ئێرە دەرسیمە بۆ کوێیان دەبەن
ئێڕە شەنگالە بۆ کوێیان دەبەن
ئێرە گەرمیانە بۆ کوێیان دەبەن
ئێرە کەرکوکە بۆ کوێیان دەبەن ؟
نەهاتنەوە ، نە لاوک و
نە تەمبوورەکانیان ، نەهاتنەوە
نە ” سەوزە سەوزە ” و نە ” قەتار ” یان نەهاتنەوە
لەوساوە کەس ناچێتە ئەو ” بانە “
لەوساوە ئەڵلاوەیسیەکی تازە لە دایک نابێت
لەوساوە ” کیژان ناچنە مێرگوڵان”
لەوساوە کوڕان ناچنە سەر کەژان !
١٥/١١/٢٠٢١
پەتای هەڵگیرسانەوەی جەنگ .. مارف عومەر گوڵ
بەرد هەڵناسێتە سەر پێ
هەرچی گیاندارە ڕایانکردوە
هەرچی بێ گیانە کەوتونەتە خۆیان
چۆن بە گژ ئەم ڕەشەبایەدا بچینەوە !
ئەم نیشتیمانە گویێ بۆ دەنگی باران هەڵخستوە
زەوی وشکهەڵاتوو لە پێشوازیدایە ،
هەرچی گیاندارە وا ئەم ناوە چۆڵ دەکات
بەرد هەڵناسێتە سەر پێ
بەگژ ئەم ڕەشەبایەدا بچێتەوە
دار و درەخت چەماوەتەوە
کەس ناتوانێت سەر هەڵبڕێت
ئیتر بە چاوی کوێرەوە
باسی جوانیەکانی ناشیرینی دەکەن
لەسەدەی بیست و یەکەمی ژیاننامەی مرۆڤدا
دەبێ هیچ شتێک بە ناوی خۆیەوە
بانگ نەکرێت !
دەبێ بە نێرگزە جاڕ بووترێ کێڵگەی تلیاک
بە چیمەن و گوێ ئاو بڵێن باروتبەند و قەدەغە
بەزیندان بڵێن شوێنی حەوانەوە
بە ژیانیش بڵین ، بازاڕی چەوسانەوە .
چۆن هەناسە بدەین لە سایەی
دەوڵەتدار و حوکمدار و فەرماندار و
قەمەی دەستی ژەندرمەدا ؟
چۆن هەناسە بدەین لە سایەی
شڵەژان و بازاڕدار و
چی دار و ، دارو.. داردا
لە بەرامبەر سێبەر و هەتاو و بەهاردا
دونیا بۆتە پەتا ..
پەتای پەتا.. پەتای پیلان
پەتای هەڵگێڕانەوەی فەرهەنگی زمان
پەتای هەڵگیرسانەوەی
جەنگی دڵرەشە تێرنەخۆرەکان !!
سلێمانی
٢٨/٤/٢٠٢٠
دیوی یەکەم :
پڕە لە خۆشی ، پڕە لە پێکەنین و چەپڵەڕێزان،
پڕە لە دیمەنی جوان ، ئاهەنگی بووک گواستنەوە،
چێژو چەشە ، بەهرەو داهێنان،
خۆشەویستی و بە هاناوەچوون، چیمەن و بەهارستان.
لەوێ ، بەیانیان زوو گوڵ دەپشکوێ ،
مۆسیقایەکی دڵگیر لە خەومان هەڵدەستێنێ
نیشتمان ئەوەندە نازدارە ، بە تین و تاو خۆشمان دەوێ
کە خەم روخسار دادەپۆشێت ، بە ماچ دەیسڕینەوە
کە گوڵ ماتەمینی دایدەگرێت ، هەراسان دەبێت،
بە هەناسەی ئەوین شنەبای بۆ هەڵدەکەین .
لەوێ، ئای لەوێ چی دەگوزەرێت ؟!
