داماڵینی دهق له ڕێی بهشیعربووندا … محهمهد عهبدولكهریم ئیبراهیم
لێكۆڵینهوهیهكه له بنیادی زمان و واتای شیعرێكی سهباح ڕهنجدهر
ئهو دهقهی لهم لێكۆڵینهوهیهدا كاری لهبارهوه دهكرێت، یهكێكه له پارچه شیعرهكانی كۆشیعری (ساڵی سفر) ی سهباح ڕهنجدهر، ئهو كۆشیعرهش بهوه جیادهكرێتهوه ئهزموونی (داماڵینی زمان)ی له ئهركی گهیاندنی بهرجهسته كردووه. داماڵینی زمانیش له ئهركی گهیاندن، ئهوهیه خوێنهری دهقی ئهدهبی نهتوانێ به ئاسانی له ڕێی زمانی دهقهوه بگاته واتای چاوهڕوانكراو، یان نهتوانێ بگاته ئهو واتایهی له ناونیشانهوه پێشبینی دهكرێت . ئهم لێكۆڵینهوهیه ههوڵی ڕوونكردنهوهی ئهو هونهره زمانییانه دهدات كه له ڕێی ئهوانهوه ئهم داماڵینه به باڵای دهقهكهوه كراوه و بووهته هۆی دروست بوونی فهزایهكی زهینی له كات و شوێن…..