ئەوڕاستیە دەمێکە سەلماوە شەڕدرێژەپێدانی سیاسەتە بەشێوەی توندوتیژی ،هەرکاتێک کێشە سیاسیەکان ناگەنە ئامانجی خۆی شەڕدەبێتە ئەلتەرناتیڤی سیاسەت و کۆتایی بەگوتاری سیاسی و دبلۆماسیەت دێت.
مێژووی کۆمەڵگای مرۆڤایەتی پڕیەتی لەجەنگ و کاولکاری و داگیرکاری و تابەئێستا دەگات جەنگ و ماڵوێرانی بوونی هەبووەو،هەرکاتێکیش زلهێزەکان نەیانتوانی بێت ئەوەی دەیانەوێت بەسیاسەت و تەڵەکەبازی دبلۆماسی بەدەستی بهێنن پەنایان بۆجەنگ و کاولکاری بردووەو ئەمەشیان ناوناوە ،لەپێناوی مرۆڤایەتی دا.
لەکاتێک دا کۆی زلهێزەکانی دنیا هیچ کات شەڕەکانیان کوشتنی خوێن ڕشتنی ئینسانەکان بوەو لەپێناوی مرۆڤایەتی دانەبووەو داگیرکاری ئابووری و سیاسی و زەوی و فراوانکردنی دەسەڵاتی خۆیان بووە،لەپێناوی تاڵانکردنی وولاتانی تر.
ئەگەر ئێستا بەشێوەیەکی گشتی داگیرکاری وەک سەردەمی ئیستعماری نەماوە،بەلام بەجۆرێکی تر بەتایبەت دوای جەنگی جیهانی دووەم و گەیشتنی سەرمایەداری بەقۆناغی باڵای ئیمپریالستی داگیرکارەیەکان و دروست کردنی ڕێکخراوی نەتەوەیەکگرتوەکان وبەناو ئەنجومەنی ئاسایش وکۆمپانیا فرەڕەگەزەکان و چوارچیوەکانی تری هاوشێوە بەڕێۆەدەبرێت و ئیمپریالیزم بۆداگیرکاری پەنای بردوەتە بەر بانکی نێودەوڵەتی ،لەڕێگەی پاوانکاری ئابوری ووڵاتانەوە سەرمایەگوزاری خۆی دەکات و هەرکاتێکیش دووچاری ئاستەنگەی پاوانی ئابوریی بوەوە،هێرشی میدیایی دەکاتە سەروولاتان بەناوی نادیموکراسی و پێشێل کردنی مافی مرۆڤ بۆداگیرکاری ڕاستەو خۆ.

زیاتر لەشەست ساڵە ئیمپریالیزم بەوشێوەیە پاریزگاری ،لەدەسکەوتەکانی خۆی دەکات و باڵادەستی بەسەر جیهاندا دەسەپێنێت و هەر هیزو ڕێکخراوێکیش دژی ئەو دڕندەییە ئیمپریالیزم بوەستێتەوە بەتیرۆریست ناوزەد دەکرێت ،بەوێنەی سەرجەم ڕێکخراوە شۆڕشگێڕو دژە ئیمپریالیستیەکانی ئەمریکای لاتین و مەکسیک و ئیسپانیا تادەگات بە پارتی کرێکاران .

هەمیشە دەوڵەتە ئیمپریالستیەکان پشتیوانی دەوڵەتە فاشستیەکان دەکەن دژی هەربزووتنەوەیەکی شؤڕشگێڕو ئینسان دۆستەکان و ڕێکخراوی نەتەوەیەکگرتوەکانیش چوارچێوەیەکە بۆ شەرعێەت دان بە دەوڵەتەفاشستیەکان .هەزاران تاوان و پێشێلکاری دەوڵەتەکان بەبەرچاوەیەوە ڕوویداوە ،لەجینوسایدو کوشتن و ئیبادەکردنی گەلێک ،جارێک نەبووە سزای ووڵاتێکی فاشی بدات و بیداتە دادگای نێودەوڵەتی .لەنموونەی هەڵبجەو ئەنفال و کیمیاوی باران و قەتڵوعامی کوردانی باکور لەلایەن ئەردوغانی ئیسلام فاشی و ئێستاش ئەوەی دیسان ئەردۆغانی فاشی دەیکات بەرامبەر خۆرئاوای کوردستان و هەوڵی جینۆساید کردنیان ،نەمان بینی ئەو ڕێکخراوە ئیدانەی ئەو تاوانە بکات ،تەواوی ووڵاتانی سەرمایەدارو ئیمپریالستی لەژێر لێوەوە باسی دەکەن و هیچ هەڵوێستێکیان نی یە بۆ وەستانی ئەو جینۆسایدەی ئەردۆغانی فاشی دەیکات .نەئەنجومەنی ئاسایش و نە نەتەوە یەکگرتوەکان ،چونکە ئەو چوارچێوانە پارێزەری ئیمپریالیزم سەرمایەداری یە نەک ئینسانە چەوساوەکان.

بەدرێژایی بوونی نەتەوەیەکگرتوەکان پشتیوانی یەک بزووتنەوەی شۆڕشگێرانەی نەکردووە دژی دەوڵەتەفاشی و دیکتاتۆرەکان ،بۆیە دەبێت تەنها لەڕووی تاکتیکیەوە مامەڵە لەگەڵ ئەو ڕێکخراوانە بکرێت، ناکرێت بزووتنەوە شۆڕشگێڕو حەقخوازەکان چاوەڕوانیەکیان ،لەوڕێکخراوە ئیمپریالستیە هەبێت ،کەبەدژی هەنگاوەکانی ئیمریالستی بوەستێتەوە.
لەوڕوانگەیەوە دەبێت خۆرئاوای کوردستان دووتاکتیکی یەک ستراتیژ بگرێتەبەر و هەنگاو بنێت ،لەڕووی تاکتیکیەوە ماڵەڵە لەگەڵ دەوڵەتە ئیمپریالستیەکان بکات و دبلۆماسیەتی سیاسی بەکاربهێنێت جەبهەی دژی داگیرکاری وە شەڕبەهێزبکات و لەلایەکی تریشەوە هەوڵی پەیوەندی بدات ،لەگەڵ بزووتنەوە هێزە شۆڕشگێڕەکانی دنیاو جەبهەی شەڕی دژی سەرمایەداری ئیمپریالستی فروان بکات و پشتیوانی بۆستراتیژی گەیشتن بەئامانجەکانی بنێت .وەک تاکتیکیش بەردەوام بێت لەوەی کە دژی بەکارهێنانی هیزو بەردەوام شەڕبێت و لەهەمان کاتیش داخەریکی بەهێزکردنی خۆیی بەدەست هێنانی پشتیوانی ڕاستەقینەو بەژداری پێکردنی هێزە شۆڕشگێڕو دژە سەرمایەداری ئمپریالستیەکان بێت و،لەو ڕێگەیەوە جەبهەی بەرگری فراوان بکات فشاری هەمە ڕۆژە لەناو دڵی دەوڵەتە ئیمپریالستەکان دروست بکات .

گرتنەبەری دووتاکتیکی یەک ستراتیژ بۆ ئێستای خۆرئاوای کوردستان زۆرگرنگەو دەتوانێت کاریگەری ئەرێنی هەبێت بۆ هەنگاوەکانی دواترو گەیشتن بەئامانجەکان ،هەڵبەت خۆرێکخستن و ئامادەکاری بۆ بەرنگاریش نابێت خاوبکرێتەوە ،بەلکو لەمیانەی کارکردن بەتاکتیک دەبێت هێزی بەرەنگاربوونەوە تۆکمەتربکرێت و هەموو ساتێک ئامادەی بەرنگاری بێت .

هۆڵەندا
١٨/١٠/٢٠١٩

ئەگەر ئەوبۆچوونە دروست بێت،کەسیاسەت هونەری مومکینە ئەوا خۆرئاوا نەیتوانی وە لەودیدەوە لەسیاسەت بڕوانێت و هەوڵی بەدەست هێنانی مافەکانی بدات .شۆڕشی خۆرئاوای کوردستان بەهەنگاوێکی خێرابەروێش رۆیشت و توانی جێگای خۆی ،لەهاوکێشە ئاڵۆزەکانی ناوسوریا بکاتەوەو کۆمەڵێک دەستکەوت بەدەست بهێنێت و ناوچەیەکی فراوان بخاتە ژێر رکێفی خۆیەوەو هەنگاو بۆ گەیشتن بەدەریا بنێت ،ئەوەش دەبووە پاڵپشتێکی گەورە بۆ دابین کردنی ئابوری گونجاو.
هەنگاوە خێراکان کەمێک بوغرایی لەلای دەسەڵاتی خۆرئاوا پەیداکردو هیچ دووربینیەکیان بۆ ئایندەی حکومڕانی خۆرئاواو بەرەنگاربوونەوەی ئاستەنگەکان نەکرد ،کەدوای کۆتایی داعش ڕووبەڕوویان دەبێتەوە ،بەڵکو هەرسەرگەرمی ئەو بەڵێنە درۆینانەبوون ،کەئەمریکای شەریکی تورکیای فاشی پێی دابوون ،کەگوایە دەیانپارێزێت و ناهێڵێت تورکیا هێرش بکاتە سەریان .

ئەو خۆشخەیاڵیە زۆرەی خۆرئاوا بەئەمریکای باوکی سەرمایەداری ڕێگەی گرت لەبینینی واقیعەکە ،کەئەمریکا خۆرئاوا وەک کارتێک بۆ بەرژەوەندیەکانی خۆی و فرۆشتنی چەکی زیاتربەکار دەهێنێت و هەرگیز ئەمریکا پشت ناکاتە تورکیای فاشی دووەم گەورەهێزی ناتۆ .لەگەڵ کۆتایی هاتنی بەشێکی زۆری هیزەکانی داعش ووردە ووردە سیاسەتی ئەمریکا ئاشکرابوو ،کەهەموو لێدوانەناکۆک توندەکاندەکانی دژ بە ئەردۆغانی هاوپەیمانی ،جگەلەسیناریۆیەک هیچی ترنەبووە .ئەوەش بەڕوونی لەهێرشی تورکیای فاشی بۆسەرعەفرین ئاشکرابوو ،کەئەمریکا نەک پشتیوانی لەخۆرئاواناکات ،بەڵک بەرامبەر بەهێرشی دڕندانەی دەوڵەتی فاشی تورک بێدەنگی هەڵبژراد .
دوای لەدەست دانی عەفرینیش دیسان سیاسیەکانی خۆرئاوای کوردستان دەست بەرداری خۆشخەیالیەکانیان نەبوون بەئەمریکاوبەردەوام بوون لەدەستەو وەستان و بەستنەوەی هەموو شتەکان بەبەڵێنی درۆیینانەی ئەمریکا ،بەوەی دەیانپارێزێت ،ئەوە جارێکی تر کەوتن بەسەر ئەو واقیعەتاڵەی دوای ڕاگەیاندنی کۆتایی داعش ،لەلایەن ئەمریکاوە و هەنگاوی یەکەی ئەوەی ڕاگەیاند لەسوریا دەکشێتەوە ،دیسان ئەوەش ڕاینەچڵەکاندن و بیریان لەوە نەکردوە ،ئەمریکای هاوپەیمانی هەمیشەیی ئەردوغانی فاشی ،لەبەرخاتری ڕۆژئاوا دەست بەرداری دەوڵەتی فاشی تورک نابێت .ئەگەر لەهەنگاونان بۆکشانەوە ماوەیەک دوای خست ،بەڵام ئەوەتا دیسان ترامپ  بەڵێنەکەی خۆی بردە سەربۆ ئەردۆغانی ئیسلام فاشی و گڵۆپی سەوزی دایە دەست ئەردۆغان و فەرمووی لێکرد ڕۆژئاوا داگیربکات .