چوارچێوەیەک نیە ئازادیی گەمارۆ بدات ،
قوروچڵپاوێک نیە لە قولەپێی مرۆڤ بئاڵێت،
کتێب لە بەرگێکی جواندا دەخوێندرێتەوە ،
گۆرانی لە دەنگێکی ناسکدا شەپۆل دەدات
لە تینویتی خاکدا ، رەوی باران ئەوەندە جوانە
لەماڵەوە خۆمان بۆ ناگیرێ و دێینە دەرێ ،
دەسەڵاتێک نیە توانای هەبێت ،
زەوی و باران لە یەک بکات، ڕێڕەوی ئاو بگۆڕێت ،
دەسەڵاتێک نیە تریقەی کوڕوکاڵ بێدەنگ بکات
ئای لەوێ ژیان چەند خۆشە ؟!
مرۆڤ بە بێ ، دەنگی تەقە و هاڕەو وێرانکردن دەسووڕێتەوە
ئای لەوێ کەس ڕێگەی زیندان و
کۆشک و تەلاری فیرعەونەکان نازانێت.
ئای لەوێ پشیلە لە مرۆڤ ناترسێت ،
ئاژەڵی کێوی بەبێ جەنگ و هەرا زاووزێ دەکات
ئای لەوێ ، شار و گوند شارستانیەتێک دروست دەکەن
ڕمووزن شەرمەزارە لە ئاستیدا،
ڕمووزن ریسوایە لە بێ حورمەتیدا
ئای لەوێ ، لەو نیشتیمانە جوانەی ژیان
تریقەی خۆشیی دەگاتە کەشکەلانی فەلەک
بەربەندێک ڕێ لە ئەوین ناگرێت
بەڵێ ، بەربەندێک ڕێ لە ئەوین ناگرێت !
دیوی دووەم:
پڕە لە دیوار ، پڕە لە کۆت و بەند و سنوور
پڕە لە دەسەڵاتی جۆراو جۆر ، تێر نەخۆر و چاوبرسی
لێرە هەموو باخچەیەک تەلبەندی هەیە ،
هەموو ئاوێک پاسەوان ، هەموو نانێک جەردەوان
لێرە چاو هەڵکۆڵین ، وەکو گوڵ هەڵکۆڵین وایە
خۆرهەڵات لە تاریکیی دەچێت ، قۆناغێکی تاڵە تەمەن
مین ڕێژە ژوانگە ، قسە لە ماچێکیش نیە !
حوکمدارێک نامەی هیچ گوڵجاڕێک ناخوێنێتەوە،
بەری باران و هەتاو دەگرێت،
دونیا پەپولەیەکی تێدانیە بە دەوری گوڵێکەوە ،
گوڵێکی تێدانیە لە چاوەڕوانی پەپولەیەکدا !
بۆ دیداری گوڵێکی ئەودیو کێوان دوو دارشەق دەدەنە باخەوەن
ئێرە مەیدانی زۆرانبازیەکە
لەنێوانی خۆشی و ناخۆشیدا ، لە نێوانی مەرگ و ژیاندا
لە نێوانی بوومەلەرزە و زەمیندا ،
کەنار و لافاودا ، جەنگ و ئاشتیدا
لە نێوانی دڵنەوایی و بێدادیدا ،
دڵ بە ئەوینی ژیانەوە لە بەختانێتی
لە دەمەو بەیاندا بای باران هەڵدەکات
لە خۆرئاوابونیشدا شەوی یەڵدا کۆماندەکاتەوە.
دیوی سێیەم:
ئاوابونێکە ، هەندێ جار لێڵ ، هەندێ جار گەش
لە ئایەتەکانی ئاسماندا هەم خۆشیەو هەم ناخۆشێش
لەو ئاوابوونەدا ،
نە دوعاخوازیی هەیە و نە پێکەنین
لەو ئاوابوونەدا ،
پشت لە ئاوەدانی دەکەیت و تەنیایی دەتکوژێت
لەو ئاوابوونەدا ،
دەستبەرداری هەورو هەناسەو هەتاو دەبیت
لەو دیو ئاوابووندا ،
دەست لەملانی تەنیایی و تەشقەڵەی ئەوێ دەبیت
دەتەوێت هەموو ئێرە لە بوخچەیەکدا بەریت، ئەویش نابەیت
لێرە بە نیاز و مرازەوە بە ڕێگاوەیت ، لەوێ بێ ناسنامە تێکەڵ دەبیت
دیوی کۆتایی هەناسەیە ئەوێ ،
قۆناغی ونبونێکی هەمیشەیی ، بێ گەڕانەوە
لەنێوانی ئێرەو ئەوێدا ، مرۆڤ بەردێکی کەڕە
ئاسەوارێک لە ڕێڕەوی سەفەری ئاوابوون نیە .
