ژیان دهکهمه ناونیشان.. فەرهاد کەریم
گلهیی دهکا خاوهن ئاکاری بهرزو دڵی باش
نهرمه له ناو مردنی ئهمڕۆ و ژیانی سبهی
برین رژاوهته ناو برین رهقبووه ژیان
گهردهلوول پێدهکهنێ، مردن رژاوهته کورتی ژیان
ژیان پڕ بووه له رهقی مردن
مردنم رژاوهتهوه ناو ژیان
ژیانم رژاوهتهوه ناو مردن
ژیان و مردنم له شهڕدان
فرمێسکی زۆری رشت ژیان، گریانی نهبرد مردن
پڕ بووه گریان، ماندووه ژیان، تینووه مردن
له مردن راناکهم، ژیان ناخهمه گۆڕ، تهرمم ناچێته گۆڕستان
له مردن دێمهدهرێ ژیان ناونیشان
ژیان برژێ مردن دهگات
مردن بگات ژیان دهڕژێ
لهوهتهی ههم له شهڕدام
مردنم رژاوهته ناو ژیان
ژیانم رژاوهته ناو مردن
با جهنگ بهردهوام بێ
ژیان بڕژێ و مردن نا
مردن بڕژێ و ژیان نا
ژیان روونه مردن نا
رێمهده مردن ژیان تاریک کا
دهزانم مردن ههڵۆیه و ژیان نێچیر
بۆ ئهوهی بژیت فێر له ههڵۆکه و مردن دواخه