ئەوەی نەزانی یە عەقڵی هەژاری خەڵکی کوردە لەهەر چوارپارچەکی دەڵێن ئەمریکا خیانەتی لێکردین و خەنجەری لەپشتەوە لێداین .بەلام کام خیانەت و کام خەنجەر ئەی هەژارانی سیاسی  کورد .ئەمریکای دڕندەو باوکی سەرمایە هیچ رێکەوتنێکی لەگەڵ خۆرئاوادا بەنووسراو نەبووەو هەمیشە بەقسەی سۆزداری باسی کوردی خۆرئاوای کردوە ئازان و جەنگاوەری باشن .بەلام بیرتان نەجێت ئەمریکیەکان بەردەوام ئەوەناکەن کەدەیڵێن ،بەڵکو پێچەوانەکەی دەکەن و ئەوەتا کردیشیان .هەردوای هێرشی ئەردۆغانی فاشی  زۆرێک هاتو هاوار دروست بووە فڵان و فیسار خۆشخەیاڵیان بەتویت و لێ دوانەکان دەردەبڕن ،بەلام لەو ستراتیژە تێناگەن ،کەئەمریکاو ڕوسیا پاڵپشتی ئەو هێرشەن و ئەوەتا لەئەنجومەنی ئاسایش دژی ئیدانەکردنی ئەو داگیرکاریەی ئەردۆغانی فاشی بوون.

هەرگیز نابێت خۆرئاوا بەتەمای ئەوەبێت سەرانی مافیای باشور هاوکاریان بکات ،چونکەئەوان دەمێکە خزمەتی ئەردۆغانی فاشی دەکەن و باشوری کوردستانیان کردوەتە مۆڵگەیەک بۆیان و ئابوری باشوریان تەسلیم کردووەو ئەویش بەوئابوریە  چەک و چبەخانی پێدەکڕێت و بەسەر ئێوەدا دەیبارێنی .ئەوان ئەوەندە جورئەتیان نی یە ئیدانەی داگیرکاری ئەردۆغان ئیسلام فاشی بکەن کۆمپانیاکانیان دەرکەن و نەوت ڕاگرن و قونسوڵگەریەکەیان دەربکەن .ئەگەرنەڵێم دڵخۆش دەبن بەکەوتنی خۆرئاوا چونکە لەژێر دەسەڵاتی مەسعودی مافیادانی و نەبوون بەجاشی ئەو ،وەک ئەنەکەسە .
ئەگەر خۆرئاوا بەهەڵەسیاسیەکانی دا نەچێتەوە بەرامبەر بەئەمریکا دەست بەرداری خۆش خەیاڵیەکانی نەبێت و ستراتیژی پشت بەخۆبەست نەکاتە ئامانجی درێژخایەنی خۆیی و شیوازی بەرنگاری نەگۆڕێت ،ئەوا لەباشترین حاڵەت دا ماوەیەک گیانبازی دەکەن و قوربانی یەکی زۆر دەدەن ،بەڵام ئەوەش بەومانایە نی یە کەخۆرئاوا لەبەرخۆتان دەوەستێت ،لەوانەیە دووچاری شکستی سیاسی ببێت ،بەالم دەبێت زۆرزیرەکانە هاوكێشەکان هەڵبسەنگێنی و لە وە دەرچێت بەتانها بڵێت خۆرئاواناکەوێت دروشم گەل ناگاتە ستراتیژی بەڤێتنام کردنی خۆرئاوا و پشت بەستن بە ستراتیژی شەڕی  ڤێتنامیەکان .دەست بەدژەهێرش بکەن ،لەناو تورکیادا و هێرش بکەنە سەر بەرژەوەندیە ئابوریەکانی ئەردۆغانی فاشی و لەناویشەوە بەشیوەی  ستراتیژی شەڕی ناوشارەکان ڕووبەڕووی لکەشکری داگیرکەرببنەوە .ئەوە هەنگاوێکە دەتوانێت شکست بە داگیرکاری بهێنێت .
هۆڵەندا

دوای لەدەست دانی عەفرینیش دیسان سیاسیەکانی خۆرئاوای کوردستان دەست بەرداری خۆشخەیالیەکانیان نەبوون بەئەمریکاوبەردەوام بوون لەدەستەو وەستان و بەستنەوەی هەموو شتەکان بەبەڵێنی درۆیینانەی ئەمریکا ،بەوەی دەیانپارێزێت ،ئەوە جارێکی تر کەوتن بەسەر ئەو واقیعەتاڵەی دوای ڕاگەیاندنی کۆتایی داعش ،لەلایەن ئەمریکاوە و هەنگاوی یەکەی ئەوەی ڕاگەیاند لەسوریا دەکشێتەوە ،دیسان ئەوەش ڕاینەچڵەکاندن و بیریان لەوە نەکردوە ،ئەمریکای هاوپەیمانی هەمیشەیی ئەردوغانی فاشی ،لەبەرخاتری ڕۆژئاوا دەست بەرداری دەوڵەتی فاشی تورک نابێت .ئەگەر لەهەنگاونان بۆکشانەوە ماوەیەک دوای خست ،بەڵام ئەوەتا دیسان ترامپ  بەڵێنەکەی خۆی بردە سەربۆ ئەردۆغانی ئیسلام فاشی و گڵۆپی سەوزی دایە دەست ئەردۆغان و فەرمووی لێکرد ڕۆژئاوا داگیربکات .
ئەوەی نەزانی یە عەقڵی هەژاری خەڵکی کوردە لەهەر چوارپارچەکی دەڵێن ئەمریکا خیانەتی لێکردین و خەنجەری لەپشتەوە لێداین .بەلام کام خیانەت و کام خەنجەر ئەی هەژارانی سیاسی  کورد .

ئەمریکای دڕندەو باوکی سەرمایە هیچ رێکەوتنێکی لەگەڵ خۆرئاوادا بەنووسراو نەبووەو هەمیشە بەقسەی سۆزداری باسی کوردی خۆرئاوای کردوە ئازان و جەنگاوەری باشن .بەلام بیرتان نەجێت ئەمریکیەکان بەردەوام ئەوەناکەن کەدەیڵێن ،بەڵکو پێچەوانەکەی دەکەن و ئەوەتا کردیشیان .هەردوای هێرشی ئەردۆغانی فاشی  زۆرێک هاتو هاوار دروست بووە فڵان و فیسار خۆشخەیاڵیان بەتویت و لێ دوانەکان دەردەبڕن ،بەلام لەو ستراتیژە تێناگەن ،کەئەمریکاو ڕوسیا پاڵپشتی ئەو هێرشەن و ئەوەتا لەئەنجومەنی ئاسایش دژی ئیدانەکردنی ئەو داگیرکاریەی ئەردۆغانی فاشی بوون.

هەرگیز نابێت خۆرئاوا بەتەمای ئەوەبێت سەرانی مافیای باشور هاوکاریان بکات ،چونکەئەوان دەمێکە خزمەتی ئەردۆغانی فاشی دەکەن و باشوری کوردستانیان کردوەتە مۆڵگەیەک بۆیان و ئابوری باشوریان تەسلیم کردووەو ئەویش بەوئابوریە  چەک و چبەخانی پێدەکڕێت و بەسەر ئێوەدا دەیبارێنی .ئەوان ئەوەندە جورئەتیان نی یە ئیدانەی داگیرکاری ئەردۆغان ئیسلام فاشی بکەن کۆمپانیاکانیان دەرکەن و نەوت ڕاگرن و قونسوڵگەریەکەیان دەربکەن .ئەگەرنەڵێم دڵخۆش دەبن بەکەوتنی خۆرئاوا چونکە لەژێر دەسەڵاتی مەسعودی مافیادانی و نەبوون بەجاشی ئەو ،وەک ئەنەکەسە .
ئەگەر خۆرئاوا بەهەڵەسیاسیەکانی دا نەچێتەوە بەرامبەر بەئەمریکا دەست بەرداری خۆش خەیاڵیەکانی نەبێت و ستراتیژی پشت بەخۆبەست نەکاتە ئامانجی درێژخایەنی خۆیی و شیوازی بەرنگاری نەگۆڕێت ،ئەوا لەباشترین حاڵەت دا ماوەیەک گیانبازی دەکەن و قوربانی یەکی زۆر دەدەن ،بەڵام ئەوەش بەومانایە نی یە کەخۆرئاوا لەبەرخۆتان دەوەستێت ،لەوانەیە دووچاری شکستی سیاسی ببێت ،بەالم دەبێت زۆرزیرەکانە هاوكێشەکان هەڵبسەنگێنی و لە وە دەرچێت بەتانها بڵێت خۆرئاواناکەوێت دروشم گەل ناگاتە ستراتیژی بەڤێتنام کردنی خۆرئاوا و پشت بەستن بە ستراتیژی شەڕی  ڤێتنامیەکان .
دەست بەدژەهێرش بکەن ،لەناو تورکیادا و هێرش بکەنە سەر بەرژەوەندیە ئابوریەکانی ئەردۆغانی فاشی و لەناویشەوە بەشیوەی  ستراتیژی شەڕی ناوشارەکان ڕووبەڕووی لکەشکری داگیرکەرببنەوە .ئەوە هەنگاوێکە دەتوانێت شکست بە داگیرکاری بهێنێت .

هۆڵەندا

هەنگاوبەرەو دواوێستەگەی شەمەندفەرەکەم دەبات
خۆشم نازانم بۆچی ئاڕاستەم بۆئەوێی یە!
نهێنی یەک لەسەرم دایەوپەلکێشم دەکات،
یان هەست کردنە بەگەڕانێکی تر.
خەیاڵکردنەوە لە دوایین وەستان
ئاڵۆزکردنی ماتماتیکی بوون و نەبوونە.
هەنگاوە خۆڕسکەکان زۆرجارمێشک جاڕس دەکەن
بیرکردنەوەکان بەشوێن خۆیاندا دەبەن.
ئاڕاستەکانی بزواندن دیاری دەکەن.
ئەوبەیانی یەی گەیشتمە وێستگەکە
سەفەر لەئەندێشەمدا بوونی نەبوو،
نەمدەزانی بۆ کام کەنار دەڕۆم؟
جەستەم پەلەی بوو سواری شەمەندەفەرکەبێت.
خەیاڵم هەرگیز ئاگای لە دوایین زەنگ نەبوو،
ئەو دەیەوێت بڕوات ونەگەڕێتەوە،
دوایین کاروانی ڕۆیشتنیەتی وناگەڕێتەوە.
چاوەڕوانی سەفەری جەستەومێشک
تەژین بەپەنهانی سەیر!
ڕیگایەک دەمباتەوە سەریادەوەری و،
دەروازەکەی تەم دایپۆشیوە.
ڕیگایەکی تر خۆی هەنگاوەکانم دەبات و،
دیارنی یە بەرەوکوێ دەڕۆم.
زەمەنێکە جەستەو بیرم ناگونجێن و،
هەریەکەیان ئاڕاستەیەکیان گرتووە.
جەنگێکی نەبڕاوە دەکەن .
یەکێکیان دەیەوێت بڕوات و هەڵوەرێت،
ئەویتریان دۆش داماوەو نازانێ کەی دواوێستگەیە.
شەمەندەفەرەکەوەستاوەو،
دوانەی منیش خۆی بووەتە وێستگەیەک و،
توانای سەفەرو بیرکردنەوەی نەماوە
کاتژمێرەکە چوەتەوە سەرسفری فەنابوون.

