Skip to Content

268 Views

دەنگ بۆ تۆ ئەدەم … یوسف إبراهيم

دەنگ بۆ تۆ ئەدەم … یوسف إبراهيم

Be First!
by September 19, 2018 General, Poems
image_print

درەنگی شەوە
بە شەقامەکانی شار دەسورێمەوە
سەرنجی لافیتە بە لافیتە دەدەم
لە هیچ دروشم و بەلێنێکیان
نەنووسراوە تۆم بۆ دەگەڕێننەوە
لەم دنیایە چی تر هەیە
لە تۆ گەورەتر بۆم
تا من دەنگی بۆ بدەم؟

درەنگی شەوە
لە تیڤی و رادیۆکان بێزاربووم
کەناڵ و وێستەگاکان خەجالەت
هورێنەیان کەڕی کردین، ئەلێن
ئەوەی پێویستتە ئێستا منم
بێ خەبەر لەوەی
ئەوەی هەردوو دونیا
پەیوەستم پێی
تۆیت

درەنگی شەوە
هەر کۆڵان و رەنگێکی لەبەر کردووە
هەر چی دار و دیوارە
کەسێکی بەسەرەوەیە
دەنگی ئەگاتە ئەوسەر
کەچی لەم هەموو دەنگە
من بیری دەنگی
تۆ ئەکەم

درەنگی شەوە
لە شارێکی قەرەباڵغ
پڕ بەڵێنی درۆ
بیری بەڵێنی تۆم ئەکەوێتەوە
لەم هەموو بێ بەڵێنیەی ئەوان
من هێشتا بەڵێنەکانی تۆم
لەبیرناچێتەوە

درەنگی شەوە
یادگاریەکان ئەکەمەوە کۆڵم
بەرەو ماڵەوە رێ ئەکەم
چوار ساڵی تر
هەمان بەڵێن دەڵێنەوە
نەئەوان دەیبەنە سەر
و نەتۆش دێیتەوە

یوسف إبراهيم

Previous
Next

Leave a Reply