Skip to Content

رۆندكی وشه‌كان …. ستار ئه‌حمه‌د

رۆندكی وشه‌كان …. ستار ئه‌حمه‌د

Closed
by ئه‌یلول 16, 2018 General, Poems

گه‌واڵه‌یه‌ك پاڵتۆی هه‌وره‌
قۆپچه‌كان ئه‌ستێره‌ی سه‌رما بردووه‌
لێدانێك له‌ چه‌خماخه‌.. سه‌رینێك له‌ مه‌رگ
ته‌مێك له‌ سته‌م.. شه‌وگارێك له‌ نوورو
چڵێك له‌ تیشك هانای ئابڕووه‌
بزه‌یه‌ك له‌ پاكی.. گۆشه‌ گیریه‌ك له‌ تاوان
هێمنیه‌ك له‌ ئاشتی‌و نه‌سره‌وتنێك له‌ ئامان
شه‌بقه‌یه‌ك له‌ نوورو زوقمێك له‌ رامان
رێگایان له‌ هه‌نسكی پێنووست گرتووه‌
هه‌وارێك له‌ گوڵ.. رێگایه‌ك له‌ كانی
خۆزگه‌یه‌ك له‌ به‌فر.. كاروانێك له‌ جوانی
پێشوازیه‌ك له‌ شكۆو.. مردنێك له‌ نه‌مری
دڵێك له‌ خوان.. ره‌نجێك له‌ قومری
روومه‌تیان بۆ گۆڕی وشه‌ی شه‌هیدت رنیوه‌
شاعیرێك رێڕه‌وی له‌ ته‌نهایی‌و
خه‌می له‌ تاسه‌و
پێنووسی له‌ خۆرو
رێنووسی له‌ زاری وه‌نه‌وشه‌ كڕیوه‌
ئاواتێك له‌ دڵتا.. سه‌رچاوه‌ی خوێناوتی گۆریوه‌
له‌ بیرته‌ گه‌ڵایه‌ك له‌ رووناكی‌و
كراسێك له‌ تیشك‌و
سوخمه‌یه‌ك له‌ په‌لكه‌زێڕینه‌
ته‌رمێك له‌ داستان
شه‌هیدێك له‌ ئه‌زموون
بوونه‌ كۆترێكی سپی‌و
تروسكه‌ی رۆژی روون
ده‌زانم جۆگه‌له‌ی دڵه‌كه‌ت
ئاوازی شیعرێكی نه‌به‌رده‌
خاكێك له‌ سۆزی دایك
لانكێك له‌ ئازادی
له‌ ده‌روازه‌ی خۆره‌وه‌ لێت ده‌ڕوانن
سه‌فه‌ر مه‌كه‌..
رێگای گزنگ‌و بسكی خۆر به‌رمه‌ده‌

ستار ئه‌حمه‌د

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish