ناوی کتێب: کچەکانی بەر پەنجەرە
نووسەر: مەلەک محەمەد
ساڵی بڵاوبونەوە: 2018

بۆخوێندنەوەی ئەم کتێبە کلیکی ئێرەبکەن …….

من شتانێکم خۆشدەوێت کــــە…..
پـــڕن لە ڕق و نەفرەت٫
هەتـــا تورەیشم خۆشدەوێت٫
بە جۆرێک دەجەنگم!
ئەڕۆم لای مرۆڤەکان٫
یاخی ئەبم لێیان٫
دەرگاکان بەرووی هەموواندا دائەخەم…
بەڵام هاوشێوەی ئەوەیە کە لە پشتی دەرگاکە
بوەستی و گریانەکان لە گەرودا بمێنێتەوە
بڵێــــیت تکایە ئیدی لەدەرگا بــــدە.
ئەم دەرگا نەفرەتیە بشکێنە
بم کەرە باوشی میهرەبانی خۆتەوە
دڵ هەستێکی هەمیشەیی پێویستە
تا دەردی ساڵانێکی بۆ بگێڕێتەوە
وەرەو گوێم بۆ بگرە
تا لە نەهامەتییەکانی تەمەنم
چیرۆکی هەزار و یەک شەوەت بۆ دارێژم
دەستم توند توند بگوشە و بینێ بە سینگتەوە
با هەست بەگرنگی بوونم بەتۆوە بکەم
من هەزار دێڕی شیعری کۆنم لەبەرە
هەزار گۆرانی و بەیتی کۆچکەکان
ئاسوودەم ناکات بەقەد دێڕێک
لەزاری تۆوە
من وردە وردە خەریکم کار
لەسەر مردنی خۆم دەکەم
بم لاوێنەوە، بم لاوێنەوە….
با بە ئاسوودەیی گیانمت پێ بدەم…

مەلەک مەحەمەد

کێشه‌ له‌ ناردنی وێنه‌ و بڵاوبوونه‌وه‌ی وێنه‌دا نییه‌، زۆرێکمان هه‌ر له‌ فه‌یسبووکدا خۆمان وێنه‌ی خۆمان بڵاو کردووه‌ته‌وه‌، که‌ ئاساییه‌، به‌ڵام خۆ ده‌شکرێ هه‌ر ئه‌م وێنانه‌ ببرێن و به‌ مه‌به‌ستی خراپ به‌کار بهێنرێن. که‌واته‌ کێشه‌که‌ له‌و بیرکردنه‌وه‌دایه‌ که‌:

یه‌ک: ئێمه‌یان وا بار هێناوه‌ له‌ وێنه‌ بترسین. له‌ کاتێکدا نابێ وێنه‌ی کوڕ و کچ هیچ جیاوازییه‌کان له‌گه‌ڵ یه‌کدا هه‌بێت. واتا ئێمه‌ی ژنان ئه‌بێ وه‌ک شتێکی زۆر سروشتی بۆمان هه‌بێت وێنه‌ی خۆمان بڵاو بکه‌ینه‌وه‌. که‌سێک ئه‌گه‌ر نه‌یه‌وێت به‌ وێنه‌ ده‌ربکه‌وێت ئه‌وه‌ ئاساییه‌. به‌ڵام نابێت هۆکاره‌ ترس بێت. هه‌ڵبه‌ت ده‌زانن که‌ ئه‌م ترسه‌ له‌ ماڵه‌وه‌ و له‌ کۆمه‌ڵگه‌ دروست ده‌بێت.

دوو: ده‌بێ ئیش له‌سه‌ر ئه‌وه‌ بکه‌ین که‌ بیرکردنه‌وه‌ی کۆمه‌ڵگه‌ و دایکوباوکان و خوشک و برایانمان بگۆڕین و وا باریان بهێنین که‌ سروشترین شتێک هه‌بێ ئه‌وه‌یه‌ که‌ کچێک وێنه‌کانی بڵاو بکاته‌وه‌ وه‌ک چۆن کوڕێک ئه‌مه‌ ده‌کات.

