Skip to Content

284 Views

پاشای مەغۆل …شیعر : نزار قبانی … وەرگێڕانی : پشکۆ ناکام

پاشای مەغۆل …شیعر : نزار قبانی … وەرگێڕانی : پشکۆ ناکام

Be First!
by September 21, 2018 General, Poems
image_print

پاشای مەغۆل
میراتگری جزمە و قامچی
لە ” ئەرتغۆل ” ی باپیر ،
تۆ کە هەمووان بە ئەسپ
ئەبینی…
لە پەنجەرەکانی کۆشکەوە
جیاوازی نێوان خەڵک و ئەسپ
نابینی…
پاشای مەغۆل
ئەی تووڕە لە ئەسپەکان ،
ئەی ترسنۆک بەرامبەر
چەکەرەکردنی بێستانەکان
پێش ئەوەی دڵی خۆشبێ
یاساوڵەکەتان ،
و
بمکوژێ…
و
پێش ئەوەی شایەتە علوجەکان بێن ،
ئەمەوێ. ،
بە ژنە سک پڕەکەم
و
هەموو هاوڕێکانم
و
گەلە ژێر دەستەکەم ، دوو ووشە بڵێم
ئەمەوێ بڵێم :
من شاعیرێکم
لە قوڕگما ، چۆلەکەیکم هەڵگرتوە
…….نایفرۆشم
و
تۆش ئەتەوێ
چۆلەکە لە قوڕگما ، دوور خەیتەوە
پاشای مەغۆل. :
كەللە ڕەقی بەزێنەری لەشکرەکان
تێکدەری دەریاکان
دروستکەری هەویری ئاسن
تێک شکێنەری بەرد
مناڵ خۆر
ئەتککەری ” کچێنی ” یەکان
عەتر خۆر
چەن سەرنجی ڕاکێشام
تۆ
و
پۆلیس
و
سوپا
و…….یەک چۆلەکە

شیعر : نزار قبانی
وەرگێڕانی : پشکۆ ناکام

Previous
Next

Leave a Reply