ژیان تارماییەکە لە نێوانی ئێرەو ئەوێدا ،
نە قەڵەمێک دەنوسێت ، نە نامەیەک دەخوێندرێتەوە .
لە ئایەتەکانی ئاسماندا ،
دڵی ئەوینداران دوای دڵبەر دەکەوێت و ناگەڕێتەوە
ماڵ بێ پەنجەرەیە ،
مرۆڤ لە پۆشتەو پەرداخیدا کۆرپەیەکی ئان و ساتی لە دایکبونە
کورسی و تەلاری بە هەوا سپاردووە
لە نێوانی ئێرە و ئەوێدا ، بەراوردێک نیە
یا لە دونیادا قەلەمڕەوی ئاوا دەبێت ،
یا بە ژێر ئاودا ئاوا دەبێت ،
لە نێوانی ئێرە و ئەوێدا ،
یەک سنوور هەیە هەموو شتێک دەسڕێتەوە.
سلێمانی
مانگی ١١ و١٢ /٢٠٢٠
بۆ ئهوێ چووم وامزانی
ئهستێره له مانگهشهویدا دهجریوێنێ
باران له بههاریدا تاوتاو خهفهت دهشواتهوه
ههتاو له زستانیدا
دڵی ساردوسڕی دهرمهنده گهرم دهكاتهوه
شهماڵ له هاوینیدا ،
بهسهر گڕهو ههڵقرچانا ههڵدهكات
ئهو شهوه درێژه كۆتایی نههات
ههندێ جار بهفر دایدهپۆشێ و ئهوین ڕهق دهبۆوه
ههندێ جار دهنگی گۆرانی دههات
ههندێ جاریش گرمهی شهڕو وێرانكردن .
بۆ ئهوێ چووم وامزانی سابات و باغاتێكه
ترش و شیرین و مێخۆش ،
به پاڵا درهختێكی ڕوتاوهوه گیرسامهوه ،
ئیتر سهردهمێكی تره دهوران
ههورازێكی تره ڕێگه
پێچ و پهنایهكی تره ژیان .
ههورێكی نهبان بهسهرمدا دهڕوا ،
بارانێكی ئاشنا دێتهخوارێ
تهونێكی ههڵگرتوه خهیاڵ
ههڵبهز و دابهزێتی ناچێته ژێر ڕكێفهوه
كهوتۆته ههردهو ههڵهت !
گلارهی دیدهم ئۆقرهی نهگرت
ههرداو ههردو دهشتاو دهشت
به دوای خوڕهمی بارانهوه
له تهپونمدا ون دهبێت !
ئهو ههورهش جێم دههێڵێت ،ئای چی بكهم
چهخماخهو شریخهی دهمترسێنێت
له دهشتێكا جێماوم ،
دڵم بهو ڕێگهیه خۆشه دهمباتهوه ئاوایی ،
وا دیاره بهم پایزی ژینهوه
گڵهبانی لانهی ئهوین ههر به من ناكرێ .
تۆ پڕیت له دهرد و كوڵ
دهفتهرێكی سپیم بهرێ ،پڕی دهكهم
له خهمی دڵێكی سهركز ، له نۆتهی ههور
بهسهر حیكایهتی ماتهمینیدا دهیگێڕم
دهری ماڵهكهمی پێ گۆرانی پژێن دهكهم
پرچی پهشۆكاوی تریفهی پێدهچنم
گهڵایهكی پێدهخوێنمهوه
ڕێحانهی حهیرانێكی ژێر كهپری ئهم مهرزوبوومه
به لاپاڵی ژیانهوه ،
بهیتێك بۆ جهستهی نازداران دهخوێنێتهوه .