سەروەرکەریم
هۆڵەندا
٢/٨/٢٠١٩

ئیشکردن ،لەسەرچەمکی حەقیقەت ومانەوەی بەڕەهایی کۆیلەیەتی بەردەوام بەرهەم دەهێنێت و هیزی بیرکردنەوەوگۆڕانکاری لەناودەبات و کۆمەڵگاو مرۆڤی بێ ئیرادەو دەستەمۆ دروست دەکات و هەمووڕیگاکانی پرسیاروگومان دادەخات.
هەمیشە دەسەڵاتەکان کاریان لەسەرفرۆشتنی حەقیقەتی ڕەهابەکۆمەڵگاو مرۆڤەکان کردووەو مانەو ووجودی خۆیان بەحەقیقەتی ڕەها داناوە.لەڕێگەی ئایین و پیرۆزیەکانی تری نیشتیمان و سەرکردەی پیرۆز قبووڵ کردنی دۆخی مەووجود ،بەوەی ئەوە حەقیقەتی میژووە ،کەئەوانی کردوەبەسەرداروسەروەری کۆمەڵگاو دەبێت ڕێزلەپیرۆزیەکانیان بگیرێت.
کاتێک دەسەڵاتەکانیان دەکەوێتەبەرمەترسی و گومانی خەڵک و هەنگاو بەرەوگومانکردن ،لەحەقیقەتی تاڵی ئەوان دەنێن ڕاستەوخۆ دێنە وەڵام باسی ئەوەدەکەن نابێت خەڵک دەست بۆپیرۆزیەکان بەرێت وهەوڵی شکاندنیان بدات چونکە ئەوە حەقیقەتە .لەڕێگەی ئایینە وە سەرتاهەوڵ دەدەن گومانی دۆخی خراپ بڕەوێننەوە بەوەی ،هەژاری و دەوڵەمەندی لەلای خوداوەیەو دەبێت هەمووان بەبەشی خۆمان ڕازی بین ،ئەگەر ئەمەش نەیتوانی گومانی هاوڵاتیان بڕەوێنێتەوە لەجەبەروتی حەقیقەتی زاڵمانەی دەسەڵات و کاری هۆڤیانەیان بۆسەرمافەکانیان ،ئەوا دەست بۆ هەستی نیشتیمانی و پیرۆزی سەرکردە دەبەن و دەیانەێت لەڕێگەی نیشتیمان پەروەری و پیرۆز ڕاگرتنی سەرکردەکانیان ،کەبەقەولی دەسەڵات داران لەخزمەتی ماف و ئازادیەکانی خەڵک دابوون .گومانی خەڵکی بڕەوێنەوە ڕیگای کۆتایی هێنان بە حەقیقەتی زاڵمانەیان نەگرنەبەر.
هەموو دەسەڵاتە دیکتاتۆرو شمولی و فاشستەکان ،لەسەر هەمان تیئۆر ئیش دەکەن ،کەمانەوەی کۆمەڵگا بەمانەوەی ئەوانەوە بەندەو دەبێت ئەوە ،وەک حەقیقەتی ڕەهاقبووڵ بکەن وڕێز لەسەروەری و سەردار بوونیان بگرن و ،وەک کۆیلەیەکی گوێڕایەڵ ئەو دەسەڵاتە ناحەقیقیەی بەزۆر سەپێنراوەو پیرۆزکراوە قبوڵ بکەن پەننا بۆگومانکردن نەبەن و بەڵکو ملکەچ بن .
گومان نەکردنی کۆمەڵگا و بێدەنگ بوون ،لەتاوانەکانی سەرانی دەسەڵات هەمیشە ترس و تۆقاندن بەرهەم دەهێنێت و کۆمەڵگا بەروملەکەچ بوون و مێگەل بوون دەبات .تائەوکاتەی گومان لەحەقیقەتی دەسەلات نەکەین ناتوانین تاوانەکانیان ببینینن ،لەوکاتەی گومان لە حەقیقەتی دەسەڵات و سەرکردەمافیاکانیان دەکەین ،ئەوکات ڕاستی دەسەڵاتی هۆڤیانەیان دەبینین و دەتوانین هەنگاو بنێین بەئاڕاستەی گۆڕانکاری .زانینی جەبری دەسەڵات بەرەو ئیختیارمان دەبات و هەنگاوی سەرتای گومانکردن ،لەحەقیقەتی جەبری دەسەڵات ئیختیارمان نیشان دەدات.
هەروەک ئەنگلس دەڵێت جەبرکوێرە ،تابەئیختیارمان نەزانی و ئیختیاریش.بریتیە لەپێزانینی جەبر،خەڵکی کوردستان زیاتر لەچارەکەسەدەیەکە دەست وپەنجە لەگەڵ دەسەڵاتی سەرانی مافیای کورد نەرم دەکات و ئەوانیش ئەوەیان بەحەقیقت بەخەڵکی کوردستان فرۆشتوە ،کەئەوە حەقیقەتی مێژووە ئەوانی کردووە بەحاکمی ڕەها بەسەریانەوە و دەبێت خەڵکی کوردستان ملکەچی ئەو حەقیقەتەبێت و نابێت هیچ گومان بکات ،لەوەی ئەو دەسەڵاتە مافیاگەریە .(تەوای دەسەڵاتە دیکتاتۆرەکانی شیوەی دەسەڵاتی مافیای کوردی هەمان قسەو گفتاریان هەبووە ،لەشیوەی دەسەڵاتەکانی موبارەک و سەدام و قەزافی و زەین بن عابدین و بۆتەفلیقەو بەشیروبەشار …هتد) .دەسەڵاتێکی هۆڤی ناحەقیقین ،چونکە مانەوەی خەڵکی کوردستان پەیوەستە بەمانەوەی ئەوان و دەسەڵاتیانەوە .
هەڵبەت ماوەی زیاتر لەچارەکە سەدەیەکە خەڵکی کوردستان تاڵاوی ئەو دەسەڵاتە فاشیەی سەرانی کورد دەنۆشێت بەناوی حەقیقەتی مێژوو ،کەمترین گومانیان خستوەتەسەرڕابورووئێستایان و هەڵوەشاندنەوەی حەقیقەتی وەهمیانەیان .
دوای ئەوەی ڕۆژانە دیکتاتۆرەکان ،کەدەسەڵاتیان بەحەقیقەت بەسەرخەڵکدا سەپاندوە هەڵدەوەرن کۆتاییان دێت ،ئایاخەلکی کوردستان ،کەی دەست بەرداری ئەوناحەقیقەتە دەبن و بەدەسەڵاتی حەقیقی خۆیان کۆتایی بەمافیاگەری دەهێنن و ڕەوڕەوەی مێژووی ناحەقیقی دەسەڵاتیان هەڵدەگێرنەوەو دەبنە خاوەنی خۆیان و ماف و ئازادیەکانیان.
هۆڵەندا
١١/٤/٢٠١٩

زۆرینەی زۆری فیکروئایدیاکان ،لەسەرئەوبنەمایە بەووجودهاتوون کاتێک کۆمەڵگای مرۆڤایەتی دووچاری زوڵم وزۆروچەوساندنەوەی دەسەڵاتەجۆراوجۆربووەتەوە.فکروئایدیابەرهەم هاتوەکان زۆربەی جارگشتگیربوون و تایبەت نەبوون بەکۆمەڵگایەکی دیاری کراو،بەقەدەرئەوەی گشتگیربوون بۆکۆتایی هێنانی چەوسانەوەکان بەگشتی .
گەیشتنی مرۆڤ بەبیرکردنەوە لەشۆڕش وڕاپەڕین ،ئەگەر زۆرنەگەڕێینەوە بۆ سەرتای مێژوو،لەسەردەمی ڕاپەڕینی سپارتاگۆسەوە سەیری مێژوو بکەین ،ئەوڕاستیەمان بۆئاشکرادەبێت لەهەرشوێنێک چەوساندنەوە زوڵم هەبێت یاخی بوون و بەرنگاربوونە بەشێوەی جۆراوجۆر دێتەبوون دەبێتە جێگای ئومێدی تاکەکان و ئەوتاکانی سەرەتا یاخی بوون هەڵدەبژێرن دەبنەسمبوڵی بەرنگاربوونەوە لای چەوساوەکان .

زۆرن ئەومرۆڤانەی بوونە تەسمبوڵی بەرنگاربوونەوەی زوڵم وزۆروچەوساندنەوەی دەسەڵات دارانو بەردەوام ئامادەییان هەیە لەنەستی چەوساوەکاندا.مانەوەی سپارتاکۆس و لەسەدەی بیست دا گیڤاراو دەیان کەسی یاخی و شۆڕشگێری تر ئەو ڕاستیە دەسەلمێنێت تاچەوساندوە بوونی هەبێت بیری یاخی بوون و شۆڕش و سمبوڵەکانی بەردەوامی هەیە.
لەدنیای ئێستای ئێمەدا چەوساندنەوەکان گەیشتونەتە لوتکەی ستەمگەری ونادادپەروەری ،کەواتە بۆچی تاخی بوون و شۆڕش وەک سەدەی بیست ئامادەیی نی یە ،ئەمە ئەوپرسیارەیە کەدەبێت چەوساوەکان بەشوێن وەڵامەکەی دابچن بیرۆکەی یاخی بوون وشۆڕش بژێننەوەو هەوڵی کۆتایی بەچەوساندنەوەکان بدەن .
ڕەنگە بەشێکی ئەوەی ئێستا شۆڕش ئامادەیی نی یە دەگەڕێتەوە بۆ بەشێک لەشۆڕشەکانی ڕابوودوو،بەرلەسەرکەوتنیان بەڵێنی گەرەیان بەچەوساوەکان دا،بەڵام کەسەرکەوتن پێچەوانەی بەڵێنەکانیان بەهەمان ئەندازەی دەسەڵاتی چەوسێنەری پێشوبەربووەگیانی چەوساوەکان و دووچاری ڕەشبینی کردن بەوەی چارێکی ترپەنا بۆشۆڕش و یاخی بوون نەبەبەن کەهەمان دەرئەنجامی هەبێت ،وەک نوسەرێکی ئیسپانی دەڵێت شۆڕشگێرەکان وایان لێکردنین بەناچاری بیرۆکەی شۆڕش ڕەتبکەینەوە.

