ئیتر …نەوزاد بەندی

ئەگەر گوڵەکانت
دواکەوتن
لەگەڵ گەڵا وەریوەکانی
پاییزا ئەڕۆم ..

لەوە زیاتر ناتوانم
دەرمانی
چاوەڕوانیی ناخۆم

ئەگەر سەنگەرەکانت
دوا کەوتن
لەگەڵ دەست بەسەریدا
ئەڕۆم

لەوە زیاتر سرود نامجوڵێنێ
دروشم نامخەڵەتێنێ
ڕشانەوەم دێ کە ئەڕوانم
بۆ ڕابوردووی خۆم

ئەگەر نیشتمان
ھەر بە لەشفرۆشیی مایەوە ،
لەگەڵ پاکیزەیی
تاراوگە ئەڕۆم..

لەوە زیاتر
بە درۆ شاخدارەکانتان
تەفرە ناخۆم ..