لهوێ ، لهبهر شنهی حهیران و
لهبهر سهڵای بهیتی ،
شاخه و شاخ و شاره و شار و
ههورا و ههور و دهورا و دهور و
گوندا و گوند و ماڵه و ماڵدا
چرپهی دێڕی ، منی بهیتان ، منی مهقامی گریان
منی ئاوازی لهبیر نهكراوی ساڵان
منی لاوكی شهپۆڕی دوێنێ و ئهمڕۆ
چرپهی دێڕی ههپرون به ههپرونی جهستهی دێ
بۆ ههورێكی نهبان دهخوێنێت ،
دهڕوا و ناگهڕێتهوه
لهبهر ئاهونزولهی نهنه گهورهیهك
له بههاره شیرینهكانی ئهم نیشتیمانه ناشیرین كراوهدا
نێرگس له ئینجانهی دڵا سهوز دهبێتهوه .
ئهڵێی ئاوی ڕهوانه ، ئهوینه شاراوهكهی
تهمی نهبانی ڕۆژگاری ههور و ههتاو
ئهڵێی ههڵمهتی شهپۆلانه
له سهردهمی قهڵاچۆكردنی ئینجانهی گوڵ و ڕێحانهدا
ئهڵێی گریانی خوێنه ،
له سهدهی چهقۆ بهدهستهكانی نهوتا
ئهڵێی ( باخچهی پاشا )ی شیعرهكانی گۆرانه
له سهردهمی وێرانه دا
ئهڵێی ( دڵی كوڕان و كچان )ی مهدهۆشه
له خۆر نشینی دڵشكانا .
زستان پاڵتۆی سهرمای له بهركردوه و
باران دهیشواتهوه ،
ئهستێره له باوهشی ساماڵدا تریقهی دێ و
مانگ به سهربانی ماڵهكهی ئێمهوه
حیكایهتی شهوه سپیهكانی بۆ كچانی دهرو دراوسێ گێڕایهوه
ههواڵی بهفری لهو شاخه پرسی ، بارانیش له بنار
ههر ههور بوو ، دههات و نهدههات
تووڕه دهبوو ، هێور دهبۆوه
ئهو دهگریا و من دهگریام
ههر ههور بوو له من دهچوو ، نیشتیمانی نهبوو
له مهراقی چاوهڕوانیدا ون دهبوو !
ههر ههور بوو له گوڵ دهچوو
ڕۆژێك ههبوو ڕۆژێك نهبوو
ههر ههور بوو له خۆشهویستی دهچوو
له ههڕهتی گوڕوتینا ئاوا دهبوو
لهم دهور و بهره ههر ههور دهناسم
ئیتر هیچ بارانێك نهیدهزانی
له باوهشی پان و پۆڕی ئاسماندا چی بهسهر هات
له چ پهنایهكدا خۆی كۆدهكاتهوه
هیچ بارانێك نهیدهزانی ههور چی بهسهر هات
ههور نههات ! دڵم سووتا
بووم به یهكێك له قوربانیهكانی قهدهر
ڕهشهبا پهلكێشی كردم ،
بۆ مهداری پهت پهتێنی ئهمسهر دونیا و ئهوسهر دونیا
له چاوهڕوانیی ههوردا بووم ، پشتی له زهوی كرد
له چاوهڕوانیی نێرگسهجاڕێكدا بووم ، ڕۆچوو
له چاوهڕوانیی ماچێكدا بووم ، ههڵوهری !
ههور نههات ،
به درهختێكی سووتاوهوه خۆم گرتهوه !
سلێمانی / 3 – 4 / 2020
نهبان : نادیده ، نهناس ، كهسێك به كهسێكی تر دهڵێت : بۆ خۆتمان لێ نهبان دهكهیت .
