Skip to Content

پێنووسێکم دەوێ کێ پێم دەدات ؟ … هاوتا کوردستانی

پێنووسێکم دەوێ کێ پێم دەدات ؟ … هاوتا کوردستانی

Closed
by ئاب 12, 2018 General

خوێندنەوە و نووسین دوانەیەکی لێک دانەبڕاوی ژیانم بوون و وەک دوو ڕۆح بوون کە لەجەستەی پێنووسێکدا ڕۆچووبێتن ، هەمیشە و لەکاتی ئاوەزکردنم بەشتەکان و دیاردە و بەهاکان هەمیشە هەوڵم داوە بەشێک نەبم لەغەم و زامەکانی کۆمەڵگا و نیشتیمان بەڵکو خەونم بووە بتوانم بەشێکی کەمیش بێت لەو پەژارە و چەوسانەوەی نیشتیمان و گەلەکەم هەڵگرم و ئەمەش نووسینم کردە دەروازە بۆ خەونە بچوکەکانی نیشتیمانەکەم و شەقامەکانی نیشتیمان لە جیهانی بێدەنگی دزە بکەنە دەرەوە و کوچەو و کۆڵان و کون و کەلەبەری ئەم وڵاتە بێتە مەودایەکی ئارامگر و هێنەری شادیە نەبڕاوەکان و ئیدی دەستی ئەم نیشتیمانە ماندووە بگرێت و لە بێماڵی و دڵڕەقی کەنار گیری بکات،

نووسین ئاوازی بەرخوورد و دڵ و دەروون و پیشاندانێکی ڕاستەوخۆ و ناوڕاستەوخۆی ئەو واقیعە شیرین و هەم نالەباریشەیە ، وە نووسین خۆشی لێوان لێوە لەتراژیدیا و کاریسەی گەورە گەورە کاتێک تۆ ئەتەوێ لەقووڵایی تراژیدیایەکەوە تراژیدیەکی دیکە پیشانبدەیت ئەمەش هێندەی تر ئاڵۆزی و تەنگەژەی زیاتر دێنێتە پێشەوە ، ئێمەومانان و کەسانی هاوشێوەش هەمیشە لەتەقەلای ئەوەدا بووین ئەو تراژیدیە قووڵەی خۆمان حەشاربدەین و تراژیادیای کۆمەڵ نمایش بکەین وە ئێمەش لەناو ئەو کاریسەیەشدا خەونی بچووک بچووکمان هەبووە و سات بە سات و ڕۆژ بە ڕۆژیش لەگەڵ گەورەبوونی ئەم تراژیدیایەدا خەونە بچوکەکانی ئێمەش گەورەبوون و گەشەیان کردووە لە گەشەکردن نەوەستاون ،

کاتێک هەست کردنیش بەم بەرپرسیارێتیە و ڕۆچوونە نێو دونیا و فەزایەکەوە ئیدی هێدی هێدی دەست و پەنجە نەرم کردن لەگەڵ دیاردە و ڕووداو و بەها بەرجەستەکراوەکان دێتە ئاراوە ، لێرەدا بەشێکی ئەو تراژیدیاییە دێنمەسەر باس و سەر مێزی گفتووگۆ بۆ ئەوە نا کەنیشانی بدەم ژینی ئێمە پڕە لەتراژیدی و لەگەڵیشیدا لە هەم و پەژارەی تراژیدی دەستە جەمعیشداین و داستانی قارەمانی و نەبەردی ناگێڕینەوە بەڵکو ئەو واقیعە دژوارە باسدەکەین کە تاهەنووکە نەمان ویستوە کۆمەڵیش تێکەڵ بە تراژیدیە قووڵەکانی ئێمە ببێت بەڵام من وەک خۆم بە پێویستم زانی ئەزموونێکی کەم بگێڕمەوە و وەتەنها ماف بەخۆم دەدەم تەنها باسی خۆم بکەم و بۆ ئەوەی لێرەوە تێگەشتنێک هەبێت بۆ ئەو مەودا عیرفانیەی کوردی .
سەرەتا وەک تاکێکی بەرجەستەکراو و ڕاستەوخۆ و چوونە نێو دیاردە و کاریسەکانی کۆمەڵگا و پانتایەکی مەعریفی کە بتوانێت هەڵگری ئەم ئازارانە بێت و بەرجەستەی بکات بە پێنووسێکی ماندوو لەکاتی دەستپێکردنم سەرەتاشدا دەستم دایە پێنووس و خوێندنەوە بوە خۆراک و وزەی جەستەو عەقڵ و دەروونم و خۆم و خەون و خولیاکانم لەنێو چواردیواردا هێشتەوە و خۆم و پێنووسێک لەناوی ژوورێکی داخراودا بەقەتیس کراوی ماینەوە و دەستم دایە پێنووس ، سەرەتای دەستپێکم لە ڕۆژنامە و گۆڤار و دەزگا چامەنی و ماڵپەڕەکوردیەکانەوە دەستی پێکرد

لەڕۆژنامەکانی
_ هەواڵ نیووز
_وشە
_ئاژانس
_کوردستانی نوێ
_هاوڵاتی و ئاوێنە

ماڵپەڕەکانی
ئێن ئاڕ تی NRT
تۆڕی میدیایی خەڵک
وێستگە نیووز
ئاگا پرێس
کەی جی ئێن kgn
بزاڤ پرێس
میلەت پرێس
ئاڕاستە
کورد نیووز
ژیان
سنوور میدیا

ئەوانەی کە لەهزر و یادگەم مابێتەوە ئەوانە بوون کەشتم بۆ نووسیون و لەبابەتی (وتار و چیرۆک و توێژینەوە و سەرگوزەشتە ) بەبێ گوێدانە لایەنی ئایدۆلۆچی و ئینتیمابوون بۆ دەمارگیری حیزبی و سیاسی و لەسەرجەمیاندا وەک یەک مامەڵەم کردووە و پانتایی نووسینەکانیش بوونی تیشک خستنه سەر گەڕانەوەی فەزای مەدەنیەت و بوونیادنانی کۆمەڵگایەکی مەدەنی و دەستووری و مامەڵەی حیزبی و سیاسی لەگەڵ کۆمەڵگای هاوچەرخ و تێزی بیرکردنەوە و ڕۆچوون و قاڵبوونەوە و پێدانەوەی شوناسێکی دیکە بە هەیمەنە و ڕۆڵ و کاریگەریەکانی ئاین و بوونیادنانی تاکێکی ڕەخنەگر و هەموو تاکێک وشەی “نا ” ببێتە پڕەسیپی ژیانی وە کارکردن و جەغت کردنەوە لە کۆمەڵێک پڕەسیپ و بەها و ئاکاری باڵا بەڵام لێرە زیاتر مەودای باسکردنی نیە و وەبەڵام وا نزیکەی شەش مانگ دەبێت وشەیەکیشمان بۆ هیچ دەزگایەک نەناردووە و ئەوەی نووسین و زادەی بیر بوبێت لێرەوە خستومانەتە ڕوو بەڵام لەگەڵ خستنەڕووی بەرانبەریش بۆ دەرخستنی بەڵام من ئامادەییم دەرنەبڕیووە و لێرەوە بەشێووەیەکی ڕاستەوخۆ ئەرگوێمێنت و بیرەکان تاوتوێ کردووە و زۆر خۆشحاڵتر بووم هەرچەند کەهەموو کەسێک و هەموو دەزگایەکیشم سەرپشک کردووە لەبەکارهێنانی نووسینەکان بەبێ مۆڵەتیش مامەڵەی پێوە بکەن لەچوارچێوەیەکی یاساییدا ، وە قەڵایەکیش لەپشت منەوە هەیە کە هەموو ژینگە و کەسە نزیکەکانیشم دژایەتیم بکەن ئەو بەتاق و تەنهاش بێت هەر لەپشتمە و بەرانبەر هەموو پەرچەکردارێک دەبێتە قەڵغان و وە هەنگاو بە هەنگاوم زیاتر مسۆگەر تر دەکات و ئێرەش شوێنی ناو هێنان و مەدح کردنی نیە بۆیە تەنها وەک بەشێکی پڕۆسەکە باسی دەکەم بۆیە ئەڵێم مرۆڤە باشەکان سەرلەنوێ ڕامان دەچڵەکێنن و وامان لێ دەکەن دووبارە پێناسەی مرۆڤ بکەینەوە کەئەویش مرۆیەکی گەورەیە و باسکردنی بۆ شوێنی خۆی جێ دەهێڵم .
Haw Ta
سوێند بە نیشتیمان ماندووەکەم و بەخۆڵ و خاشاکی تا وزە لەڕۆح و جەستەمدا بێت بڕشتی پێنووسم لەخزمەت ئەم نیشتیمانەدا دەبێت ، پەیامی من ئەوەیە کە هەر تاکێک لەو نوخبە گوڵبژێرانەی میوانی ئەم سەکۆیە و خوێنەری نووسینەکانم پێنووسێکم لێیان دەوێت ، پێنووسێکم بەدیاری پێشکەش بکەن بە پێنووسەکانی ئێوە زیاتر بەگوڕتر بەردەوام بین و سەرلەبەری تراژیدیاکان ڕیشەکێش بکەین ، و ئامادەیی ئێوە بە بەخشینی پێنووسێک دەست پێ دەکات گەر بیگرە 100 کەس ئامادە بێت 100 پێنووسم پێشکەش بکەن ، و ئەو پێنووسانەی ئێوە بەکاردێنم و شەرەفمەند دەبم گەر سەد پێنووسە ڕەنگە چەندساڵێک و ڕەنگە دەیان ساڵی داهاتوو بە پێنووسی ئێوە مۆڵگەی نووسینەکان ئاوەدان بکەمەوە
کەمپینێک دەبێت یەک دوو جارێکیش ئەنجامی بدەین ڕەنگە تا دواهەناسەی نووسینیش بەردەوامبوونی نووسینەکانم بە پێنووسەکانتان مسۆگەر بێت و وەئەمەش دەکەین بە کولتورێک کە تاکەکان هەڵگری ڕۆحی ئازادیخوازی دەبن و دەبنە هۆکاری نوێبوونەوە و بووژانەوەی وزە بەرجەستەکراوەکانی نووسەران و پێنووس بەدەستان دەبێت و ئەم کەمپینەش درێژکراوە دەبێت و بەڵکو ببێتە دەروازەیەک کەهەموو نوسەرەکانیش ئەم کەمپینە ڕابگەیەنن، ئەمە کەمپینێکە داوای پێنووس ئەکەم نەسواڵە و نەخێر بەڵکو پێکەوە گرێدان و ئاشتبوونەوەیە لەنێوان تاک و خوێنەردا لەبری زڕاندن و سڕینەوەی پێنووسە ئازادەکان پێنووسێک ببەخشن کە بە ئازادی بنووسێت وەک تاکێک بەم کارە دەتوانین گۆڕانکاری واقیعی دروست بکەین گەر تاکێک ئامادەیی بەخشینی پێنووسێکی نەبێت و باس لەدونیای هاوچەرخ و گۆڕاکاری ڕیشەیی بکات وەک مەلەکردنە پێچەوانە شەپۆلی دەریا و دەبێت هەر لەو خەونە قووڵانەدا بژین و نەوەکانی داهاتووش هیوا بەم خەونانەوە ببینن، دەتوانن ئێوەش بەشێکبن لەو فەزا مەعریفیە و خۆتان کەنارگیر مەکەن و وەک دوو ئاڕاستەی جوودا مامەڵە نەکەین و ئامێزانبوونی یەک ببین بۆ بوونیادنانی فەزایەکی هێمن و ئارام و دوور ئاڵۆزی و ژاوەژاو ئەو ژاوەژاوەی تەواوی دەروونمان ئاڵۆز دەکات ، فەرموون با دەست لەناو دەست بەدیهێنەری خەونە بچووکەکانی ئێمە ڕیشەکێشکردنی تراژیدیەکانی ئێوە بین .

هاوتا کوردستانی

Previous
Next
Kurdish