Skip to Content

173 Views

نیگای هه‌تاو … ستار ئه‌حمه‌د

نیگای هه‌تاو … ستار ئه‌حمه‌د

Be First!
by December 28, 2018 General, Poems
image_print

گوێمان له‌ ده‌نگی زه‌نگه‌
وێنه‌ی هونه‌رمه‌ندان ده‌كێشن
له‌گه‌ڵ خه‌ونا سه‌ما ده‌كه‌ین
به‌ ده‌نكه‌ باران ده‌مانكێشن
ده‌مانه‌وێ بگه‌ینه‌ مانگ
خۆر له‌سه‌ر خوانمان دابنێین
به‌ره‌و ئاسۆی نادیار ده‌ڕِۆین
دوێنێ بووه‌ته‌ پاشه‌ رۆژو
ئه‌مڕۆ بۆ به‌یانی ره‌نجه‌ڕۆین
باوه‌ڕ له‌ نێوانمانا گه‌ردونێكی داگیرساوه‌
زه‌وییه‌ك ده‌كێڵین هه‌نگوینه‌ باران‌و
بارووتی گولله‌ی قووتداوه‌
هۆنراوه‌.. جه‌سته‌یه‌كی راشكاوه‌
نیگای ماتی خۆره‌تاوه‌
كه‌ ویستیان ئاسمان دابه‌شكه‌ن
چاوه‌كانی ئه‌ستێره‌و مانگ
له‌ ده‌روونی شاعیرانا
نه‌بوونه‌ چه‌ك
ئازووقه‌و تانك
به‌ڵام به‌ رووناكیمان
پرشنگمان خسته‌ زامی په‌یكه‌ری ئاڤێستاوه‌
زه‌رده‌شت له‌ نوێ گه‌ڕایه‌وه‌
گوڵی ئه‌وینداری له‌ مێشكمان چاندو
په‌ڕه‌ی مێژووی هه‌ڵدایه‌وه‌
ناومانی له‌سه‌ر ده‌سرازه‌ی ساواكان نووسی
هۆنراوه‌ بووه‌ به‌رگ‌و نان
ده‌درانه‌ ده‌ست گه‌داو برسی
نه‌بوونی كۆتایی هات‌و
په‌لكه‌ زێڕینه‌ بووه‌ تووله‌ رێگای لانه‌وازان
ئه‌م خاكه‌ وه‌كوو خه‌نه‌
درا له‌ په‌رچه‌می چیاو
چه‌پكه‌ نێرگز
تارای شادی خۆره‌ تاوبوو
بۆ كه‌ژاوه‌ی بووكی ئاسمان

ستار ئه‌حمه‌د

Previous
Next

Leave a Reply