سەوڵی خەیاڵە لەناو سەرابی بیابانێکدا
شەپۆلی بەردەم کەشتی دوور مەودای بینینم دەبڕێ
کەی بێ بگەمە کەناری دووری ماڵی لمینی مەل و باڵندان
بەو سەرابەدا ڕێگە بۆ لانەی جریوەو زیقەی
زەڕنەقوتەی سۆز بێ ئاڕاستەیە !
دەور و زەمانە ، با دەستم دەگرێ ، سەراب دەمداتە
دەم شەپۆلێکی نادیارەوە.
دڵ بەندی داوی گۆشەی تۆڕێکە چاوەڕێی تیشکی
ئەستێرە گەشەی هەڵنەهاتووە
دەستەو دامێنی هەور و بارانم تارمایی سەراب لێرە ڕاماڵێ
بیابانی مەنگ تا بنی دونیا بینین نایگاتێ
لە پێچ و داوی گەرداوی ژینا ،
ڕوو لە ئاستانەی دڵی خۆت دەکەی :
ئیتر تۆ ماڵێکت نیە بتپارێزێ
ئەشقێکت نیە بە شەیدایی لە باوەشی بگری
کەپرێکت نیە لە سێبەریا بحەسێیتەوە
دامەچۆ !
ئیتر من و تۆ ، لە دەریایەکی خوێناویدا مەلە دەکەین
ئیتر من و تۆ ، لە سارایەکی ژەهراویدا دەحەسێینەوە
تۆ بە دەردی چارەنوسی کورد دەچی و منیش ،
دڵێکی پێڕەوکەم هەیە بەدوای هەورێکەوە
تاڵ تاڵ ، دەستی بە زوڵفی بارانەوە گرتوە
ئەو سەرابەی لێ دەبێتە باراناوێک
باڵندەی سارانشین ،
پۆل پۆل بەدوای دڵی بەردێکا دەگەڕێن ،
سوارەکانی خەیال ،
ڕۆژانە لە دەشتێکی خوێناویدا ڕمبازێنیانە ،
بوک بۆ شەهیدەکان دەگوازنەوە ،
نە ڕۆژ تەواو دەبێت ، نە ساڵ تەواو دەبێت
بێشە دەبڕن ، هەرد تەی دەکەن
دەڕۆن و ناگەڕێنەوە ، دەڕۆن و دەگەڕێنەوە
داخداری دەردی دەوڵەتمەداری گەردونن
دەستەو دامێنی پیرانی تەریقەتی باران دەبن !
دەست و پێوەندەکانی سروشت فڕکان فڕکان و پەلاماریانە ،
لەبەردەم ئاودا سڵ دەکەنەوە ،
ئەم نیشتمانە گوێی بۆ دەنگی باران هەڵخستوە
زەوی وشکهەڵاتوو لە پێشوازیدایە !
هەتا چەم و جۆگە دەگەنە بیابانی دڵ
وشکەڵانی تەمەن لە چاوەڕوانیدایە !
هەتا باڵندە کۆچەریەکان بە زاق و زیق و جریوە ،
ڕوو لە تووڕەیی زەوی و ئاسمان دەکەن ،
بە گژ واڵایی گەردووندا دەچن ، خۆشکاتەوە
تا لە باخی تازە هەڵچوودا هێلانەی ژین هەڵدەبەستن .
سلێمانی
تشرینی دووەم/ ٢٠١٩
ئاو لە دۆستیدا !
لە مەنگیدا ، لە خوڕیدا ،
لە شەپۆلاندا ، لە نیشتنەوەیدا
لە باراندا ، لە باوەشی کانیدا ،
یارای جوانیە لە ژیاندا .
ئاو لە ناحەزی دا !
لە خنکاندا ، لە لافاودا
لە قەیرانی نێوان ئەم و ئەودا
لە وێرانکردنی سروشتدا ،
دیمەنە دڵکێشەکان دەباو دەڕوا
هاودەمی ناخۆشیە لە گریاندا .
ئاو لە بیاباندا !
دۆستی باڵندەو ، باوەشی دار و دەوەنە
ئاو لە چیاکاندا ،
خوڕەمی قەڵبەزەو ،
دایکی کانیلە و شەیدای جۆگەلەیە
بەگژ قۆرت و قەدەغەدا دەچێتەوە .
