Skip to Content

سۆشیالیزمەکەی کارڵ مارکس، بەهەزاران لە دیموکراتەکان لە ئامێز دەگرێت

سۆشیالیزمەکەی کارڵ مارکس، بەهەزاران لە دیموکراتەکان لە ئامێز دەگرێت

Closed
by ته‌مموز 5, 2018 General, Marxism, Slider

نووسینی: WorldTribune
June 28, 2018
وەرگێڕانی: گۆران عەبدوڵڵا

————————————

لە یادی 200 ساڵەی لە دایکبوونی کارڵ مارکس لە مانگی ڕابردوو Teen Vogue ئاماژەی بەوەکرد کەوا “بیروڕای کۆمۆنیزم لەوەی زیاتر پێت وابێ گەشەی کردووە.”
دەزگای یادکردنەوەی قوربانیانی دەستی کۆمۆنیزم لە ڕاپرسیەکی گشتیدا ساڵی پار بۆیان دەرکەوت کە زۆرینە پێیان باشە ژیان بکەن لە وڵاتێکی سۆشیالیستی یان کۆمۆنیستیدا. لە %44 وەڵامیان ئەوە بوو کەوا سیستەمی دڵخوازیان سۆشیالیزمە، %42 کاپیتالیزمیان پێباشتر بوو، %7 وتیان کۆمۆنیزم.

لە ڕۆژنامەی نیۆرک تایمز لە 5ی ئایار نووسرابوو ” ڕۆژی لە دایکبونت پیرۆزبێت کارڵ مارکس. لەسەر حەق بوویت!”
برادفۆرد ڕیچارد سۆن لە ڕاپۆرتێکیدا لە ” واشنتن تایمز” لە 15ی ئایار نووسیتی: ” نەوەی هەزارەی دووەم ئەوانەی سۆشیالیزمیان پێ باشترە لە کاپیتالیزم هەوڵدەدەن پارتی دیموکرات لە ڕووی ئابورییەوە بە ئاراستەی چەپدا بڕوات، پێت وایە ئایدیۆلۆژییەک بوبێتە مایەی کوشتنی 100 ملیۆن کەس ڕەوایەتی لەدەست داوە لە ئێستادا، بەڵام سۆشیالیزم دەگەڕێتەوە بە شێوەیەکی جیاواز.”

دیموکرات سۆشیالیستەکانی ئەمریکا لە ڕاپۆرتێکدا ئاماژەیان بەوە داوە کە لە پاش هەڵبژاردنەکانی 2016 وە ژمارەی ئەندامەکانیان لە 5000 وە زیادی کردووە بۆ 35000، هەروەها لە 40 ناوەندی ڕێکخراوبوونەوە بوونەتە 181 ناوەند.

ئەلیکزاندەر کواسیۆ- کورتیز” “Alexandria Ocasio-Cortez ئەندامی دیموکرات سۆشیالیستەکانی ئەمریکا لە 26ی جون لەهەڵبژاردنەکانی ناوچەی 14ی نیۆرک بۆ نوێنەرایەتی لە پەرلەمانی وڵاتەیەکگرتووەکاندا، توانی دەنگی زۆرینە بێنێت و کورسی نوێنەرایەتی لە دیموکراتەکان وەربگرێت کە ماوەیەکی زۆربوو بێ ڕەقیب بوون.
چەند کەسانێک لەو دیموکراتانەی کە ناویان هاتووە بۆ هەڵبژاردنەکانی سەرۆکایەتی لە 2020 بڕوایان بە سۆشیالیزم هەیە. سیناتۆر کریستن جیلیبراند لە نیۆرک و سیناتۆر بیرنی ساندەرز لە ڤێرمۆنت، پشتیوانیان لە ” زەمانی کار – “federal jobs guarantee” کرد کە سیناتۆر کۆری بؤکەر مانگی ڕابردوو پێشکەشی کرد.

بۆکەر وتی: ” زەمانی کار دەبێت بەشێوەیەکی جدی وەربگیرێت. دابین کردنی زەمانی کار بۆ خۆی دەبێتە هۆی ڕەخساندنی هەلی کاری ڕۆژانە، وە لە ڕێی پێشبڕکێی بازاڕی کارەوە دەتوانرێت کرێ ببرێتە سەرەوە، هەروەها زەمانەتکردنی قازانج بۆ هەمووکرێکاران.”
هیلاری کلینتن لە قسەو باسێکیدا مانگی ڕابردوو وتی: لەوانەیە پێگە سەرمایەدارێکەم هۆکار بووبێت لە دەنگ نەهێنانمدا لە بەرانبەر ساندەرز لە پاڵاوتنەکانی دیموکرات لە 2016 دا.

هیلاری کلینتۆن لە کۆبونەوەی باڵای سەرکردایەتیدا لە نیۆرک وتی: ” زەحمەتە ئەوە بزانیت، بەڵام مەبەستمە بیڵێم، ئەگەر لە کۆنگرەی هەڵبژاردنەکاندای و %41 ی دیموکراتەکان سۆشیالیستن یان خۆی نمایش دەکات وەک سۆشیالیستێک. پرسیارێکم لێدەکرێت ” ئایا تۆ سەرمایەداری؟” منیش دەڵێم بەڵێ، بەڵام بەشێوەیەکی ڕێک و پێکی یاسایی و بەرپرسیارێتی؛ دەزانی ڕەنگە تیابچیت، ‘ ئای خودایە، ئەمە سەرمایەدارە!'”.