بێ ئومێدبوون بەشۆڕش و ڕاپەڕین و یاخی بوون تارماییەکی گەورەیە بەربینی چەوساوەکانی گرتووە،ناتوانن لەخەیاڵ و وەهمی نەبینینی گۆڕانکاری کۆتایی هاتن بەچەوساندنەوەو مافیاگەری دەربچن و خۆشخەیاڵ بن بە سیناریۆی دەسەڵات ستەمگەرومافیاکان بەناوی دیموکراسی و گاڵتەجاڕی هەڵبژاردن.
خامۆش بوونی دەنگەکانی بەرەوشۆڕش جیهانی گەیاندوەبەئاستێک هەژاری و برسێتی و جەنگەکانی جەمسەرەکانی دنیای سەرمایەداری بڕسکیان لەهاوڵاتیان بڕیوە،بەجۆرێک ملیۆنان ئینسان لەخوارهێڵی هەژاریەوە ژیان دەگوزەرێنن ..ملیۆنان مرۆڤ بەهۆی جەنگ و کاولکاری زلهێزەکانی سەرمایەداریەوە ئاوارەبوون و لەووڵاتان لەژێرخێمەو بێ مافی داژیان دەگەوزەرێنن .ئەم هەموو بێ مافیە بەچی کۆتایی دێت خەیاڵکردن بەچاکسازی و ڕیفۆرمی باڵەجۆراوجۆرەکانی سەرمایەداری و بەڵێن دان بەبەهەشتی دیموکراسی ،یان جیهان دەبێت بیرلەڕێگاچارەتربکاتەوەو لە بیابانەکانی خەیاڵ دەربچێت و هەنگاو بۆشۆڕش بنێت.

گەیشتنی نیزامی سەرمایەداری و مافیاگەری بەبەربەریرت ،لەئەمریکای باوکی نیزامی سەرمایەداری تادەگات بەدەسەڵاتی مافیاگەری بنەماڵەکانی کورد یەک شت دەگوزەرێت هەژاری و نەداری و نەبوونی ئازادی و دادپەروەری و هەمووپاساوەکانی ئەم نیزامە نامرۆڤانەیە دیموکراسیەت و گاڵتەجاری هەڵبژاردنی هەرچوارساڵ جاڕیکە بۆمانەوە بەردەوام بوونی چەوسانەوەکان ..لەکاتێک دائەو ڕاستیە دەمێکە سەلماوە دیموکراسیەتی سەرمایەداری و سیناریۆی گاڵتەجاری هەڵبژاردنی چوارساڵ جاڕیک و گۆڕینی ئەم دەمووچاو بە هاوشێوەکەی ،تەنها خۆشخەیاڵیەو هیچ لە بنەماکانی چەوساندنەوە بێ مافی نەبوونی ئازادیەکان ناگۆڕێت .

ژیان لەخەیاڵی چاکسازی ڕیفۆرمی ئابوری هیچ نی یە،جگە لەگەوجاندنی ئینسانەکان و وادارکردنیان بەوەی بەخەیاڵی ژیانێکی باشتر چاوەڕوان بن ،لەکاتێدا هەرگیز دەسەڵاتە مافیاگەریەکانی سەرمایەداری باوەڕیان بەماف و ئازادیەکانی ئینسانەکان نی یە و تەنها بەئومێدی ژیانێکی باشتر فریویان دەدەن و مانەوەی خۆیان مسۆگەردەکەن .
جەنگەکان هەڵدەگیرسێنن بەناوی مافی مرۆڤ و هەزاران ئینسان دەکەنە قوربانی کەڵەکەکردنی زیاتری سامان و فراوانکردنی دەسەڵاتیان ،ئەمەش بە خزمەت بەمرۆڤایەتی بەمرۆڤ دەفرۆشنەوە.ئەم ڕاستیە بۆ هەموو دەسەڵاتەکانی سەروئیرادەی خەڵک ڕاستە ،ئەوەتا لەژێرسایەی دەسەلاتی سەرانی مافیای هەردووبنەماڵەی بارزانی و تاڵەبانی دا ٢٨ساڵە خەڵکی کوردستان دەگەوجێنن بەناوی چاکسازی باشترکردنی ژیان ،لەکاتێک دا لەماوەی دەسەڵاتی مافیای و سەرکوتگەریان ملیارەها دۆلاریان لەسەرژیان و قوتی خەڵکی کوردستان کەڵەکەکردوەو هەرچوارساڵ جارێکیش لەڕێگەی گاڵتەجاڕی هەڵبژاردنەوە و بەهاوبەشی لەگەڵ تەواوی سەرانی مافیای کورددا شەرعیەت بەدەسەڵاتی هۆڤیانەیان دەدەن و خەڵکی کوردستانیشیان لە خەیاڵی باشبوونی ژیاندا ڕاگرتوە.

کاتی ئەوەیە خەڵک خۆیان ڕزگارکەن ،لەخەیاڵی چاکسازی و گۆڕانکاری لەژیانیان لەسەردەسەڵاتی مافیاگەری کوردی و هاوبەشەکانیان ،دەبێت خەڵکی کوردستان پەننا بۆ دەرچون لەخەیاڵ بەرن و کۆتایی بە نەهامەتیەکانیان بهێنن ،هیچ بوارێک بۆ خەیاڵی چاکسازی بوونی نی یە ،یان دەبێت ئەو دەسەڵاتە مافیاگەریە بەوشیوەیە قبووڵ بکەن و بەهەمووسوکایەتی و بێ مافیەکان ،یان دەبێت لەوەهم و خەیاڵی چاکسازی دەربچن و کۆتایی بەدەسەڵاتی مافیاگەری بهێن و بەماف و ئازادیەکانتان بگەن.

هۆڵەندا
٢٨/١/٢٠١٩

گوڵ لێرەیە لێرە سەمابکە … کارڵ مارکس

لەناوەڕاستی سەدەی نۆزدە ئەوروپا بەدەست پاپاو قەشەو لویس و قەیسەرو مەلیکەکانەوە نوقمی زەلکاوی گەندەڵی نەبوونی هەژاری وبرسێتی لەڕادەبەدەر بووەوە،سەرباری ئەوەی چەندین یاخی بوون و ناڕەزایەتی و شۆڕش ڕووی دابوو ،لەوێنەی شۆڕشی گەورەی فەڕەنسا، بەلام هەموو ئەوانەی ڕابووردوو نەیانتوانی بوو کۆتایی بەزوڵم و زۆری دەسەڵات داران بهێنن ،بەلکو زیندانەکان و ڕاوەدوونان زیاتر و زیاتری دەکرد.

ژیان و گوزەرانی خەڵکیش خراپترو خراپ تردەبوو،کۆشک وقەڵای دەسەڵات دارانیش قایمتروو پاسەوانیانی دەسەڵاتیش دڕتروهارتردەبوو بەرامبەر خەڵک و مافەکانیان.

خواستی دەسەڵات داران بۆ کەڵەکەکردنی سامان و دەسەڵاتی زیاتر لەسەرژیان و گوزەرانی هاوڵاتیان ڕۆژداوی ڕۆژ زیاتروزیاتر دەبوو .شتێک بوونی نەمابوو بەناوی مافی ئینسان ،بەمانایەکی تر بێنرخترین شت لای دەسەڵات داران ئینسان و ماف و کەرامەتیان بوو . ئەودۆخە خراپە لەڕادەبەدەرە هانی زیاتری هاوڵاتیانی دەدابۆ یاخی بوون کۆتایی هێنان بەوچەوساندوە بێ ئەندازەیەی لەسەریانەو ژیانێکی کولەمەرگی دەژیان .

ئەودۆخە ناهەموارە بووهۆکاری هەلگریسانی شۆڕشی ١٨٤٨ لەفەڕەنسا،هەرچەند ئامانجەکانی ئەوشۆڕشە کەمتر ڕووخانی دەسەڵاتی لویسەکان بوو درووشمەکانیان داوای ئازادی و یەکسانی وبرایەتی دەکرد،لەکاتێک دا هەرگیزبرایەتی لەنێوان پڕۆلیتاریا وسەرمایەداری دابوونی نی یە.

هەڵگیرسانی شۆڕشی ١٨٤٨چەندین هەنگاو بزووتنەوەی کرێکاری بردەپێشەوە و ئەوروپای ڕووپەڕووی تارمای کۆمۆنیزم کردەوە.بزووتنەوەناڕەزایەتیەکان فراوانتربوو چین و توێژەکان،جگەلەکرێکاران پەیوەست بوون بیروباوەڕی سوسیالستی و خۆئامادەکردن بۆ هەڵگیرسانی شۆڕشی سوسیالستی ،سەرئەنجام بەهەوڵ و تێکۆشانی ڕابەرانی بووتنەوەی مارکسیستی ،کەخودی مارکس و ئەنگلس ڕابەرایەتی ئەوبزووتنەوە شۆڕشگێرانەیەی چینی کرێکاریان دەکردبۆکۆتایی هێنان بەنیزامی چەوسێنەرانی سەرمایەداری ،لەڕێگەی نووسین و ڕوونکردنەوەی ئامانجەکانی شؤڕشی سوسیالستی بووە مامانی لەدایک بوونی کۆمۆنەی پاریس.ئەوشۆڕشەی سەرلەبەری یاساکۆنەکانی هەڵوەشاندنەوە یەکسانی و ئازادی و مافەکانی ژانان و سەرجەم چینەکانی سەپان و کردیە دەستوری کۆمۆنە.

ئەو٧٢ڕۆژەی کۆمۆنارەکان دەسەڵاتیان هەبوو هەموو مۆرکەکانی چەوساندنەوەیان لەسەرئینسان کان کۆتایی پێهێناو هەموو دەستورویاساکانی کۆنیان فڕێدایەناو زبڵدانی مێژووەو یاسای ئینسانیان بەبێ جیاوازی سەپاندو کردیانە دەستوری ژیانی کۆمەڵگا.
کۆمۆنە تەواوی دنیای سەرمایەدرای هێنایەلەرزەو هەرچی پادشاوقەیسەرولویسەکانی دنیابوو یەکیانگرت بۆ کۆتایی هێنان بەکۆمۆنەو ،توانیان شکست بەیەکەمین دەسەڵاتی کرێکاری بهێنن ،بەلام نەیانتوانی خواست و ئامانجەکانی کڕیکاران و هەژاران شکست پێبهێنن،بەڵکو بزووتنەوەی کرێکاری و سوسیالستی خستبوە سەرشاڕێگای خەباتی چینایەتی و فراوان بوون پەلهاویشتنی بۆتەواوی دنیاو دروست کردنی ڕێکخراوحیزبە سوسیالستیەکان و خۆئامادەکردنیان بۆشەڕی چینایەتی و کۆتایی هێنان بە تەواوی نابەرابەری و چەوساندنەوەکانی نیزامی سەرمایەداری .

دەسەڵاتی سەرمایەداری هەرگیزنەیتوانی ،وەک پێش کۆمۆنە کرێکاران فریوبدات و سەرکوتیان بکات بەڕیفۆرمی نیوەناچڵ،هاتنەمەیدانی کرێکاران ڕۆژداوی ڕۆژ بەروپێش دەچوو،لەبەشیک لەووڵاتانی ئەوروپا دەستکرا بەبەخشینی کەمێک داخوازی بەکرێکاران و ژانان و هەژاران ،ئەوکەمەڕیفۆرمەش نەیتوانی کرێکاران لەشؤڕش خوبکاتەوەو بەدوای نزیک بەپەنجاساڵ شۆڕشی ئۆکتۆبەر لەڕوسیاسەری هەڵداو جارێکی ترولەگۆشەیەکی تری ئەوروپا دڵی سەرمایەداری و قەیسەرەکان شەقاڕشەقاڕکراو ڕووخێنرا.