سلێمانی / بەرەبەیانی
20/5/2020
-1-
ماڵی پهپووله
بهسهر دیواری مردنهوه بم
بهمدیودابێ یا بهودیوهكهیدا
ههرنایهمهوه ،
بهو دیوهكهیدا لافاوی مهرگ ڕاپێچم دهكات
بهمدیوهكهیدا دڕكی ژیانه ، هێواش دهمكوژێت !
خۆ ئێره ماڵه ،ماڵی پهپووله
ژین دهرفهتێكه .
نه بۆم دهمێنێت
نهبۆ ئهوانهی بهتهمان نهمرن !
-2-
ماڵی مۆزهخانه
بڕۆین بۆ ماڵی مۆزهخانهیهك
رابردوو چۆن بوو ،لێ ی وردبینهوه ،
فیرعهونهكانی زهمانه بێن و
پیت و سامانی سهر زهویش لهگهڵ خۆیاندا بهرن
مرۆڤهكانی دوای ئێمه دێن و دهیدۆزنهوه
چاكتریش وایه ههر له ئێستاوه
ئهم نیشتمانه بكهینهوه به مۆزهخانهیهك !
…………………………………………………………………………….
-3-
ماڵی عاشقان
خوڕهی كانیاوی دامێنی بهفره
وا به كوێستانی دڵاندا دهڕوات
گهڵا بۆ كهپرو بۆ ههوار دهبات
دیدهنیی ماڵی عاشقان دهكات !
-4-
ماڵی دڵ
هیچ حیكایهتێك
وهكو چیرۆكی لهیهك دابڕان
نامباتهوه بۆ ناو تۆڕی ئهوین
با باوهش بهسهر سنگی تۆوهنێم
لهماڵی دڵا پێشوازیم بكهیت !
………………………………………………………………………………………………..
-5-
ماڵی روح
چوومه ههر ماڵێك
تاریك و روونێ یهخهیان گرتم
چوومه ههر شارێك
سهرماو گهرماكهی شڕ شڕیان كردم
نهحهسامهوه ،
تهنها له ماڵی روحمدا نهبێت !
-6-
ماڵی درهخت
گهڵای وهریوی درهختی ئهوین
بهلق و پۆپی پهلی خۆزگهدا
بهردهبێتهوه سهركانی و ئاوی
كهناری چهمێك ،
بهجێم دههێڵێ و ناگهڕێتهوه .
پهنجهی مناڵیم بهمشت گرتووه و
به كهوانهكهی دهوری خهرمانهی مانگی ژینمدا
دهیبهم ، دهیهێنم
له ماڵی ئاودا ، یا ماڵی درهخت
مشت دهكهمهوه ، هێلانهیهك بۆ
گهڵارێزانی ئهستێران دهكهم !
-7-
ماڵی ئاگر
ئهوهندهی روانین له خۆڵبارانی ئهم سهدهیهدا
دورو نزیكی یهك مهودا تهمه
چاو ههتهر دهكا !
ژیان ناسكه ،
ههروهكو شووشهی دوای بوومهلهرزهی پهنجهرهی نێوماڵ
دونیا كۆن بووه ،
وهكو دیواری كۆنه ههواری تهلاری خهیاڵ
تهخت و تاراجی ئهم مهرزوبوومه
هێلانهیهكی لێ چێ ناكرێ
بۆ كۆتره شینكهی پهیامههڵگری لانه شێواوان !
ئهو درهختانهی به قهراخ ڕێوه گڕیان تێچووه
ئهوهنده جوانن ! ههرمنیان كهمه لهو سوتانهدا
خۆمن دهمێكه ماڵم ئاگره
ئهوه چی بووه ، وا گڕ نامگرێ
لهنێو شهپۆلی ئهم گریانهدا ؟!
-8-
ماڵی ڕوناكیی
نیوهشهو ئیتر ،
له تاریكیدا نوقم دهبم و
له چراخانی وشهگهلێكدا سهردهنێمهوه،
بۆ دیدارێكم ،
وهرنه سهردانی ماڵی روناكیی !