سێ: که‌ توانیمان کۆمه‌ڵگه‌ی کورد وا بار بهێنین له‌ وێنه‌ی کچ نه‌ترسن. ئه‌وکات ئه‌و هه‌ڕه‌شانه‌ش به‌تاڵ ده‌بنه‌وه‌ که‌ هه‌ڕه‌شه‌ی وێنه‌بڵاوکردنه‌وه‌ له‌ کچ بکه‌ن. که‌ وێنه‌ بڵاوکردنه‌وه‌ بوو به‌ شتێکی سروشتی، ئه‌وکات که‌س ناتوانێت ئه‌مه‌ وه‌ک هه‌ڕه‌شه‌ به‌کار بهێنێت.

چوار: چاره‌سه‌ر ئه‌وه‌ نییه‌ داوا له‌ یه‌کتر بکه‌ین وێنه‌ بڵاو مه‌که‌نه‌وه‌، ئه‌مه‌ خۆدزینه‌وه‌ و ڕاکردنه‌، چاره‌سه‌ر ئه‌وه‌یه‌ هه‌وڵی گۆڕینی ئه‌م بیرکردنه‌وه‌یه‌ بده‌ین،

پێنج: به‌ڵام ئه‌گه‌ر وێنه‌کان وێنه‌ی سێکسی بوون، ئه‌مه‌یان په‌یوه‌ندیی به‌ نێوان که‌سه‌کانه‌وه‌ هه‌یه‌، کاتێک که‌سێک متمانه‌ی پێ ده‌کرێت، یان خۆشه‌ویستی و سۆز له‌ نێواندا هه‌یه‌ و له‌سه‌ر ئه‌م بنه‌مایانه‌ ئه‌م جۆره‌ وێنانه‌ ئاڵۆگۆڕ ده‌کرێن، پێم وا نییه‌ خه‌تای ئه‌و که‌سه‌ی تێدا بێت که‌ وێنه‌کان ده‌نێرێت. تۆ چۆن بزانیت خۆشه‌ویسته‌که‌ت ڕۆژێک له‌ ڕۆژان ده‌بێته‌ دڕنده‌یه‌ک؟ من نانێرن وێنه‌ بنێرن یان نا، به‌ڵکوو ده‌ڵێم کێشه‌که‌ له‌وێدا که‌ چۆن به‌ ناوی خۆشه‌ویستییه‌وه‌ مرۆڤ وێران ده‌کرێت.

شه‌ش: ئه‌گه‌ر کۆمه‌ڵگه‌یه‌کی مێشککراوه‌ بووینایه‌، مه‌سه‌له‌کانی وه‌ک سێکس و وێنه‌ی ڕووت و وێنه‌ی کچ و ئه‌م شتانه‌ له‌ لامان شتی نۆرماڵ بوونایه‌ وه‌ک ئه‌ورووپا… ئه‌وا ئه‌و کچه‌ له‌ ئێمه‌ و بنه‌ماڵه‌که‌ی و کۆمه‌ڵگه‌ نه‌ده‌ترسا و ئه‌م کاره‌ساته‌ش ڕووی نه‌ده‌دا. که‌واته‌ به‌ ته‌نیا هه‌ڵه‌ی ئه‌و کوڕه‌ نییه‌، به‌ڵکوو هه‌ڵه‌که‌ کۆمه‌ڵگه‌یه‌کی گه‌وره‌ی له‌ پشته‌ و هه‌موومان خه‌تابارین.

حەوت:گەورەکانی خێزان وا خۆیان رابهێنن کەزوو زوو بریار لەسەر شتەکان نەدەن لەجێگای زیادکردنی کۆڵێک قسەی ناشرین و ئازاردانی منداڵەکانیان، گوێیان لێ بگرن و هەوڵ بدەن کێشەکان بەرێگایی یاسایی و تەندروست لەم کاتانەدا چارەسەر بکەن.