شۆڕشی ئۆکتۆبەرکاریگەری لەسەرتەواوی دنیای سەرمایەداری داناو،لەبەرپێشگرتن بە ڕوودانی شۆڕش لەووڵاتانی تری ئەوروپا دەستیان دایە ڕیفۆرم دابین کردنی لایەنی کەمی داخوازیەکانی کرێکاران و ژنان و هەژاران .

گەرچی شۆڕشی ئۆکتۆبەر بەهۆی هێرشی بەردەوامی نیزامی سەرمایەداری و دەسەڵاتە سەرمایەدارەکانی ئەوروپاوە نەی توانی تەواوی ئامانجەکانی بپێکێت و کۆمەڵگای سوسیالستی بنیادبنێت ،کۆتایی تەواوەتی بەنیزامی کاری بەکرێ بهێنێت ،لەگەڵ ئەوەی هەموویاساکۆنەکانی هەڵوەشاندەوە،بەلام نەیتوانی سوسیالیزم بنیاد بنێت ،بەناچاری لەبەشیک لەخواستەکان پاسەکشەی کردوو سەرمایەداری دەوڵەتی ژێرناوی سوسیالیزمی دامەزراند.
دیارەنامەوێت مێژووی شوڕشەکان و کەمووکوڕی و سەرکەوتن و شکستەکانی بگێڕمەوە لەم نووسینەدا،بەقەدەرئەوەی بیرهێنانەوەیەکی کورتی کاریگەری مارکیسزم لەسەرکۆی ڕاپەڕین و شؤڕشەکانی ئەوروپا بەتایبەت دوای بڵاوبوونەوەی مانیفێست ،لەلایەن مارکس و ئەنگلس ساڵی ١٨٤٧ ،هەتادەگات بەشۆڕشی خوێندکارانی ١٩٦٨ لەفەڕەنساو بڵاوبوونەوەی ئەوشۆڕشەبەتەواوی دنیا،کەئەویش هەرلەژێرکاریگەری بیری سوسیالستی دابوو .

گاریگەری فکری مارکسی ،لەسەرکۆی شۆڕش و ڕاپەڕینەکانی ئەوروپا ئەوڕاستیەی سەلماندووە ،کەهیچ شۆڕشێک بەبێ بوون و بەژداری کردنی کرێکاران ئەنجامێکی نابێت ،ئەوەی فەڕەنسای بەزیندووی هێشتوەتەوەو لەتەواوی ووڵاتانی ئەورپای جیاکردوەتەوەو بەزیندووی هێشتویەتەوە بوونی بززتنەوەی کرێکاری بەهیزەو بەردەوام لەهەوڵدایەبۆکۆتایی هێنان بەنیزامی چەوسێنەرانی سەرمایەداری .
بەدرێژایی زیاتر لەسەدەیەکە فەڕەنسابێ شۆڕش و ڕاپەڕین نەبوو ،هەرماوەی چەندساڵێک بزووتنەی کریکاری و هەژارەکان دێنەوە ناوشەقامەکان و دەیانەوێت کۆتایی بە نەهامەتی و نادادپەروەریەکانیان بهێنن .

نوێترین هاتنەوە شەقامی فەڕەنسیەکان یەلەگ زەردەکانن ،کەئێستاهەڵگری دروشم گەلێکی جۆراوجۆرن ،لەپێناو باشکردنی ژیان و کۆتایی هێنان بەسیاسەتی سەرمایەداری و لیبرالیزمە ،بەناوی سیاسەتی سک هەڵگوشین ،لەسەر حسابی گیان و ژیانی کرێکاران و هەژاران .داخوازی کەمکردنەوەی باجی سەرسوتەمەنی و بەرزکردنەوەی مووچەو دابەزاندنی ساڵی خانەنیشینی و پارێزگاری کردن لەمافی پەنابەران ودابین کردنی شوێنی نیشتەجێ بوون بۆهەمووان و دابین کردنی سوشیال بۆهەمووان ،بەشێکن لەداخوازیەکانی یەلەگ زەردەکان .

ئەم هاتنەمەیدانی کرێکاران و پەیوەست بوونی خوێنکاران و جوتیاران زەنگێکی نوێ یە بۆ گەڕانەوە و بووژاندنەوەی کۆمۆنە ،یان ئەمیش بەدەردی کۆمۆنەدەچێت و بۆمایەکی تریش شەقام بێدەنگ دەبێت .ڕووداوەکانی ڕۆژانی داهاتوو بڕیار دەدەن شۆڕشی یەلەگ زەردەکان بەرەو رێکخستنی هۆشیارانە دەبات ئامانجەکانیان دەگۆڕن بۆکۆتایی هێنان بەدەسەڵاتی سەرمایەدرای فەڕەنسی یان ،بۆماوەیەکی کاتی پاشەکشەدەکەن .

هۆڵەندا

دوای ئەزموون کردنی زیاترلە٢٧ساڵ دەست و پەنجەنەرم کردن ،لەگەڵ بزووتنەوەی کوردایەتی و سیناریۆگاڵتەجاڕیەکانی هەڵبژاردن حاڵ و گوزەرانی خەڵک خراپترو خراپ تربووە.بەدرێژایی زیاتر لەچارەکەسەدەیەک خەڵکی کوردستان هەنگاویان نەناوە بەرەو کۆتایی هێنان بەنەهامەتیەکانیان .
خۆشخەیاڵی و فریوو خواردن بە بەڵێنی درۆی ڕەنگاو ڕەنگ هەمووجارێک ناڕەزایەتیەکانی بەرەوشکست گۆڕیوەوهانایان بۆ جۆرێک لەبەدیل بردووەو ئاوات و ئامانجەکانیان پێوەهەڵواستی وە،بەبێ ئەوەی بیرکردنەوەیەکی لۆژیکی و عەقڵانی لەپشت هانابردن بۆ ئەو بەدیلەوەبێت .
لەدوای ڕووداوەکانی ئازاری ١٩٩١وە(مەبەست ئەوەی خەڵکی کوردستان پێ دەڵێن ڕاپەڕین) ئەوەی بەرەی ناڕازی و ڕاستەقینەی دژی دەسەڵاتی سەرانی مافیای کوردایەتی بەدەستەوە گرتبوو بزووتنەوەی چەپ و مارکسیستەکان بوو ،بەوپەڕی جدیەوە لەپشت داخوازیکانی خەڵکی کوردستانەوە ڕاوەستابوو پشتیوانی سەرسەختی داخوازی و داواکاریەکانیان بووڕابەری هەموو خۆپیشاندانەکان بوون بۆنان و کارو ئازادیو وەستانەوە دژی تیرۆری سیاسی و کوشتنی ڕۆژنامەنووس و تیرۆری ژنان و ڕاونانی چالاکانی سیاسی و هتد…

خۆپیشاندان و ناڕەزایەتیەکان شاهیدی دەورو نەخشی بزووتنەوەی چەپ و مارکسیستەکان بوو،لەئاڕاستەکردنی خەلکی کوردستان بۆ بەدەست هێنانی داخوازیەکانیان و کۆتایی هێنان بەنەهامەتیەکانی خەلکی کوردستان ،بەلام بۆچی ئەم بزووتنەوەیە سەمەرێکی نەبوو نەیتوانی کۆتایی بە نەهامەتیەکانی خەلکی کوردستان بهێنێت و دەسەڵاتی سەرانی مافیای کوردایەتی کۆتابکات ،لەسەر ژیانی خەلکی کوردستان و بەرەو پاشەکشە ببات ،لەچاو گەشەی سەرانی مافیای کوردو پانوپۆڕبوونی زیاتری دەسەڵاتیان و قوڵبوونەوەی زیاتری کێشەئابووری و سیای و کۆمەڵایەتیەکان.
بەچاوخشاندنێکی خێرابە سێ دەیەی ڕابووردووی خەبات و تێکۆشانی چەپ و مارکسیستەکان بەشێک لەو پاشەکشیەمان بۆ دەردەکەوێت ،کەبزووتنەوەی چەپ و مارکسیستەکان هەڵگری پەیامی ڕێفۆرم خوازی بوون ،نەک خۆئامادەکردن و هۆشیارکردنەوەی کۆمەڵگا بۆشۆڕش و وەرگرتنی دەسەڵات ،لەلایەن هیزی چینی کرێکارەوە ،کەکاری یەکەم و کۆتایی چەپ و مارکسیەکانە.

ئامادەنەکردنی کۆمەڵگا بۆشۆڕش و خواستارکردنی بەڕیفۆرم سەرەتای پاشەکشەی بزووتنەوەی چەپ و ناڕەزایەتیەکان بوو،ئەوەش بەشیکی لەکورت بینی دیدوبۆچوونمان و هەژاری فیکریمان لەبارەی تیۆرەکانی مارکسیزم بۆ شۆڕش دەگەڕێتەوە .
ئەوکاتەی شۆڕشی ١٨٤٨فەڕەنسا ئەنجام دەدرێت و هەوڵی چاکسازی دەدرێت مارکس و ئەنگلس بەساڵێک بەلەو شۆڕشە بەرنامەی سیاسی کرێکاریان بڵاوکردەوەو بەناوی مانیفێست و بانگەوازی کۆتایهێنانیان بەدەسەڵاتی سەرمایەداری فەڕەنساو جیهانیان ڕاگەیاند و خۆیان ئامادەکرد بۆ شۆڕشی کۆتایی هێنان ،نەک خۆشخەیاڵ بوون بەشۆڕشی ڕیفۆرمیستانە ،بۆیە کۆی بیروبۆچوون و تیئۆرەکانیان چڕدەکەنەوە بۆئەنجام دانی شۆڕش و کۆتایی هێنان بەدەسەڵاتی ئەوکاتی فەڕەنسا ،بەرئەنجامی ئەوتێکۆشانە شۆڕسی کۆمۆنەی بەرهەم هێناو ئەگەر بۆماوەیەکی کەمیش بێت توانی هێزی چینی کرێکار شۆڕشەکەی نیشانی دنیای سەرمایەداری بدات و بڵێت ئێمە خواستاری کۆتایی دەسەڵاتین ،نەک ریفۆرم .

