لە ئازادی جێماون

من کە هێشتا سەما و
گۆرانی و
نۆتەکان شارەزانیم
من کە هێشتا بەلای “هومادا”
خەیاڵ نەی بردووم
من کە هێشتا وێنەی
شاخ و داخ و زەوی و ئاسمان
نازانم !

من جارێ
کازیوەم لەگەل شعرا نەکردۆتەوە
هێشتا جاویدانی
نەم ڕوانیوەتە ئاوێنە !
من هێشتا بۆجارێک لە گەڵ خۆم
شەقام و
پایز و
بارانم نەبی نیوە
من کە هێشتا میهرەبانیم
لە ژێر هیچ نیگایک نەبی نیوە
من کە هێشتا تاڵە قژەکانم ڕەنگی زەوین
من بۆ جارێکیش
هێشتا خۆر نەی ڕفاندوم…

من و
من و
من نیم …..
ببورە ئەی”خۆم”
من کە خۆم نیم و
بەدوای خۆمم و
ماندوی بێ خۆیم
ئەزانی لە هەمووی بەئازارتر چیە ؟
زیندانێکی ئەبەدی خۆمم……

نیگا قادر

Previous
Next

Leave a Reply