…………………………………………………………………………….
-9-
ماڵی تهنیایی
له ژاوه ژاوی
فڕكان فڕكان و چاوچنۆكی دا
لهسهرخۆ و ئارام
له دیوهخانی رازاوهی شیعرا
چوومه حوزوری ماڵی تهنیایی !
-10-
ماڵی باران
دیسان سهرسهختیم روی تێكردمهوه
گوێ له هاواری بێدهنگیم بگره
بهیانیان لاوك ، ئێواران حهیران
نیوهشهو ئای ئای ، دادو بێدادی
دڵ له بههاری تهمهندا سووتا
چاو له ههڕهتی بینیندا كزبوو
سهر كهوته داوی گڕوهاڵاوی،
پووشهڵانێكی گڕتێبهردراو
له هیچ ماڵێكدا ناحهسێمهوه !
سهردهنێمهوه ،
وهك یاخی بووهكهی رۆژگاری جاران
لهماڵی دهشت و چۆڵهوانی دا
بۆ ماڵی باران .
-11-
ماڵی تریفه
له تاریكایی شهوهزهنگێكدا
بێ ماڵ و داڵده
كهوتمه سهر رۆخی ترسێكی سامناك
ماڵم له پرچی تریفه چنی
مانگ بووه هاوڕێم ،
وهك جاری جاران
ڕێی خۆم دیهوه
چون دهمهو بهیان .
-12-
ماڵی ئارام
ئهوهنده سووتام
ئهوهنده دهشت و بیابان گهڕام
له نێو گهرداوی خهیاڵاتێكدا
دهحهسێمهوه ،
یهك پارچه بوومه ئاوازی تهنیاو
سهڵای دووره دهست ،
دهشت و دهرێكی پڕ بهردهڵانه
ماڵی ئارام و ئۆقرهو تهنیاییم
ژێی ئهوینێكه له دووری تۆدا
دهنگی باڵندهی نیوهشهوێكه
سۆراخی خواستێك ههڵی گرتووه
دهگهڕێتهوه بۆ هێلانهكهی !
-13-
ماڵی ههور
له دارو پهردوی ، دوای مێژویهكی
ساڵ له دوای ساڵی ئهم گهردونهوه
لاوكبێژانی ئاگربارانی سهدهی خوێن رشتن
به تووله رێگهی ههڵزنانێكا
پایز دوای پایز ،
لهبهردهم ماڵی ههورو ههتاوا
بوكهبارانێ ، بۆ كۆتهرهی دار
چهپڵهرێزانی ئاوی ژیانه .
ئێستاكهش بهدوای غهدری مرۆڤدا
وهچهی بههاران
دهمهو ئێواران
دهبنه دارهوان !
-14-
ماڵی ئاسمان
ئهستێرهیهكی یاخی و سهرگهردان
كۆشی ئاسمان و ئهوینی جوانی ئهستێرانی دی
بهجێ دههێڵێ ،
نوقمی سێبهری تهنیایی دهبێ
بۆ مهمكی چهپی هاوسهفهری ژین
له ههورا چاوی پڕ گریان دهبێ .
راز نیازی سهرتاپای تهمهن
له جریوهیدا ، دهگهشێتهوه
مانگ بهجێ دێڵێ ،
له تیشكی رۆژدا دهرژێته دونیای
خۆڵهمێشینی ئهرز و ئاسمانی
دیار و پهنهانی !
ئهستێرهیهكی یاخی و سهرگهردان
خۆی دایه دهستی ههوره بروسكه ،
خۆی نهسپارده حوكمی ئهستوری فهرمانی سوڵتان
له خۆرههڵاتا ، بوو به نوری خوا
له خۆرئاوادا ،
چووه كاروانی ههورو ئهستێران
گهڕایهوه بۆ ماڵی ئاسمان .
…………………………………………………………………………………………….
