Skip to Content

897 Views

جەنگ، وەك ئامرازێک بۆ مانەوە  …. ڕەها ئەبوبەکر

جەنگ، وەك ئامرازێک بۆ مانەوە …. ڕەها ئەبوبەکر

Be First!
by January 4, 2019 General, Poems
image_print

لە تەنیشت گەردوونەوە دانیشتووم و
بەکوڵ دەگریم،
چاویشم
چەشنی ئەستێرە دەدرەوشێتەوە.
شەڕ دەکەم لێ بەرگریکارێکی خراپم؛
وەکو ماسییەکی بە قولاب وەبووم
کە کۆتاییەکەی دەزانێ و
لەگەڵ ئەوەشدا خەریکم هیوا دەئافرێنم.
پیرێکم
لە مردنی خوا دەترسێم،
تەنیام و
بەرهەڵستی خەمۆکی دەکەم،
کە سەربازیشبووم، لەباتی گولە
گشت ڕۆژێک بە ناڵەی دایکێک بریندار دەبووم.
منم بێهیوایانە
لە بەرزەخەوە دەدوێم
منم،
هەمیشە لە جەنگدا بووم و دەبم.

Previous
Next

Leave a Reply