Skip to Content

بۆ هەموو گەنجێک …. حەمەی مام ئەنوەر

بۆ هەموو گەنجێک …. حەمەی مام ئەنوەر

Closed
by ته‌مموز 26, 2018 General

هاوسەرگیری بۆ ئەوە بکە کە بتوانی خۆشت بوێت، هاوسەرگیری کڕین و فرۆشتن نیە ، هاوسەرگیری دروستکردنی لانەیەکە کە پێویستە دوو دڵ بە ئارامی تێیدا بژین!

شوکردن قەناعەتە ! نەک تێرکردنی حــــەزە مادی و مەعنەویەکان ! دەبــێ کە شوو ئەکەیت قەناعت بکەی بەنانی ڕەق بە نەبوونی زیاتریش ، دەبێ بزانیت تـــــۆ ئەوکات خاوەن ماڵێکیت جیاواز لە ماڵی باوانت !

تۆ دەبێ زۆر شت بگۆڕی و زۆر شت قبوڵ بکەیت گەر وانەکەیت تەمەنی هاوسەریت کورت دەبێت !! ـ تەنها ئاهەنگی مارەبڕین و گواستنەوە و خۆشەییەکان و خۆ بە ســـاقەکردن مەبینە ـ دەبێ لێبوردەیت ، میهرەبانیت ، ئارامیت ، دو هێندە و سێ هێندە بکەیت !

تۆ دەبیت بەدایک و گەورەتر دەبیت و پڕ دەبیت لە مەسولیەت ، ڕەنگە نەشبیت بەدایک و نابێت دنیا وێران بکەی ، ئەوەی نەبوو خودا باشتر دەزانێ …

میوانت دێت و بەمیوانیش دەچی ئەوکات وەک کەسێکی سەربەخۆیت نە لەگەڵ دایکتیت نە لەگەڵ باوکت دەبێ فێربیت دو قسە بکەی و دو میوان بدوێنی و خواحافیزیەک و بەخێرهاتنەکی جوان بکەیت ! دەبێ دڵی هاوژینەکەت ڕابگری و بەرانبەر دۆستانی ئەو دۆست بیت و بەرانبەر دوژمنانی ئەو دوژمن بیت ، ڕێز لەمیوان و کەس،وکاری ئەو بگری !

بەرگەی سەرما لەنەبوونی نەوت و بەرگەی بێ کارەبایی بگری ، تۆ لەماڵێکی گەورە دەچیتە ماڵێکی بچوکی خــــۆت ڕەنگە ژورێک بێت نە قەنەفە و نە تلفزیۆنی گەورە و نە سورەیای لێ نە بێت !تـــــۆ دەچیتەوە خاڵی سەرەتا و لەوێوە بناغەی ماڵێکی نوێ و ژیانێکی نوێ دروست دەکەی بۆخوت لەگەڵ ئەو کەسەی هەڵتبژاردوە ! دەبێ بوێر و ئازا و خۆڕاگربیت … تۆ گەر تەنها ئەڵقە و زێڕ و جل و ماڵت گــــەرەکە ماڵی باوکت خۆشترین و باشترین شوێنە نەژیانی کەس تێکدەدەیت و نە یاری بەخۆشت دەکەیت !!!

ئیتر بۆ کوڕیش هەمان شت بەڵام بە بەرپرسیاریەتی زیاتر و ئارامگرتنی زیاتــــر ، کوڕ کە زەواج دەکات دەبێت بەسەرۆکی ئەو نیشتیمانەی کە پێی دەوترێ خێزان ، گـــــەر توانای وەرگرتنی ئەو پۆستەت نییە جارێ دانیشە و وەریمەگرە بۆ ژیانی خەڵکانی تر قوربانی کامڵ نەبوونت دەکەیت ؟ !

بەیانیان ئەبێ زوتر هەڵسی ئیتر ژیانی هاوسەرت و مناڵەکانت لەسەر ئارەقی نێوچاوانتە ، دەبێ ماندوو بیت وە نابێ ماندبونی دەرەوە بهێنیتە ماڵەوە دەبێ بەشەوق و زەوقەوە بچیتەوە ماڵ ئیتر لای ئەوان تۆگرنگتری لەپارو و لە پارە ! ئیتر تۆ سەرۆکی نابێ ماندبونت پێوە دیاربێت ـ دەبێ لە ناخۆشیەکان هیوابیت و سەختیەکانی ئەوانی تر ئاسان بکەی ، باشی تۆ باشی خێزانە دەبێ باش بیت باش !

ئیتر با بۆ هەمووان ڕوون بێت زەواج پێش ئەوەی چێژ و خۆشی بێت پێش ئەوەی پڕکردنەوە بۆشاییەک بێت بەرپرسیاریەتی و قوربانیدانە، دەست پێکردنە لە سفرەوە! ڕۆیشتنە بەرەو ژیانێکی نوێ و جیاوازتر لە ژیانی پێشوو !!!!!.

حەمەی مام ئەنوەر

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish