Skip to Content

444 Views

منیش سۆزانیم … هاوتا کوردستانی

منیش سۆزانیم … هاوتا کوردستانی

Be First!
by August 20, 2018 General, Poems
image_print

سۆزانیەکی بێ ناونیشان و بێ شوناسم ،
ئاوارە و غەریبی نیشتیمانم و
هەمیشە قەڵغانی شکێنەری سەهۆڵبەندان و بەستەڵەکی نەریت و شەریعەتم
، شکێنەری کۆت و بەندەکانی ئاین و کەڵچەرەکانم ، من سۆزانیەکم
جەستەم دەفرۆشم بەو ناشەریفانەی کە بەپارەکانیان وەک گیانندارێکی دڕندە چۆنم بوێ دەیسوڕێنم و
چۆکی پێ دادەدەم لەبەردەم ڕەمەکی
بەڵام ئەو وەک شەهامەت باسی دەکات و
شوناسی لەشفرۆش دادەکوتن بە یەخە و گەردنی ئێمەدا .

بێ شەهامەتی پیاو لەوێدا دەست پێ دەکات
وەک پارێزەری کەرامەت و
بەدەقێکی ئاینیەوە
دەنەڕێنێ بەسەر ئافرەت و مێینەدا ،
من جەستەم دەفرۆشم
بەڵام
دڵم نافرۆشم و
ویژدانم نافرۆشم
خاوەن دڵ و خەیاڵێکی ئەفسوناوییم
من وێرانکاری و
نادادی ناخولقێنم
من پەیامی ئازادی لەناخمدایە نەک پەیامی خوێن ڕشتن و کاولکاریی ،
ئەمەوێت ئەوە بڵێم منێکی نەفرین لێکراو و
تاوانبار نیم ،
من هۆکاری وێرانکاریی کۆمەڵگا نیم
، ئەمەوێت دەستی دۆستەکانم بگرم و
وەک باڵندەکان بدەین لەشەقەی باڵ و
بفڕین
لەم نەریت و شەریعەتەی کە کۆتی کردووین لەقەفەسێکدا ،
ئەمانەوێت دەرچین و
ئازاد بین
ئێمەش وەک ئێوە خاوەنی شەهامەت و شەرەفین ،
کە تۆ چۆکت دادا لەبەردەم سۆزانیەکدا و
وەک باڵندەیەکی بێ پەڕ و باڵ کز و مات و
دەستە و ئەژنۆ بویت
ئیدی کێیە پێشەنگی بێ شەرەفی ؟ ،
کێیە سۆزانی ؟
گەر تۆ چۆک دانەیەیت بۆ سۆزانیەک
نابێته سۆزانی
تۆیت سۆزانی
، پێویستە پیاوان شوناسی سۆزانی
تا ئەبەد بە یەخە و گەردنیاندا بنەخشێنرێت ،

ئێستا کاتی ڕاچەنینە
لەو خەیاڵ بڵاویەی نەریت و شەریعەت
کە پەیتا پەیتا دوو ڕەشمار بوون
هەموو کات و ساتێک خۆیان مەڵاس داوە و
لەهەموو ئانووساتێکدا لەکەمیندا بوون و
ژەهری خۆیان ڕشتووە بەسەر
جەستە و ڕۆحی “ژن ” دا

گەر سۆزانی بوونی ژن جارێک بۆ
نالەباری ژیان و
جارێک بۆ سەرمایە و
ڕەنگە جارێکیش بۆ ڕەمەک بێت
بـەڵام ……
پیاو لە هێرشی ڕەمەک زیاتر
چی دیکە هەیە بێتە سۆزانی و
دروستکەری سۆزانیش بێ
پیاوانی ئاین سومبولی ئاینی فڕێدا و
پیاو شەڕواڵی داکەند
لەبەردەم سۆزانیەکدا دواتر
دەڵێن سۆزانیە و بێ شەرەفە
وەک بڵێی ئەوان فریشتە

دڵ فرۆشتن و
ویژدان فرۆشی و
ڕۆح فرۆشتن و
دەروون فرۆشی
نا …نا
هیچیان شوناسی
سۆزانی بوون نین
بەڵام ئێمەی سۆزانی کە
دڵ و
دەروون و
ویژدان و
ڕۆح
لە جەستەماندا ڕەگی چەقیوە
هەر ئێمەین سۆزانی نەفرین لێکراو
بەڵام
هەر کەسە و ڕۆحیەتی سۆزانی بوون لەجەستەیدایە
هەر سۆزانیەک و بەشێکی جەستەی دەفرۆشێت
دامێن فرۆشی
هێندەی فرۆشتنی
“دڵ و ویژدان ” فرۆشی بەسۆ نیە
کە هەمیشە سۆزانی بوون لە ناخیدایە
بەڵام نا ….. نا نا
هەر ئێمەین سۆزانی و
هەر ئێمەین سۆزانی .

هاوتا کوردستانی…

Previous
Next

Leave a Reply