ئێمەی چەپ و مارکسیتەکان لەگەڵ ئەوەی هیزی یەکەمی شەقام بووین ،بەلام زۆرشەرمن بووین لەهەڵگیرسانی شۆڕشی کۆمۆنیستی و وەرگرتنی دەسەڵات ،ئەوشەرمنیە هەمیشە بووە هۆکاری پاشەکشەی ئەوبزووتنەوە حەقخوازانەیەو جێگرتنەوەی بزووتنەوەی ناسیونالستی نیمچە ڕەخنەگر لەدەسەڵاتی کوردایەتی بەخاتری بەدەست هێنانی کورسی و پارە ،ئەوەش بەڕوونی لەخۆپیشاندانەکانی ١٧ی شوبات و ڕۆژانی دوایی دەرکەوت و ڕابەرایەتی ناڕەزایەتیەکانی شەقام بەلای ئەو هیزە ئیسلامی ناسیونالستانە دا کەوت و خۆیان کردە خاوەنی دەنگەناڕازیەکان و وادارکردنی دەنگەناڕازیەکان بە ڕیفۆرم ،جگەلەوەی کاری هەمەڕۆژەیان بۆ لەبیر بردنەوەی بیرۆکەی شۆڕش کەوتنە هەڵڕشتنی دژایەتی ئایدۆلۆژیا و بانگەشەی نائایدۆلۆژی بوونیان دەکرد.ئەم کارەشیان تەنهاو تەنها بۆ دژایەتی مارکسیزو شۆڕشی کۆمۆنیستی بوو .

کاری ئەو ڕەوتەناسیونالست و ئیسلامیانە تەنهاو تەنها خزمەتی بەمانەوەی دەسەڵاتی ناسیوناستی کوردوبەردەوام بوونی مافیاگەری سەرانی مافیاکورد کردوو ،خەڵکی کوردستانیشی لەخەباتی ڕاستەقینەو شۆڕش دوورخستەوەو هانی دان ،لەڕێگەی گاڵتەجاڕی هەڵبژاردنەوە بگەن بەمافەکانیان و هەرچوارساڵ جارێک دەیانبەنە سەرسندوقەکانی دەنگدان و دەسەڵاتی سەرانی مافیای کوردیان پێ قایمتردەکەن و ماف و ئازادیەکانی خەڵکی کوردستانیش بەرەوپاشەکشەی زیاتر دەبەن .

تائێستا پاشکۆکانی سەرانی مافیای کوردایەتی توانیویانە بەهۆی دژایەتی سەرسەختی بزووتنەوەی چەپ و مارکسیستەکان کۆمەڵگا دووربخەنەوە لەشارێگای ڕستەقینەی ڕزگاری خەڵکی کوردستان و دەستپێکردنی شۆڕشی کۆمۆنیستی .
ئێستا دوای سێ دەیە لەدەسەڵاتی هۆڤیانەی کوردایەتی و پاشکۆکانی و بەسەر بردنی چەندین ئەزموون ،لەگەڵ سیناریۆگاڵتەجاریەکانی هەڵبردن و ئومێدی گۆڕانکاری ژیان و گوزەرانی خەڵکی کوردستان ،خراپتربووە لەدوای ڕووداوەکانی ئازاری١٩٩١ ڕۆژدوای ڕۆژیش ئومێد بەگۆڕانکاری لەڕێگەی ڕیفۆرم و دیوەخانی کوردایەتی وە کاڵتر دەبێتەوە خەلکی کوردستان دەبێت بەشوێن بەدیلی شۆڕش گێرانەدا هەنگاوبنێن .

ڕەنگە ئێستا ئیتر کاتی هەنگاونانی چی کردنی جدی و شۆڕشگێرانەی چەپ و مارکسیتەکان بێت بۆئامادەکردنی خەلکی کوردستان بۆشۆڕشی چینایەتی و کۆتایی هێنان بەدەسەلاتی مافیای کوردایەتی .هەردواکەوتنێک لەخۆئامادەکردن بۆشۆڕشی کۆمۆنیستی کۆمەڵگا بەرەو وێران بوون داڕووخانی زیاتر دەبات .دەبێت چەپ و مارکسیستەکان دەست بەرداری باوەڕبوون بەڕیفۆرم بهێنن و هەنگاو بۆ هەڵگیرسانی شۆڕش بەرن و کۆمەڵگا بەڕێکخستن بکەن و شوراکانی کرێکاران سەربازان جوتیاران و شوراکانی چەکداری پێک بهێنن و خۆیان ئامادەبکەن بۆ شۆڕشی هۆتایی هێنانی دەسەڵاتی مافیاگەری کوردی .هەروەک مارکس و نەنگلس لەمانیفێستی کۆمۆنیست دا دەڵێن (باچینە چەوسێنەرەکان بەرامبەر بەشۆڕسی کۆمۆنیستی سەرتاپایان بێتە لەرزین ،لەم شۆڕشەدا کرێکاران هیچ لەدەست نادەن تەنها زینجیرەکانی دەستیان نەبێت بەلام جیهانیک بەدەست دەهێنن).

هۆڵەندا
٦/١١/٢٠١٨
سەروەرکەریم

ماوەیەکە کۆی حیزب و ڕێکخراوەکانی سەرانی مافیای کوردی بەدەسەڵات و خۆبەئۆپۆزیسیۆن زانەکانی یەوە ،کەوتوونەتەهاندانی خەڵکی کوردستان بۆبەژداریکردن،لەگاڵتەجاڕی هەڵبژردن ،ئەوەش والیکدەدەنەوەو بەخەڵکی کوردستانی دەفرۆشن ،کەبەژداری کردن ،لەوگاڵتەجاڕیەی سەرانی مافیای کورد ڕێگای گۆڕانکاریەو بەژداری نەکردن مانەوەی دۆخەکەیەوەک خۆی .

چەندگەمژەییە ،لەسایەی دەسەڵاتێکی مافیاگەریدا باوەڕبەوەبهێنیت دەتوانی ،لەڕێگەی گاڵتەجاڕی هەلبژاردنەوە گۆڕانکاری بکەیت .ئەزموونەکانی دنیا ئەوەیان سەلماندووە ،هیچ کات لەژێر دەسەڵاتی مافیاو دیکتاتۆرەکاندا ،لەڕێگەی گاڵتەجاڕی هەلبژاردنەوە گۆڕانکاری ،لەدەسەڵات دا ڕوونادات و هەمووکات سیناریۆی هەڵبژاردن بۆگەوجاندنی خەڵک و مانەوەی دەسەڵاتە.

ماوەی ٢٧ساڵە سەرانی مافیای هەردووبنەماڵەی بارزانی و تاڵەبانی ،سەرەتابەناوی شەرعیەتی شۆڕشگێری و دواتر سیناریۆی گاڵتەجاڕی هەڵبژاردن ،دەسەڵاتیان بەسەرخەڵکی کوردستاندا سەپاندووەو هەرچی ژیانی ئینسانی و ماف و ئازادیەکانی خەڵکی کوردستانە داگیریان کردووە و بەدڕندانەترین شێوە سەرکوتی هەردەنگێکی ناڕازیان کردووە،هەرکاتێکیش ڕەخنەیان لێگیرابێت ،باسی شەرعیەتی خۆیان کردووە ،لەڕێگەی هەڵبژاردن و دەنگ پێدانی هاوڵاتیانی کوردستانەوە .

بەمانایەکی تر هەرکاتێک خەڵکی کوردستان ناڕەزایەتیەکانیان بەرەوپێش بردبێت و بیریان ،لەڕێگاچارەی کۆتایی هێنان بەدەسەڵاتی مافیاگەری کوردی کردبێتەوە ،سەرانی مافیای کوردایەتی سیناریۆی گاڵتەجاڕی هەلبژاردنیان هێناوەتە پێشەوەو بانگەشەیان بۆ ڕای خەلک کردووە ،کەدەتوانیت کێشەکان یەک لایی بکاتەوە و کۆمەڵێک کەسی تریان بەناوی ڕێکخراو حیزبی نوێی درووست کردووە و هانیان داون ،تاخەڵک بەگاڵتەجاڕی هەلبژاردن فریوو بدەن ومانەوەی خۆیان مسۆگەربکەن .

ئەوەی ئێستا لەلایەن هەندک ڕێکخراو حیزبەوە بانگەشەی بۆدەکرێت و هاوڵاتیان هاندەدەن بۆبەژداری ،لەگاڵتەجاڕی هەڵبژراردن،جگەلەفریودانی خەڵکی کوردستان و ئاوکردنەئاشی سەرانی مافیای کوردایەتی هیچ شتێکی ترنی یە.
٢٧ ساڵە دیوەخانەکەی سەرانی مافیای کوردایەتی چی گۆڕیوە بەقازانجی خەڵکی کوردستان ،جگەلەوەی کاریان شەرعیەدان بووە بەدزی و تاڵانی و داوێن پیسیەکانی سەرانی مافیای کوردایەتی و،لەبەغدادیش ڕاوپارەوبەرژەوەندیەکانی بنەماڵەکانیان کردووە،نەک شتێکی دیکە.

هەرکاتێکیش دەنگی ناڕەزایەتیەکانی خەڵکی کوردستان بەرەو تەقینەوەو کۆتایی ‌هێنان بەدەسەلاتی هۆڤیانەی کوردایەتی هەنگاوی نابێت ،دیوەخانەکەیان بەکارهێناوە بۆ لەبەین بردنی ناڕەزایەتی و توڕەییەکانی خەڵکی کوردستان ،لەنموونەی داخستنی دیوەخانەکەو دروستکردنی کەشێکی نائارام ،بەوەی ناکۆکیان هەیە ،لەکاتێک دا ئەو داخستنە جگە لەسیناریۆیەکی سەرانی مافیای کوردایەتی بۆ مەژغوڵکردنی خەڵکی کوردستان و لەبیربردنەوەی کێشە بنەڕەتیەکانیان و دەرگیرکردنیان ،بەکێشەی لاوەکی دیوەخانەکەیان هیچی ترنەبووە.

کاتی ئەوەیە خەڵکی کوردستان هۆشیاربن و دەرسێکیان ،لەسیناریۆو مانۆڕەکانی سەرانی مافیای کوردایەتی وەرگرتبێت و چیتر بەسیناریۆی گاڵتەجاڕیەکانیان بەناوی هەڵبژاردنەوە فریوونەخۆن و خۆیان نەدەنە دەست قەدەری گاڵتەجاڕی هەلبژاردن بۆگۆڕانکاری .ئەوزوڕنایەی ئێستاکەوتوەتەکارو دەیەوێت والەخەڵکی کوردستان بکات ،کەبەژداری کردنیان ،لەهەڵبژاردنی عێراق چەسپاندنی مافە دەستوریەکانی خەڵکی کوردستانە و گێڕانەوەی مافەخوراوەکانیانە لەعێراق،وەک ئەوەی دەسەڵاتی عێراق هۆکاری بڕینی مووچەکانیان بێت و ئەم مافیایانە خۆیان هۆکارەکان نەبووبن.ئەوەی تاکەڕێگاچارەی خەڵکی کوردستان بۆکۆتایی هێنان بەدەسەڵاتی مافیای کوردایەتی ،تەنها هەڵبژاردنە ،جگە لەشەریکی دەسەڵاتی مافیای کوردایەتی وهەوڵی مانەوەی مافیاگەری هەردوو بنەماڵەی بارزانی و تاڵەبانی و شەریکەکانیان شتێکی ترنی .

