Skip to Content

193 Views

مراوی زیرەک …هۆنراوە بۆ منداڵان/ محەمەد بەرزی

مراوی زیرەک …هۆنراوە بۆ منداڵان/ محەمەد بەرزی

Be First!
by July 15, 2018 General, Kids Literature
image_print

دوو مراوی نێر و مێ
نزیک کەناری گۆمێ

دەگەڕان بۆ مێشوولە
بۆ بۆق و کرم و کوللە

ڕێوییەکی زیتی زۆرزان
زۆر بە گوڕ نیشتە سەریان

مراوییەکان بە پرتاو
خێرا فرینە ناو ئاو
ڕێوی مەلەی نەزانی
ترسی ئاو زوو وەستانی

بە قیقە قیق مراوی
دیقیانکرد بە مام ڕێوی

١٦ / ٣ / ٢٠١٨

مانگا زەردە

مانگا زەردە نەوسنە
بۆیە تۆزێ ورگنە

ڕۆژانە شیری زۆرە
خۆشە بۆ ماست و کەرە

زەنگۆڵەی لە ملدایە
حەزی زۆری لە گیایە

ئەو دەمەی کاوێژ دەکا
هەردەڵێی بنێشت دەخوا

برسی بێ دەبۆڕێنێ
دنیا بە ئاگا دێنێ

خۆ مێشی لیێ بنیشێ
بە کلکی پیای دەکێشێ

٢٢ / ٨ / ٢٠١٧

Previous
Next

Leave a Reply