Skip to Content

ژن …. سه‌ردار جاف

ژن …. سه‌ردار جاف

Closed
by October 9, 2018 General, Poems

له‌و دیو وه‌رزی زستانه‌وه‌
باڵا ڕنووی به‌فر پۆشه‌
هه‌ناسه‌یه‌ك چرپه‌ی گه‌رم
به‌ گوڵزاری ئه‌رخه‌وانیم
كه‌ ده‌سپێرێ
ده‌بێته‌ قردێله‌ی لۆكه‌
له‌و دیوی كلوه‌ به‌فره‌وه‌
په‌نجه‌ ڕچیوه‌كانی شه‌ڕه‌ تۆپه‌ڵی
به‌ نێو له‌پم
ڕاده‌بوورێ
له‌و دیو كزه‌ بای ته‌زیوا
ڕچه‌شكێنێكی كۆنه‌ و شڵه‌قیوه‌
شله‌ژان سه‌راپا جه‌سته‌ی
وا پۆشیوه‌ و روحی منی لێ ته‌نیوه‌
ئا ئه‌وه‌یه‌
شمشاڵ مه‌مه‌ری نێو په‌نجه‌م
ناسكێ پڕ له‌ ئه‌وین و
هێشتا ژنه‌
خۆی بۆ ئه‌وین
نه‌گۆڕیوه‌

سه‌ردار جاف
ئه‌ڵمانیا
7 / 10 / 2018

Previous
Next