Skip to Content

142 Views

بێهرووز غه‌ریب پوور: دوای فیلمی “ده‌وه‌نده‌” ئه‌زموونی رێگایه‌کی دیکه‌م له‌ سینه‌مای منداڵ و مێرمنداڵدا کرد

بێهرووز غه‌ریب پوور: دوای فیلمی “ده‌وه‌نده‌” ئه‌زموونی رێگایه‌کی دیکه‌م له‌ سینه‌مای منداڵ و مێرمنداڵدا کرد

Be First!
by July 11, 2018 Cinema, General
image_print

مه‌نووچێهر جیهانی ـ “بێهرووز غه‌ریب پوور” ده‌رهێنه‌ری ناوداری سینه‌ما و شانۆی بووکه‌ڵه‌ی کوردستان و ئێران سه‌باره‌ت به‌ ئه‌زموونه‌کانی له‌ سینه‌مای منداڵ و مێرمنداڵدا رایگه‌یاند: له‌ دوای فیلمی سینه‌مایی “ده‌وه‌نده‌” واته‌ “ڕاکه‌ر” ئه‌زموونی رێگایه‌کی دیکه‌م له‌ سینه‌مای منداڵ و مێرمنداڵدا کرد.
به‌ پێی راپۆڕتی لێژنه‌ی راگه‌یاندنی گشتیی فێستیڤاڵی نێونه‌ته‌وه‌یی فیلمه‌کانی منداڵان و مێرمنداڵانی ئێران؛ “بێهرووز غه‌ریب پوور” نووسه‌ر و ده‌رهێنه‌ری به‌ئه‌زموونی سینه‌مای منداڵ و مێرمنداڵی ئێران سه‌باره‌ت به‌ ئه‌زموونه‌کانی چالاکیی خۆی له‌م بواره‌دا گوتی: به‌ر له‌ نووسینی سیناریۆی فیلمی سینه‌مایی “ده‌وه‌نده‌” واته‌ “ڕاکه‌ر”، چه‌ندین بیرۆکه‌ی جۆراوجۆرم بۆ سینه‌مای منداڵ و مێرمنداڵ هه‌بوو، به‌ڵام سیناریۆی “ده‌وه‌نده‌”م که‌ نووسی، ئه‌زموونی رێگایه‌کی دیکه‌شم په‌یدا کرد.
ئه‌و سینه‌ماکاره‌ کورده‌ هه‌روه‌ها گوتی: له‌ درێژه‌ی کاره‌که‌مدا چه‌ندین سیناریۆی جۆراوجۆرم سه‌باره‌ت به‌ منداڵ و مێرمنداڵ نووسی که‌ یه‌کێک له‌وانه‌ سیناریۆی “ئورده‌ک لی” بوو که‌ بنکه‌ی هزریی بارهێنانی منداڵان و مێرمنداڵانی ئێران ئاماده‌ نه‌بوو له‌سه‌ری سه‌رمایه‌گوزاری بکات و پاشان له‌ دوای بیست و پێنج ساڵ چاوه‌ڕوانی، ساڵی پار ئه‌و فیلمه‌م ساز کرد.

غه‌ریب پوور له‌ درێژه‌ی قسه‌کانیدا وه‌بیری هێنایه‌وه‌: هه‌روه‌ها فیلمی سینه‌مایی “کارئاگای 2” و فیلمی سینه‌مایی “ته‌نبه‌ڵی پاڵه‌وان”م دروست کرد که‌ فیلمی دووهه‌م ته‌نیا رێزی لێگیرا، له‌به‌ر ئه‌وه‌ی که‌ بۆ منداڵان به‌رهه‌م هێنرابوو، نه‌ ره‌خنه‌گران. ره‌خنه‌گرێک ئه‌و فیلمه‌ی له‌گه‌ڵ فیلمی سینه‌مایی “حه‌سه‌ن که‌چه‌ڵ”ی خودالێخۆشبوو “عه‌لی حاته‌می” ده‌رهێنه‌ری ناسراوی سینه‌مای ئێران به‌راوه‌رد کرد و به‌و ئه‌نجامه‌ گه‌یشتبوو که‌ من نه‌متوانیوه‌ فیلمێکی وه‌کوو ئه‌و دروست بکه‌م. له‌ حاڵێکدا ئه‌گه‌ر به‌ وردی سه‌رنجی بدایه‌، تێده‌گه‌یشت که‌ به‌رده‌نگی فیلمی “حه‌سه‌ن که‌چه‌ڵ” هه‌ر منداڵان نین. له‌گه‌ڵ ئه‌وه‌شدا سیناریۆی “ته‌نبه‌ڵی پاڵه‌وان” له‌ ساڵێ 2000ی زایینی له‌ ریزی باشترین به‌رهه‌مه‌ چاپکراوه‌کانی منداڵ و مێرمنداڵ ناسێندرا.

“بێهرووز غه‌ریب پوور” له‌ وڵامی ئه‌وه‌ی که‌ هۆکاری کزبوونی رێژه‌یی سینه‌مای منداڵ و مێرمنداڵ له‌ دوای سه‌رده‌می زێڕینی ده‌یه‌کانی 1980 و 1990ی زایینی له‌ چ هۆکارگه‌لێکدا هه‌ڵده‌سه‌نگێنێت، رایگه‌یاند: به‌ڕێوه‌به‌ری فیستیڤاڵی نێونه‌ته‌وه‌یی فیلمه‌کانی منداڵان و مێرمنداڵانی ئێران له‌ سه‌ره‌تادا بنکه‌ی هزریی بارهێنانی منداڵان و مێرمنداڵانی ئێران بوو، به‌ڵام له‌ دوای شۆڕشی ئێران، دامه‌زراوه‌ی سینه‌مایی فاڕابی به‌رپرسایه‌تی به‌ڕێوه‌چوونی ئه‌م فێستیڤاڵه‌ی له‌ ئه‌ستۆ گرت.
سی و یه‌که‌مین خولی فیستیڤاڵی نێونه‌ته‌وه‌یی فیلمه‌کانی منداڵان و مێرمنداڵانی ئێران به‌ ده‌بیری و به‌رپرسایه‌تی “عه‌لیڕه‌زا ره‌زاداد” له‌ رۆژانی 8 تا 14ی مانگی خه‌رمانانی ئه‌مساڵ رێکه‌وتی 30ی ئۆگۆست تا 5ی سێپته‌مبری 2018ی زایینی له‌ دوو به‌شی نه‌ته‌وه‌یی و نێونه‌ته‌وه‌ییدا له‌ شاری مێژوویی ئیسفه‌هان له‌ وڵاتی ئێران به‌ڕێوه‌ده‌چێت.

Previous
Next

Leave a Reply