دڵدانە.. شیعری دڵشاد تاقانە

دڵ لەدڵ مەدە دڵەکەم کەوا دڵ بوو بەدڵدانە
دڵ لێدەدا بۆ دڵەکەی تۆ تاکو مابێت لەدڵدانە
لەدڵیش مەدە بەبێ دڵی دڵنیا دڵمە دڵپەرستە
نهێنی دڵت لەدڵبەندە ئێستاش ماوە لەدڵدانە

چاوم لەناو چاوانی تۆ چاوباز بووە بەچاوانی
ناتروکێنێ وەڵامەدا سڵاوی چاوە سەرچاوانی
چاو لەچاوە عیشقداوە بڵێ بۆچی ئاوا مەستە
چاوبگێڕە چاودوێنە چاومە دەکا چاوچاوانی

                      دڵشاد تاقانە