Skip to Content

با ئەم شەو شتێک بۆ نەوەکانی” فیرعون” بنوسین  … کاروان حەسەن

با ئەم شەو شتێک بۆ نەوەکانی” فیرعون” بنوسین … کاروان حەسەن

Closed
by ته‌مموز 13, 2018 General, Poems

با ئەم شەو ئەوان بە باپیرەیان شاد بکەینەوە ،
ئەوانێک لەدامێنی دل رەقیدا
لەدایک بوون
لە تەپۆڵکی بێ رەحمیدا غلۆربونەتەوە نێو ژیان

با لەو دیوی سنورە تەڵبەندەکاندا
بگەینەوە بەدیداریان ..

دیدارێک لەنەوەکانی مێهرەبانیەوە دروست بکەین و
با فێریان بکەین
چۆن هەورە ناسکەکان دەناسنەوە
بافێری فیدا کردن ببن لە پێناو رەنگی رەساسیدا
با فێربن چۆن ئەخزێنە ئامێزی بیستنمانەوە
بافێربن ئاوازی ناسک بژەنن
بافێربن بۆنی تالەکانی قژیان بخەنە نامە
بافێربن کە” پیاو” چەندە ناسک ئەبنەوە کا عاشق ئەبن
بافێربن چۆن دل کە شکا شکانی مرۆڤایەتیە..

ئیتر هاتنێک وەرن هاتنی تازەیی بێت ،
واز لە فیرعون بونتان بێنن ، ئێرە ژیانە ژیانێک پر لە رەنگی جوانی
جوانیێک تا کەناری ئارامی و تا کەناری پێکەوە بونمان دەبات
لەبەرامبەرتم
ئەزانی ؟
هەمیشە جۆرێک هەست بە برین دەکەم بەسەر جەستەمەوە
کە کەسێک هەیە نایەوێت بێت
هەمیشە رێگایێک هەیە بۆ پیاو ، هەموو هەنگاوەکانی دەچنەوە سەر ئەو رێگایە..
وەک بلێ تاکە رێگایێک موڵکی ئەوە ..
برینێکی جێماوەن، بەسەر دڵمەوە .

“کاروان حسن ”
کەنساس ستی
ئەمريكا
کات 8:43

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish