Skip to Content

96 Views

جەناب ….  کۆڕش وەحید

جەناب …. کۆڕش وەحید

Be First!
by August 20, 2018 General, Literature
image_print


چیرۆک/

————————————

-ببورە جەناب ئەو رۆژنامە بەدەستانەی لە دوورەوە دەیانەوێت لە دەرگای کۆشك نزیکبنەوە هیچ دەربارەی نووسەری سوێدی سلاڤۆی ژیژەك نازانن و کردوویانە بە ژیژك، ئەوان هێندەی چاوەڕوانکردنی رۆژانەیان لەبەردەم کۆشکدا خەریکی موتاڵاکردن و تێفکرین بوونایە ئەمێستا سوپایەکیان لە رۆشنبیران پێکهێنابوو و کتێبخانە گشتیەکانی گوندو شارۆچکەکانیش جمەیان دەهات لە جێی ئەوەی ئەسپەکانی تێدا ببەسترێنەوە ، بەڵام پارە تەزوویرەکانی تۆ هەموویانی لە بنڕا چەموشترو تینوتر کردووە، ئەم پارانە لە دەرەوەی ناوچەی کۆشکدا کەس مامەڵەیان پێوەناکات، خەڵك گەڕاونەتەوە بۆ کۆمۆنی سەرەتایی و شت بە شت دەگۆڕنەوەو ئاوها مامەڵە دەکەن، کابرای تاكچاو هەموویانی لە خشتە بردووە، هێندە خێرا دەڕوات بە هەموو شوێەکان ڕادەگا. کوا ئەو فڕۆکەیەی پێنج ساڵە بەڕێوەیە و ناردووتانە بۆ هەسارەی پلۆتۆ بۆ داواکردنی یارمەتی؟ هیچ دەنگی نییە بگەڕێتەوە! رەنگە هەر لە بۆشاییدا بخولێتەوە تا سەروەختی کەڕەنا !

*تۆ نازانیت من لە جەنگەکانی باپیرمەوە تێگەشتم کە ناو لولەی بڕنەوەکان دەبێت جوان خاوێن بکرێنەوەو چەور بکرێن تا باشتر تەقە بکەن، ئەوە مەتریلۆزەکان هەر باس مەکە، هەموو رۆژێك بە ئەسیرەکان هەڵیاندەوەشێنین و پاکیان دەکەنەوەو دەیبەستنەوە.
-ئەی کوا ئەو کتابانەی لە جەنگیز خانت شاردنەوە، تا دوایی خەڵك وانەیان لەسەر بخوێنن و خوێنەواری فێر بن، بۆ دەریان ناهێنیت؟ خۆ پەڕەیەکی سپی لە هیچ دوکانێکدا دەستناکەوێت بۆ تیانووسین.
*تەواو ئەوەی نووسرا نووسرا، لە مێژە فەرمانمان داوە خامەو تیانووسەکان قەدەغەی فرۆشتن بکرێن، لە شوێنیاندا پەڕەی سیغارو گەڵای توتنەکان بەکاربێنن.

-نەشەپۆلی رادیۆ ماوە نە هێڵی تێلەفۆن، ئەستەمە نەزانیت چی لە دەوروبەرتدا دەگوزەرێت و بەڕەنگی هەورەکانی ئاسمان رووداوەکان بخوێنینەوە، هەور هەیە بۆرە، هەیە زۆر تاریکە، هەشە سوور، لە بنەڕەتدا هەندێكجار تەپوتۆز هەر ناهێڵێت رەنگی ئاسمان ببینین.
*ئەی ئەو هەموو جادوگەرانەم بۆچی ڕاگیرکردووە؟ مەگەر نازانیت؟ تیلسکۆبێکیان لەسەربانی کۆشك بۆ داناوم خۆم هەموو شتەکان دەبینم و هەر لە ئیلهامی ئەو نیگایانەمەوە بەیانیان خەڵك تەدارەك دەدەین.
-ئەی جارێکیش نەماندی لولە ئاگرگرتووەکان بکوژێنیتەوەو خەڵك بەکاریبێنن بۆ خۆ گەرمکردنەوە؟ لە بابلییەکان وایە ئاگرەکەی زردەشتە لە دوورەوە دەبریسکێتەوە، ئەوان لەوێوە وزەی لێوەردەگرن.

*دواجار کە وینستۆنم بینیەوە بە گەرمی ئەملاولای ماچکردم و نەمهێشت باسی ئەو لولانە بکات، یەکسەر باسەکەم گۆڕی بۆ ئەو جۆرە سەگە رەسەنانەی لێرە هەن، زۆر کەیفی پێهات، نازنم بۆچی داوای نەمامی دارگوێزی دەکرد؟
-ئەو شەوەی کڕێوە لەیەکتری جوداکردینەوە منیش وەکو ئەو خەڵکە بەردەوام بە قوڕاو و چڵپاودا ڕێم دەکرد تا بگەمە سنووری ئاوەدانی، هەر گژوگیاکانی دەم ڕێمان دەخوارد، دەمانبینین ئەوانەی شارەزابوون لێیان دەکردنەوەو دەیانخوارد منیش هەروام دەکرد، لەوساوە بەڕێوەم ئێستاش نەگەشتوومەتە هیچ شوێنێك..

Previous
Next

Leave a Reply