٢٧ساڵ لەمێژووی دیوەخانەکەی سەرانی مافیای کوردایەتی ،لەکوردستان و زیاتر لەدەساڵیش لەعێراق نەیتوانەوە ،نانێک بەسفرەی خەڵکی کوردستان ببەخشێ ،بەرپرسێکی گەندەڵ و داوێن پیس بداتە دادگاو بکوژی ژنان و رۆژنامەنووسان ،لەڕێگەی دادگاوە بەسزابگەیەنێت ،ئیتر ئەودیوەخانانانە، جگە لەپاساوهێنانەوە بۆ دزی و گەندەڵی و داوێن پیسیەکانی دەسەڵات چی بڕیارێکی بەقازانجی خەڵکی کوردستان دەرکردووە.بۆیە دەبێت خەلکی کوردستان بەژداری هیچ گاڵتەجاڕیەکی هەلبژاردن نەکەن و بەهیچ بەڵێنێکی سەرانی مافیای کوردایەتی فریوون نەخۆن ،بەڵکو هەوڵبدەن ریزەکانی خۆیان رێک بخەن و هەوڵی کوتایی هێنان بەسەرانی مافیای کوردایەتی بدەن ،ئەوە تاکەڕێگای ڕزگاریە و کۆتایی هێنانە بە هەموو دەستدرێژی و بێ مافیەکان ،نەک سیناریۆی گاڵتەجاڕیی هەڵبژاردن ،کەپێش وەخت ئەنجامەکەی دیاری کراوە.

هۆڵەندا
١٢/٤/٢٠١٨

شەختەی ئەم زەمەنە هەناسەی بڕیووم ،
ئاشنانیم بەهیچ وێستگەیەل بم باتەوە بۆ ئەوەی .
زەبوونانە دەڕۆم بی هیچ کەناریک هەنگاو دەنێم !
بۆ کام سەرزەمین ؟
شەختەکانی دەریاو زەوی خار ،
یان لالەزاری بێ هودەو نائومێدەی .
دەمەوێت بگەڕیمەوە بۆ شاری دڵ ،
کوچەکانی بنوسمەوە ویادەوەریەکانیم بیر بێ تەوە .
ناجمەوە سەرژوانی ڕیشۆڵەکان و باخی هەموان ..
ئێستا هەموو تەرەبوون .
باخەوانەکانیش نازانن چی بکەن ،
هیچ گەنمێک سەرنجیان ڕاناکێشێ .
ئاخر ئەوانیش دەزانن شار ڕوخساری نەماوە ..
کوچەکانی شێواوە و دارتێلەکانی نابێتە جێ ژوانیان .،
بۆچی بۆێنەوە بۆنی مەرگی شاربکەن .
ئەوان ئەودەمانە دڵیان بەشار خۆش بوو ..
کەبۆنی هاتنی بەفریان دەکرد.
ئێستا هیچ نەماوە بیانگەڕینێتەوە بۆ ژوان ..
هیچ شەقامێک باسی هاتنی وەرزەکان ناکات ،
پایزخۆی پێچاوەتەوە و نایەتەوە،
هەموو وەرزەکان تازێ بارن و ،
نازانن ،لەگەڵ ڕیشۆڵە بین ؟
یان هەر بیریان لەهاتن نەکردوەتەوە بۆ مەرگستان .
ئەوان هاوڕی زەمهەریر بوون ،
تا منداڵانی تینوی قاقا دڵخۆش کەن .
ئەمێستا هاتنیان گریان دەبخشێتە ذلیان ،
نایەنەوە بۆ گریاندنی شەقام و شار .
کوچەیەک نەماوە بۆنی وەفای لێ بێت ،
هەموویان کڵۆم داوە بە گریان و ڕووخان .
ئیدی نایەمەوە بۆ ئازاری رووحم .
ئەم مەنفا وێرانەیە دەکەمە قەبرسانی ڕوحم و،
دوایین فرمێسکی بێ گەرانەوەم دەبەخشم.

هۆڵەندا
٤/٢/٢٠١٨

مردن دواین هەناسەی مرۆڤە نازانی ،لەکوێی زەمەندا بیسپێرێ ..من نازانم بۆدەبێت ئەم نامەیە بنوسم ..دەمەوێت بڕۆم بۆلای ناوکم ،یان هەستێکی سەیرە .دایم چاوەڕیم دەکات بەرلەسپاردنی دواین هەناسەی پێڵوەکانی هەڵبڕی و تەماشایەکم بکات بزانێت من هەر کۆمۆنیستەکەی جارانم ..یان پەشیمانم؟ ..ئاخر دایکم هەرگیزنەیزانیوە کۆمەنیزم چی یە ،یان بۆ نوێژدەکات .ئەو تەنها دەزانێت لەیەزدانی خۆی بپاڕێتەوە ئێمەباش بین ..ئەوە دڵی ئەوە .تەمەن سەبوری بێت بۆ ئازارەکانی ..
ئیتر دەبێت بوونی فیزیکی ئێمە کۆتابیت ،سەرەتایەکمان دەست پێکرد بۆ ژیانی ئینسانی نەگەیشتین ،ڕێگاکانمان تارومارکرد ،بەبرسێی هەژاری خەباتی بەردەوام ئازاردانی دلی هەمووان ..دایک باوک هاوڕێیان نەگەیشتین ..ئێمە هەلە نەبووین ،وەلی نەگەیشتین .
ئەم ژیانە زۆری پێناساندنی ،لەهەمووجۆرەکان ،لەبەد بەخت و سەرسەریەکان.بەدبەختەکانمان خۆش ویست وسەرسەریەکانمان بۆژیانی خۆیان ناسی ،بەڵام هیچمان نەکرد جگە لەخۆشەویستی ئەوان ..ژیانی هەموان بەد تر بوو کاسەی پریانمان خاڵی کرد،ئومێدیانمان بەبابرد ،بەدرۆکانی شۆڕش و ڕزگاری .دایکم زیاتر لەچارەکەسەدەیەک بەهیوای ژیانێکی شایستە بوو ،بەلام ئێستا بێ ئاوکارەبا و بێ نان چاوەکانی کزبوون ،جەستەی لاواز.نەک نەگەیشت بەوانە ..ئێستا پیروکەنەفت .

ئەودەمانەی خۆمان پێ شۆڕشگێڕبوو دەبووینە پاڵەوانی رۆمان و چیرۆکەکانی شۆڕشگێڕی و نواندنی جۆراو جۆرمان دەکرد ..واماندەزانی بەیانی کۆتایی بە نادادی دێت و هەمووان ،لەبەری خەونەکانی ئێمە دەخۆن و ستەم کۆتایی دێت ..ئەوانە تەنها خەونی پاڵەوانانەی دۆنکیشۆتی بوو،بە سمشێری دارینەوە بڕوامان وابوو کۆتایی بە نەهامەتیەکان دەهێنین .
زەمەن دەڕوات و ژیان بەدتردەبێت و هیچمان بەئاگا ناهاتینەوە ،کەئێمە جگەلە لەخۆبەپاڵەوانکردنێکی وەهمی دەست و پێ سپی خۆبەشۆڕشگێڕ هیچی ترمان بۆ ژیانی شایستەی ئینسانەکان دەست نەخست .بۆ هەموو شکستەکانیشمان دنیایەک درۆمان ڕێک دەخست و خۆمان بێ بەری دەکرد ،لەوەی کەئێمە جگە لەژیان ،لەناو وەهمی پاڵەوان و شۆڕشگێڕی دا هیچی تر نەبووین .

چەند بەدبەخت بووین ،کاتێک دایکمان دەیووت ڕۆڵە ئاخر ژیان پێویستی بەنان و ئاوکارەبا و خۆش گوزەرانی ڕۆژانەهەیە ،ئێمە پاڵەوان بەڵێنی بەهەشتی وەهمیمان پێدەدان و ،لەچاوەڕوانی بەگەیشت بەژیانێکی شایستە دا ڕاماندەگرت و ئەوانیش ڕۆژدوای ڕۆژ ،بەرەو پێری و هەڵوەرین دەڕۆیشتن و نەیانتوانی لەزەت ،لەیەک ڕۆژی شایستەی ئینسان وەرگرن و جەستەیان لاوازترو چاوەکانیا ن کزتر و ڕەنگیان زەردتر دەبوو.
ئێمەی پاڵەوان هەستمان بەو هەموو ئازەرە نەدەکرد و هەربەشوێن وەهمی شۆڕشەوە بووین ..ڕاستی ئەوە بوو ئێمە شۆڕشگێڕو پاڵەوانی هەربەناوو بووین ،بەژداری کردنمان لە کاری شؤڕشدا تەنها نمایش و خۆبەناوکردنی گەورەبوو..

نەمان توانی بە زیاتر لەچارەکەسەدەیەک بچوکترین گۆڕانکاری بەخواستی دایکەکانمان بکەین ،ئەوەی دەگۆڕا وەرزانە ژیانی دایكێک هەڵدەورەی و لەسەر نەخشەی بوون دەسڕایەوە ،بەبێ ئەوەی ڕۆژێک بگاتە ئەو وەهمەی ئێمە بۆمان دروستکردبوو.
بەدبەختی لەوەدا بوو هەموومان خۆمان دەشاردەوە ،لەحەقیقەت و هەمیشە بۆشاردنەوەی وەهمی شؤڕشگێڕیمان چیرۆکی پاڵەوانی ناوڕۆمانەکانمان بۆ دایکەکانمان دەگێڕایەوە فریومان دەدان بەڕزگاری و ئاسودەیی .هەرگیز جارێک نەمانتوانی بەدایکەکانمان بڵێن ئێمە جگە لە دروستکردنی وەهمێک لە خەیاڵدانی ئێوەدا ،هەرگیز ناتوانین ببینە پاڵەوانی ڕاستەقینەوە ژیانی ئاسودەو ئارام و شایستەتان بۆ دروست کەین .

ژیان بەردەوامەو درۆو وەهمی پاڵەوانەکانی بەناوشؤڕشگێر بەردەوامە ،هەرجارەی چیرۆکێکی درۆدەبەخشێتە دایکان و ناتوانێت بەڵێنی درۆینەی بەهەشتی ئاسودەیی و ژیانی شایستە بەدی بهێنن ،چونکە قەت دۆنکیشۆتی خاوەن شمشێری دارینە نابێتە پاڵەوان و کۆتایی بە نادادی بهێنێت و دایکەکان بەژیانی شایستەو ئاسودەیی شاد بکات.

هۆڵەندا

تێبینی :
ئەم نامەیە تەنها گوزارشتێکی سادەیە بۆ ڕوانینی پاڵەوانە سادەکانی ژیان ،کە چەکی دەستیان بۆ ئازادی دادپەروەری چەکی دەستیان تەنها شمشێرە دارینەکەی پاڵەوانی ڕومانی دۆنکیشۆتەی سێرڤانتسە.

لەم نووسینەدا هەوڵ دەدەین ،لەڕوانگەی مارکسیزمەوە قسە ،لەسەر دەوڵەت و دروسکردنی دەوڵەت بکەین ،کەلەئێستادا کۆمەڵگای کوردی زیاتر بەخۆیەوە سەرقاڵکردووەو ،هەموو بزووتنەوەسیاسیەکان قسەی لەبارەوە دەکەن و تیئۆرداتاشینی بۆ دەکەن و لەڕوانگەی پێگەو مەکانەی خۆیانەوە ڕوانگەی خۆیان بەیان دەکەن .
پرسیارە گرنگەکەئەوەیە خەلکی کوردستان بەشوێن چی جۆرە دەوڵەتێکەوەیە،یان دەوڵەت ئەو چوارچێوەیەیە ،کەماف و ئازادیەکانی خەڵکی کوردستانی تیا فەرهەم دەبێت ،یان دەوڵەت وەسیلەیەکە بەدەست چینەباڵاکان و دروسکردنی چوارچیوەیەکە بۆ مانەوەی دەسەڵاتی بۆرژوازی بەردەوام بوونی چەوساندنەوەی چینایەتی بەناوی ئاشتی کۆمەلایەتی .

