ئه‌بولفه‌زل جه‌لیلی: ئۆڵه‌مپیادی فیلمسازیی ده‌بێ خه‌باتی سینه‌ما فێری مێرمنداڵان بکات
مه‌نووچێهر جیهانی ـ “ئه‌بولفه‌زل جه‌لیلی” ده‌رهێنه‌ری سینه‌مای ئێران گوتی: مێرمنداڵان له کۆڕه‌کانی فێرکاریدا وه‌کوو ئۆڵه‌مپیادی فیلمسازی ده‌بێ خه‌باتی سینه‌ما فێر بن؛ نه ئه‌وه‌ی که ته‌نیا چاوه‌ری به‌زمی ئه‌م هونه‌ر و سه‌نعه‌ته بن.
به پێی راپۆڕتی لێژنه‌ی په‌یوه‌ندییه‌کان و راگه‌یاندنی سی‌ویه‌که‌مین خولی فێستیڤاڵی نێونه‌ته‌وه‌یی فیلمه‌کانی منداڵان و مێرمنداڵانی ئێران، “ئه‌بولفه‌زل جه‌لیلی” که ده‌رهێنانی فیلم گه‌لێکی زۆری بۆ مێرمنداڵان ئه‌نجام داوه؛ سه‌باره‌ت به سازدانی ئۆڵه‌مپیادی فیلمسازی مێرمنداڵان که له به‌شی لاوه‌کیی سی‌ویه‌که‌مین خولی فیستیڤاڵی نێونه‌ته‌وه‌یی فیلمه‌کانی منداڵان و مێرمنداڵانی ئیسفه‌هان به‌ڕێوه‌ده‌چێت، گوتی: زاتی به‌ڕێوه‌چوونی ئۆڵه‌مپیادی فیلمسازی بۆ میرمنداڵان باشه، به‌ڵام ده‌بێ ده‌رکه‌وتی ئه‌م خولانه هه‌ڵسه‌نگاندنی بۆ بکرێت.
جه‌لیلی که پێی وایه له‌و بارودۆخه‌ی ئێستادا هیچ چه‌شنه فێرکاریی تیۆریک یا به‌کرده‌وه‌یی سینه‌ما به‌که‌ڵک نابێت، مه‌گه‌ر ئه‌وه‌ی که له سێبه‌ری ئه‌ودا مێرمنداڵان ئه‌خلاق و ناسیاوه‌تی پێکه‌وه فێر بن، رایگه‌یاند: به بڕوای من، ئه‌وه‌ی که سینه‌مای ئه‌مڕۆ پێویستی پێیه‌تی، زیاتر له فێرکاری، ئه‌خلاق و ناسیاوه‌تی په‌یدا کردنه که من هیوا ده‌خوازم وه‌ها رووداوێک له ئۆڵه‌مپیادی فیلمسازیشدا که تایبه‌ته به مێرمنداڵان بێته ئاراوه.
ده‌رهێنه‌ری فیلمی “گال” رایگه‌یاند: به‌م پێناسه‌یه به‌ڕێوه‌چوونی ئۆڵه‌مپیادی فیلمسازیی مێرمندالان ئه‌گه‌ر له پێناو جێکه‌وتنی بابه‌ت و ناوه‌رۆکی سینه‌ما به مانای ژیان به‌خشین له چوارچێوه‌ی هونه‌ری وێنه‌ییدا بێت، به‌که‌ڵک ده‌بێت. هه‌ر له‌م پێناوه‌دا ده‌بێ بۆ په‌یدا کردنی باشترین و به‌که‌ڵکترین که‌سه‌کان بۆ سینه‌ما له شوێنه جۆراوجۆره‌کانی ئێران به‌هره‌کان بدۆزرێته‌وه.
جه‌لیلی له درێژه‌دا جه‌ختی کرده‌وه: هه‌ڵبه‌ت ئه‌م دۆزینه‌وه‌ی به‌هرانه کاری یه‌ک خول یا دوو خول له به‌ڕێوه‌چوونی رووداوێکی سینه‌مایی نیه؛ به‌ڵکوو کاتێکی زۆر ده‌خایه‌نێت بۆ ئه‌وه‌ی که بتوانرێت له ناوچه جۆراوجۆره‌کانی وڵاته‌وه باشترینه‌کان هه‌ڵبژێردرێت، هه‌ر به‌م هۆیه‌شه که له درێژایی هه‌مووی ئه‌م ساڵانه بۆ وێنه هه‌رگیز یه‌ک ئه‌کته‌ر یا ده‌رهێنه‌ری تورکه‌مه‌ن یا به‌لووچ که سامانه‌کانی خۆماڵی و فه‌رهه‌نگیی خۆی به خه‌ڵکی بناسێنێت، نه‌مانبووه و من ئیومێد ده‌خوازم ئه‌م ئه‌رکه گرینگه له رێگای ئۆڵه‌مپیادی فیلمسازیی مێرمنداڵانه‌وه که له سه‌ره‌تای رێگایه، روو بدات.
“ئه‌بولفه‌زل جه‌لیلی” له کۆتایی قسه‌کانیدا به ئاماژه‌دان به‌و بابه‌ته‌ی که ده‌بێ خه‌بات و ره‌زمی سینه‌ما به مێرمنداڵان و تامه‌زرۆیانی هاتنه ناو ئه‌م پیشه‌یه فێر بکرێت، گوتی: روانگه‌ی زۆربه‌ی بینه‌رانی ده‌ره‌وه‌ی به‌ستێنی سینه‌ما بۆ ئه‌م هونه‌ر و پیشه‌یه، به‌زم و خۆشیی ئه‌م پیشه‌یه‌یه، له حاڵێکدا وه‌ها نیه و سینه‌ما به ته‌واوه‌تی ره‌زم و خه‌باته؛ خه‌باتێک که بۆ گه‌یشتن به ئه‌نجامی شیاو و گونجاو هه‌وڵ ده‌دات. هه‌ر له‌م رووه‌شه‌وه له کۆڕه‌کانی فێرکاریدا وه‌کوو ئۆڵه‌مپیادی فیلمسازی ده‌بێ خه‌باتی سینه‌ما فێری مێرمنداڵان بکرێت.
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
