Skip to Content

98 Views

بۆ مەگەر هەر حزبی دیموکرات لە خاکی هەرێمەوە دژایەتی ڕژێمی ئیسلامی دەکات..؟

بۆ مەگەر هەر حزبی دیموکرات لە خاکی هەرێمەوە دژایەتی ڕژێمی ئیسلامی دەکات..؟

Be First!
by September 10, 2018 General
image_print

موزەفەر عەبدوڵا

لە بەردەوامی سیاسەتو کردەوەی تاوانکارانەی سەرکوتو ئیرهاب و ئیعدامی چل ساڵە لە لایەن ڕژێمی ئیسلامی ئێرانەوە لە یەک دوو ڕۆژی ڕابردودا سێ لاوی تر بەناوی ڕامین حوسینی و لوقمانو زانیارمورادی ئیعدام کرا. هاوکات بۆمبارانی بنکەو بارەگاکانی هەردو حزبی دیموکراتی ئێران و کوردستانی ئیرانیشی کرا کە بووە هۆی کوشتن و برینداربونی دەیان کەسی تر.
ئەم ڕوداوانەش ،دەسبەجێ لە لایەن ڕای ئازادیخوازی گشتی جیهانەوە سەرکۆنە کرا وەک هەمو سیاسەت وکردەوەی سەرکوت وئیرهاب و ئیعدامەکەی ،کە کۆڵەگەی مانەوەی چل ساڵەی ئەو ڕژێمەیە.
بەڵام ئەوەی جێگای سەرنجو ،هاوکات ڕەخنەو سەرکۆنەی بەرەی ئازازدیخوازی بو، تایبەتی لە ئاستی کوردستاندا ،لێکدانەوەو هەڵوێستگیریەکەی بەناو حکومەتی هەرێمی کوردستان بوو کە لە بەیانەکەیاندا هاتبو سەبارەت بە ڕوداوی تۆپبارانەکەو کوشتنو بریندارەکانی حزبی دیموکرات.
ئەگەر چی لەبەیانەکەیاندا ڕەزیلانەو زەبونانەو ترسنۆکانە ئیدانەی ئەو تۆپبارانەیان کردەوە بەڵام بە ئاشکرا حزبی دیموکراتو هەمو موعارەزەی ئێرانی، کە دەیان ساڵە لە کوردستانن، بە هۆکاری دەخاڵەتی ڕژێمی ئیسلامی دەزانن بۆ سەر خاکی کوردستانی ژێر دەسەڵاتەکەیان.
هەر بۆیە لەبەرامبەر ئەم لێکدانەوەو هەڵویستە ڕەزیل و زەبون و ترسنۆکانەیەی سەرانی بەناو حکومەتی هەرێم پرسارێک دێتە پێشەوە ئەویش ئەوەیە بۆ مەگەر هەر حزبی دیموکرات لە خاکی هەرێمەوە دژایەتی ڕژێمی ئیسلامی دەکات..؟!
بێگومان وەڵامی ئەم پرسیارەش ئاشکراو ڕوونە کە نەخێرجگە لەحزبی دیموکرات دەیان لایەنی سیاسی و تەنانەت دەوڵەتو ڕژێمی تری جیهانی و ناوچەیی لە خاکی هەرێمەوە دژایەتی ڕژێمی ئیسلامی ئێران دەکەن .ڕژێمی ئیسلامیش هەروا نەک هەر هەرێمی کوردستان بەڵکو هەمو عێراقیشی کردۆتە گؤڕەپانی تەڕاتێنی خۆی.
تەنانەت چالاکی یە چەکدارەکانی ئەم دوایی یەی ئەم حزبەو کۆمەڵەو ئەوانی تر بەشێکن لەو دەخاڵەتەی ڕژێمەکانی وەک ئەمریکاو سعودیەو تورکیاو….هتد تەنانەت لایەنگری یەکانی خودی سەرانی هەردوو حزبی دەسەڵاتداری پارتی ویەکیتی بۆ ئیران و تورکیا بەشێکن لەو دەخاڵەتانەی کە دەوڵەتو ڕژێمەکان دەیکەن.