هەشتەم:کردنەوەی دەرگای خوێندنەوە لە منداڵەکان کە لەبارەی بابەتی متمانە پێکردن و چۆنیەتی هاورێیەتی تۆرە کۆمەڵایەتیەکان زیاتر بەرەو تێگەیشتنی تەندروست برۆن.

نۆیەم:دانانی مەنهەجێکی تایبەت بۆ مندالەکانمان لە قوتابخانەکان کە فێری خۆراگری و بەرگەگرتنی فشاری دەروونی لە حاڵتە نەخوازراوەکان.
دەیەم:کردنەوەی دەرگایەک لە لایەن خێزانەوە کە مندالەکان بتوانن ئەوان هەڵبژێرن بۆ باسکردنی کێشەکانیان لە تۆڕە کۆمەڵایەتییەکان نەک بێدەنگ بمێنەوە و بترسن تا کارەسات رووبدات.

مەلەک محمد

کە ئاشق بووی
دەست لە هەموو
شت بەر ئەدەی
بڕوا بەخراپی
هیچ كەس ناكەی
زەردەخەنە بۆ
هەمووكەس دەكەی
دەبیتە پشت و
پەنا بۆ هەمووكەس
هەمیشە بۆنی پاكی
مرۆڤ بوونت لێدێ
ژیان جوان ئەبێت
هیوا دروست دەبێت
شکان لە ناو چێت
دڵ تەنگی نامێنێت
دەرگای دۆزەخ دادەخرێت
دەرگای بەهەشت دەکرێتەوە
بەهار بەڕووتان پێدەکەنێ
گوڵەکان بلاو ئەبنەوە
ڕابکەن وێڵ بن پێبکەنن
دروشمی دڵ خۆشی بڵێنەوە
سەما بکەن مەوەستن
ئاشقی بێ کۆتایی خودا بن
مەترسن لە پشتانە
دەستان دەگرێ بۆ هەمیشە

مەلەک محەمەد

وشەیەک هەیە لە ناخما هاوار دەکا، داخم لە گەروودا، جێ دەمێنێ
ئەڵێی جادووم لێ کراوە…
بۆ تەلیسمیێک ئەگەرێم…
کە تەواوی ئەو نەفرینەم لەسەر لا بدات
تکایە بڵێن ئەمە کابووسێکی کاتییە
با بگەرێمەوە نێو دیوە جوانەکەی ناخم
هەندێ کەس دەڵێن:- لەوانەیە گوناهێکت کرد بێت!
هۆ کچانی ئۆرشەلیم پێم بڵێن پێویستە چ باجێک بدەم
ھۆ کچانی سیۆن پێم بڵێن چ قوربانیەک بدەم..
وەک ئەوەیە لە بیابانێکا ڕێبکەم
هاوار ئەکەموکەس گوێی لێم نییە..
بە کول ئەگریم کەس نایەت دەست بەدڵمەوە بینێت..
بە هەنسکەوە را ئەکەم..
کەسێکم دیت لەدوورەوە
هات و گووتی ماندوو شەکەت دیاری من وا ئەکەم بۆ هەمیشە ئاسوودە بیت.
ئەویش جادووگەر بوو.
بوو…
لە من نەئەچوو!
گووتی بڕێک جار پێویستە ون بیت!
لە هەموو کەس لە هەموو شتێک تا خۆت ئەدۆزیتەوە؟
بە جۆرێ ڕۆحم ماندوو بووە
نامەوێت ڕێک و ڕێبگرمەوە
دەمەوێت خەوێکی قووڵ بخەوم هەڵ نەسمەوە..
ڕانی تۆ ببێتە بەهەشتی من
ئەو تەلیسمە تەنها بە ڕۆیشتنی خوێنی
ئەو دڵە پڕ لە ئازارە لادەچێت
کەتۆ دەچیت و دەڕۆی
بەڵام دڵ تۆی لەیاد ناچێت
لەیادی ناچێت.

“مەلەک محەمەد ”