بەشێوەم پێ مەكەنە.. كاوەی خەسرەوكاوانی

بەشێوەم پێ مەكەنە
من خەمێك گیری كردووم
سەری سپیم بەڵگەیە
كە عیشقێك پیری كردووم
* * *
ئەوەی ئێستا دەیبینی
روخسارێكی رووكەشە
ناخم بەرووناكی عیشق
خۆرەتاوێكی گەشە

• * *
  وامەزانە كە پیری
  عیشق لەدڵ لەق دەكا
  هەرچەندە شەودرێژبێت
  چاوەڕێ ی شەفەق دەكا
• * *
  بەشێوەم پێ مەكەنە
  پێویستە ناخمان جوان بێ
  خۆشەویستی بڵاوەی
  خوێن ودەماروگیان بێ
• * *
  تۆش رۆژێك لە قوژبنێك
  وەك من گۆشە گیردەبی
  بـــە دیداری ئاوێنە
  لە شێوەدا پیردەبی

• 28/4/2010

*لەژمارەی (555)لە18/5/2010گۆڤاری هەرێمی كوردستان بڵاوكراوەتەوە

• هونەرمەندی كۆچ كردوو كاك( كامەان عبدالرحمن) ئاوازی بۆدانا و دەیویست تۆماری بكات و تۆمارێكی سەرەتایشی بۆكردبوو بەلام بەداخەوە مەرگ رێگای نەدا كە بەرهەمەكە ببینین