-15-
ماڵی دارستان
ماڵی دارستان دیمهنی جوانه
دڵم به تهنیا لهوێ میوانه
لهنێو سێبهرو خۆره تاوێكدا ،
نازانم بۆچی وا چاوهڕوانه .
…………………………………………………………………………………………….
-16-
ماڵی مانگ
مانگ خهرمانهی دا ،
ئهستێره ههموو بانگی یهك دهكهن
لهم لا یهكێكیان دهكشێ و وندهبێ
لهولا گهلاوێژ شای ئهستێرانه
رێگهی كاكێشان
مهودای دهگاته ئهوپهڕی دونیا
مانگ بهتریفه لهكانی و ئاوا بسكی تهڕدهكات
بهئاوازی با ورشهی داروبار .
ناچێته ماڵی كچی عهیار و كوڕی چاوباشقاڵ
نه سینهی ئاسمان بهجێ دههێڵێ ،
نه باوهشی ئاو ،
هیچ هێلانهیهك نادۆزێتهوه
كه ئهو نهیهته ماڵی دڵمهوه ،
دهچمهوه ماڵی خهرمانهی مانگ و
ورده ئهستێرهی كهوانهی ئاسمان لێم كۆدهبنهوه
یهك یهك لاپهڕهی شایهدی مێژوی
دوێنێ و ئهمرۆكهی مرۆڤ دێنن و
شهڕو وێرانهی لێ دهردههاون !
سلێمانی – كهركوك
مانگی 4/2016 -5/2018 ناحەوێتەوە ،
دڵ دێوانەیە لە دووریت ،
چرایەکی بەدەستەوەیە ،
بردمی بەرەو سنورێکی دوور دوور ،
ئێوارە چوومە باوەشی هەور
ئەوەندە باسی ئەستێرەی بۆ کردم ،
تا تاریک داهات و کەوتە جریوە بەسەر سەرمەوە
هێشتا مەیە ، عەشق و شەیدایی
لەودیو هەورەوەیە ،
هەتا باڵ نەگری مەیە !
ئەو ڕێگایە پێدەزانی ،
دەگاتە خەرمانەی مانگی شەیداییم
یا هێشتا باڵی فڕینت بێ پەڕە ؟
هێشتا لەماڵ مەیە دەرێ ،
تەپوتۆزی لەناکاوی جەنگی ژیان
بیناییت ڵێڵ و چاوی منیش کوێر دەکات
جارێ چاوەڕێ بە ،
هەتا عەشق ئەبێتە سنەوبەرێکی کەڵەگەت
جارێ چاوەڕێ بە ،
لە دەمەو بەیانیەکا من بە تەپڵی شادمانیەوە
مژدانەیەکم پێیە بۆم هێناویت
تۆ بە پەڕوباڵی خۆتەوەو
من بەڕێگایەکی تردا ،
دەچینەوە بۆ وڵاتی شەیدایی !
هێشتا مەیە ، عەشقت زەرنەقوتەیە
ئەم جەنگی باروتە دەتپڕوکێنێ
خەرمانەی شەیداییم وێران مەکە
بێ ماڵ و حاڵ دەمێنمەوە
هێشتا مەیە
هێشتا پەپولە ناوێرێ قۆزاخەی گوڵ جێ بهێڵێ ،
ماڵی خۆت و ماڵی منیش وێران مەکە ، مەیە
سەرتاپای ژینم ،
بەسەر باڵەخانەی شەیداییمەوە
هێلانەیەکم بۆ تۆ دروست کردوە ،
هەر من دەزانم باڵی بەختەوەریت
بۆ کوێم دەبات !
لەم پەرێشانیەدا خۆت بگرە ،
لەو خەڵوەتی بێ پەڕ و باڵیەدا بحەوێوە ،
لە دەمەو بەیانێکدا پەیدا دەبم !
٢٦ – ٢٧ / ٦ / ٢٠١٨
کەرکوک – سلێمانی
تێبینی: ئەم شیعرە لە ڕۆژنامەی کوردستانی نوێ / ئەدەب و هونەر ، ژمارە (٧٧٦٦) لە ١٧/١/٢٠١٩ بڵاوکراوەتەوە.