دەیڤد نۆرث سەرۆکی پارتی یەکسانی سۆشیالیستی لە وڵاتە یەکگرتووەکانی ئەمریکا وتی: ” ئاماژەکان وا دەردەکەون کە سەردەمێکی نوێ لە خەباتێکی شۆڕشگێڕانەی کرێکاران دەستی پێکردووە. سەرکەوتنی ترامپ تەنها هێمایەک نییە، بە درێژایی سەدەی بیستەم و بەتایبەت پاش شەڕی جیهانی دووەم، وڵاتە یەکگرتووەکان وەک پارێزەرو بەرگریکەرێکی سیستمی سەرمایەداری لە جیهان هەڵسوکەوتی دەکرد، بەڵام ئیتر ناتوانێت ئەو ڕۆڵە بگێڕێت.”

ماریۆن سمث بەرێوەبەری دەزگای قوربانیانی دەستی کۆمۆنیزم وتی: گرنگە هەردوو حیزبی باڵادەست بتوانن ئۆپزسیۆنی مارکسێکان تێپەڕێنن و گرنگە لە ناوخۆیاندا ڕێ بەباوەڕی فاشیلانەی کۆمۆنیستی نەدرێت، باوەڕێک بەڵگەی سەد ساڵمان لەبەر دەستە کە مارکسیزم بەکەڵک نایەت.”
——————————————————-

پەراوێز:
Alexandria Ocasio-Cortez–
ئەلیکزاندەر کواسیۆ- کورتیز – ژنێکی گەنجی تەمەن 28 ساڵان لەبنەماڵەیەکی کرێکارەوە چۆتە ناو سیاسەتەوە و ئەندامی دیموکرات سۆشیالیستەکانە. بردنەوەی کورسی نوێنەرایەتی ناوچەی 41ی نیۆرک، دەنگۆیەکی گەورەی نایەوە لە میدیای ئەمریکادا. چوونکە یەکەمینجارە کەسایەتییەکی سۆشیالیست لە گروپێکی سۆشیالیستییەوە پایەیەکی ئاوا بەدەست بهێنێت. بۆزانیاری زیاتر دەربارەی ئەم کەسایەتییە کلیکی ئەم لینکەی خوارەوە بکەن.

https://www.youtube.com/watch?v=B1qTwMX1EFY

Alexandria

mm

نووسەر و رۆژنامەنووس نەوزاد مدحت ناسراو بە (گۆران عەبدوڵڵا) لە شاری کەرکوک لە دایک بووە خوێندنی لە( ئامادەیی ثورە) تەواو کردووە، دوواتر لە پەیمانگای هونەری موسڵ بەشی موحاسەبە وەرگیراوە. بەهۆکاری نەچوونە جەیشی شەعبی لە دووا قۆناغ فەسڵکرا. وەک کەسێکی سیاسی و ناڕازی درێژەی بە کاری سیاسی خۆی دا، لە پاش ڕاپەڕین لە شاری هەولێر یەکێک بووە لە دامەزرێنەرانی یەکێتی بێکاران و ئەندامی دەستەی نووسەرانی رۆژنامەی( دەنگی بێکاران) بووە تا ناوەڕاستی ساڵی ١٩٩٥. لە ١٩٩٦ ەوە نیشتە جێی وڵاتی کەنەدایە. لە ١ی حوزەیرانی ٢٠٠٢ وە ماڵپەڕی دەنگەکانی(www.dengekan.com) وەک رۆژنامەیەکی ئەلیکترۆنی رۆژانە دامەزراندووە وە تا ئێستاش بەردەوامە. لە ٢٠٠٥ بەشی وێب پەیج دیزاینی لە (Durham computer & Business college) تەواوکردووە. لە درێژەی کارە رۆژنامەوانێکەیدا سەرباری بڵاوکردنەوەی بابەتە سیاسی و ئەدەبی و کەلتورێکان چەندین مەلەفی جۆراو جۆری کردۆتەوە سەبارەت بە بارودۆخی سیاسی عێراق و کوردستان لە بوارەکانی دیموکراتی، ژنان، گەندەڵی و ئازادیدا وە چەندین چاوپێکەوتن و گفتوگۆو کۆڕی وەک ماڵپەڕی دەنگەکان ئەنجام داوە. وە بەشێک لە لەو چاوپێکەوتنانە لە شێوەی کتێب چاپکراون وەکو: مارکس لەمڕۆدا، بەزمانی کوردی، بزووتنەوەی سۆشیالیستی لە کەنەدا بە زمانی ئینگلیزی سەرباری کاری رۆژنامەوانی بەشداربووە لە دامەزراندنی رێکخراوەی (پەیوەندی کوردی دژی جینۆساید) کە هەستان بە رێکخستنی چەندین بۆنە لە شاری تۆرۆنتۆ و دەوروبەری لە پێناو ناساندنی جینۆسایدی گەلی کورد بە دەوڵەتی کەنەدا.

Previous
Next
Kurdish