مەگەر كێ هەیە نەزانێت خودی ڕژێمی ئیسلامی نەک هەر کوردستان ،بەبەهانەی بونی ئەو لایەنانەوە ،بەڵکو هەمو عیراقی نەکردۆتە مەیدانی تەڕاتێنی سەربازی و جاسوسی خۆی؟!
مەگەر حکومەتە کارتۆنی یەکەی عێراق و زۆربەی ڕەوتە ئیسلامی یە کۆنەپەرستتەکانی نەبونەتە پاشگری ئاشکرای ڕژێمی ئیسلامی ئێران..!
هەر کەسێک گەردیلەیەک هەڵوێستی ئازدیخوازانەی هەبێت بەر لەهەر شتێک و بێ هیچ ئەمماو ئەگەرو شەرتو شروتێک پێویستە دەسبەجێ ڕژێمی ئیسلامی سەرکۆنە بکات چونکە بونی موعارەزەی چەکدارو هەمو شێوازێکی تری خەباتو ناڕەزایەتی خەڵکی ئێران ئاکامی دەسەڵاتی سەرکوت و ئیرهاب و ئیعدامی ئەو ڕژێمەیە.
ڕژێمێک لە ماوەی چڵ ساڵ دەسەڵاتی تەنها ئامرازی مانەوەی سیاسەت و کردەوەی سەرکوت و ئیرهاب و ئیعدامە لە ئاستی ناوەوەو دەرەوەی ئیرانو نوزەی دەنگی ئازادی تیا بریوە.
ئیتر بێگومانە دژایەتی کردنی ئەو ڕژێمە دڕەندەیە بە هەمو شێوازێک تا ڕوخانی دەبێتە ئەرک و پێوێستی هەمو لایەک.
جا هەر کاتێکیش بە هەوڵ و خەباتی ئازادیخوازانەی جەماوەری ئێران و کوردستان دەوڵەت و دەسەڵاتێک دامەزرێت کە ماف وئازادی یە سەرەتایی یەکانی خەڵکی دەستەبەر بکات ،بە تایبەتی مافە سەرەتایی یەکانی خەڵکی کوردستان و، کۆتایی پێهێنانی کێشەو ستەمی قەومی کورد، ئەو کات ئەم حزبانەش لە ژێر دەسەڵاتە زەبونەکەی هەرێم بونیان نامێنێت . هەر وەک چۆن سەرانی خودی دەسەڵاتی پارتی و یەکێتی دەیان ساڵ لە دژی بەعس لە ناو خاکی ئێران و بە هاوکاری شاو ڕژێمی ئیسلامی دژایەتی بەعسیان دەکرد.
بۆیە جێگای سەرسوڕمانە کە سیاسەتو کردەوەیەک بۆ خۆتانی بە ڕەوا دەزانن بەڵام بۆ لایەنی هاوچارەنوسی قەومی خۆتان بە ناڕەوا.ئەم هەڵوێستە دووفاقەیە لە هاوچارەنوسی ئەوە دەردەخات کە بەرژەوەندی سەرمایەو دەسەڵاتی سەرمایە لەسەرو هەمو بەرژەوەندی یەکانەوەیە. وە ئەوەش دەسەلمێنێت کە قەومیەتو هاوچارەنوسی قەومی جگە لە بەرژەوەندی ئابوری و سیاسی سەرمایەو پاراستنی هیچی تر نی یە.
بۆیە نابێت چاوەڕێی لێکدانەوەو هەڵوێستێکی بەرگریکارانەی ڕون و ڕاشکاو بین لەم دەسەڵاتانە لە ڕوانگەی ماف و ئازادی ئینسانی یەکانەوە .

Previous
Next

Leave a Reply