سروودی ده‌رچوون… نێچیروان وه‌لی
ئێمه‌ی منداڵ ده‌رچووی باخچه‌ین
له باخی ژیاندا خونچه‌ین
هه‌موومان له‌م ماڵه جوانه
فێربوون و زانین ئاواتمانه
فێربووین جۆره‌ها وانه
گۆرانی و سروود و وێنه
خوێندمان كوردی و بیركاری
چه‌ند دڵخۆش بووین به یاری
ئینگلیزی و وانه‌ی هونه‌ر
به‌خۆشی بردمانه سه‌ر
ئه‌وه‌ی فێربووین له زانست
به‌به‌هایه و خۆشه‌ویست
ڕه‌فتار و ڕه‌وشتی جوان
دیارییه بۆ هه‌موومان
داده‌كانمان له وانه‌ی ئایین
فێری وته‌ی جوانیان كردین
بژی زانست و نیشتمان
هه‌ر ئاوه‌دان بێ وڵاتمان