چڵک و چەپەری ئەو ڕۆژ پاک بۆتەوە.. شیعری شاهۆ حوسێنی

دەستەکانت
ئەو بڕیار ەبوو
کە نەمگرت و
با بەکۆڵانی فەرامۆشیدا
فڕاندی

زۆڵفت
ئەو خەنجەرە بوو
کە لە گەرووی چاوەکانما
کراسێکی گەردەلوولی لەبەردابوو
تەختی ڕەش ڕەش
گوڵی زەرد زەرد
سەمای دەکرد

بەژنت
سەمای لق و پۆپی شۆڕبی بوو
کە لەبەر دەم وەرزی بزەما
شەختە لێی دا و
سەرما بردی

من لە وەرزی وەڕەزی
ئەم بڕیاڕە زەردەدا
دەستەکانم
لەگەرووی گیرفانم ڕاکردەوە
چاوەکانم
بە ڕەخت‌ئاوێزی وەنەوزا داکردوە
دڵم
بە تەنافی حەوشەکامانا هەڵخستوە
تا ویشک بێتەوە و
بیکەمەوە بەرما
لەچڵک و چەپەری
ئەم ڕۆژانە پا بۆتەوە

شاهۆ حوسێنی