لینین ،لەبەرامبەر ئەو جۆرە دیدە بۆ دروسکردنی دەوڵەت زۆر وورد شیکاری کردوەو ئەو ئامانجەی بۆرژوازی ڕوونکردوەتەوە ،کەبۆژوازی ئامانجی لەدروسکردنی دەوڵەت چی یەو ،بۆ دەیەوێت لەژێر پەرچەمی دەوڵەت دا درێژە بە چەوساندنەوەی چینایەتی بدات و بەردەوامی بدات ،بەدەسەڵاتی ستمگەری خۆی و دابین کردنی مانەوەی لەژێرناوی دەوڵەت و ئاشتی کۆمەڵایەتی و لەوبارەیەوە دەڵێت(تێکۆشان لەپێناوی ڕزگاری جەماوەری زەحمەتکێش لەژێرکاریگەری بۆرژوازی بەشێوەیەکی گشتی و بۆرژوازی ئیمپریالستی بەشێوەیەکی تایبەتی.بەبێ تێکۆشان لەدژی خورافەی ئیمپریالستی سەبارەت بەدەوڵەت مەحاڵە).

تیڕوانینی ئیمپریالستی و بۆرژوازی ناسیونالستی بۆ دروستکردنی دەوڵە ،جگە لەفریودانی خەڵک و خۆشباوەڕکردنیان بەوەی هۆکاری جەوساندنەوەیان نەبوونی دەوڵەتە ،لەکاتێک دا دەوڵەت چوارچیوەیەکە بۆپاراستین و مانەوەی دەسەلاتی بۆرژوازی قەومی و هیچ شتێک بە کریکاران و مافەکانیان نابەخشێت ،جگە لە کۆیلەبوونی زیاتر و مانەوەی زنجیرەکانی چەوساندنەوە.
بیریارانی مارکسیزم زۆر بەڕوونی قسەیان لەبارەی دەوڵەتی قەومی کردوەو ،بەڕۆشنی مەهامی دەوڵەتێک ،کەبۆرژوازی قەومی ئیمپریازم مەبەستیانە ڕوونکردوەتەوە،کەمەهامی کرێکاران چی یە لەبەرامبەر هاتوهاواری بۆرژوازی بۆدروسکردنی دەوڵەتی قەومی چی یە .

مارکس و ئەنگلس و بڕوایان وایە دەوڵەت ئورگانی باڵای دەسەلاتی چینایەتیە وئۆرگانی چەوساندنەوەی چینێکە بەسەر چینێکی ترەوە،بۆ بەدیهێنانی نیزامێک ،کەبەریەکەوتنە چینایەتیەکان خاودەکاتەوە،ئەم چەوساندنەوەیە بە یاسا ئەسڕێتەوە و جێگیری ئەکات.بەبۆچوونی سیاسەتمەدارانی ووردەبۆرژوازی ،نیزام بەتەواوی ماناکەی یانی،ئاشتی نێوان چینەکان .
بوونی دەوڵەت ،پارێزەری نیزامی چینایەتی یەو ،بەردەوام دەسەڵاتی بۆرژوازی بەرگری لەمانەوەی خۆیی و بەردەوام بوونی دەسەڵاتی سەرو خەڵک دەکات ،بۆ ئەم بەبەستەش چەندین دامو دەزگای سەرکوتگەری دروسکردوە،پۆلیس و ئاسایش و دەزگا ئیستیخبارایتەکان ،کەکاریان چاودێری کردنی تەواوی تاکەکانی کۆمەڵگاو هەموو دەنگە ناڕازیەکان ،بەو نیزامەی سەرو خەلک ،جگە لەبوونی هێزی چەکدارو زیندان .

بۆیە دەوڵەت هیچ کاتێک ،لەخزمەتی چینی کرێکارو زەحمەتکێش دا نەبوەو نابێت ،ئەوانەی دەوڵەت وەک ئەفسانەی خۆشگوزەرانی بەخەڵک دەناسێنن ،بۆرژاوزی و ووردە بۆرژوازی و نووسەران و تیئۆریسۆنانی سەربەو ڕەوتەن ،کەبەردەوام کاریان بۆ دامەزارندی دەسەڵاتی سەروخەڵک و بەدەست هێنانی ئیمتیازی زیاترە.

لەڕوانگەی ئەو چەند دێڕەوە قسەیەکیش ،لەسەر گاڵتەجاری بۆرژوازی کوردو مەسەلەی دەوڵەت و رێفراندۆمی گاڵەتەجاری بۆرژوا ناسیونالیزمی کوردەکەین و متەوەهم بوونی بەشێک لەکۆمۆنیستەکان و خۆشخەیاڵیان بەو
ئەوەی سەرانی مافیای کوردایەتی بانگەشەی بۆ دەکەن جگە لەبەرژەوەندی مانەوەی خۆیان باڵادەستی سەپاندن بەسەر کۆمەڵگادا و بەردەوام بوونی لغاوکردنی تاکەکانی کۆمەڵگا شتێکی تر نی یە .ئیدیعاکەرانی دەوڵەت ،هەمیشە واپیناسەی ژیان و گوزەران و نەبوونی پێداویستیەکان دەکەن ،کەئەمە لەنەبوونی دەوڵەتەوەیە ،لەکاتێک دا دروست پێچەوانەکەی راستە ،چونکە دەوڵەتی بۆرژوازی ئامانجی سەرکوتی کۆمەڵگاو ئینسانەکانی یەتی و بۆ ئەو مەبەستەش چەندین دامەزراوەی سەرکوتگەری دروستکردوە ،کەتەنها کاریان پاراستنی ئەو دەسەڵاتی دەوڵەتە سەرکوتگەرەیە ،هەڵبەت ئەوە بۆ تەواوی دەوڵەتە بۆرژوازی و سەروخەڵکیەکان ڕاستە ،لەباتی ئینسانەکان و ماف و ئازادیەکانیان موقەدەس بێت ،دەسەڵات و سەرکردەکانی دەسەڵات و دەوڵەت موقەدەس دەبن و هیچ هێزێک نابێت دژی کردەوە هۆڤیەکانیان بوەستێت ،چونکە خودبەخود دەبێتە دژی پیرۆزیەکانی دەوڵەت و سەرکردەکانی ،بۆیە لەباشترین حاڵەتی دا دەوڵەت بۆ لغاوکردنی دەنگە ناڕەزایەتیەکان و پارێزگاری کردنە ،لەدەسەڵاتی سەروخەڵک .

لینین لەوبارەیەوە بەهێنانەوەی قسەکانی ئەنگلس زۆر دروست باسی دەوڵەتی بۆرژوازی دەکات ،کەئامانجی ئەو دەوڵەتە تەنها بۆلغاوکردنی خەڵکە و دەڵێت (دەوڵەت بەهێزترین چینی باڵادەستی ئابورییە ،کەبەهۆی دەوڵەتەوە،دەبێتە خاوەنی دەسەڵاتی سیاسیش و لەم ڕێگەیەوە هۆگەلی نوێ بۆسەرکوت ووەبەرهێنانی چینی ستەمکێش بەدەست دەهێنی).
دەوڵەت پەرچەمێکی شەرعیە بۆ بەردەوام بوونی چەوساندنەوەو سەرکوتکردنی چینی کرێکارو قوڵکردنەوەی زیاتری هەژاری و نەداری بۆ زۆرینەی کۆمەڵگاو ،دابین کردنی ژیانی شاهانە بۆ دەوڵەت مەداران .

ئەوەی سەرانی مافیای کوردایەتی ئێستا لەژێر پەرچەمی گاڵتەجاری رێفراندۆم و مژدەی دەوڵەت سەربەخۆ ڕمڵی بۆ لێدەدەن ،جگە لەوەی لەهەموو ئاستەکاندا دووچاری شکستی سیاسی و مۆڕاڵی بوون و ٢٦ساڵە خەریکی دزی و تاڵانی وپێشێل کردنی مافەکانی خەڵکی کوردستانن و هەموو ئەمەشیان لەژێر پەردەی نەبوونی دەوڵەتی سەربەخۆ شاردوەتەوە.ئێستا کە تەواوی سیناریۆکانیان ئاشکراو ڕوونە ئیتر جارێکی تر بایانداوەتەوە بەڵای گاڵتەجاری ریفراندۆم و دەوڵەتی سەربەخۆ ،کەتەنهاو تەنها مەبەست مانەوەی خۆیان و بەردەوام بوونی دزی و گەندەڵی و تاڵانیەکانیان .ئەگەرنا ئەم دەسەڵاتە مافیایەی سەرانی بۆرژوازی کوردی ٢٦ ساڵە حاکمی موتڵەقن و خاوەنی هەموو ئەو دەزگا سەرکوتکەرانی دەوڵەتانن و بەهەمان شێوەی دەوڵەتە ناسیونالستەکان سەرکوتی ئازادیان کردوەو تیرۆریان کردوەو ،یاسایان ،لەپێناوی مانەوەی خۆیان بەکارهێناوە ،جگەلەوەی خاوەنی دیوەخان (پەڕلەمان) وحکومەت و دەزگاکانی ئاسایش و پۆلیس و هەوالگری و جەیش بوون ،جگە لەفرۆشتنی نەوت و سەندنی باج و خەراج …هتد.

ئیتر دەوڵەتی بۆرژوازیش هەرئەوەی هەیە کەئامەنە هەیانەوە،ئیتر دەبێت بانگەشەی دروسکردنی دەوڵەت و گاڵتەجاڕی ئەو گاڵتەجاڕیەی سەرانی مافیای کوردایەتی دەستیان داوەتی و رمڵی بۆ لێدەدەن ،بەشێک لەکۆمۆنیستەکانیشیان متەوەهم کردوە بەوەی ئەمانەدەوڵەت دروست دەکەن و ستەمی میللی کۆتایی پێدەهێنێت .
هەڵبەت داخڵ بوونی کۆمۆنیستەکان بەپڕۆسەی گاڵتەجاڕی سەرانی مافیای کوردایەتی و خەونی بەدەوڵەت بوونی ئەم دەسەڵات مافیاگەریە ،جگە لە تێنەگەیشت لەدیدی مارکس و مارکسیزم هیچی تر نی یە .
دەبێت ئەوش بلین لەکوێ دا مارکس پشتیوانی لەدەوڵەتی بۆرژازی کردوەو ،تابەشێک لەکۆمۆنیستەکان بچنە ژێر ئەو تەرحەی سەرانی مافیای کوردایەتی و خۆش باوەربن بەگالتەجاڕی رێفراندۆمی سەرانی مافیای کوردایەتی و ئارگۆمێنتێکی مارکسیمان بۆبکەن بەبەڵگەی ڕاستی ئەو هەڵوێستەیان .
هوڵەندا
٢٧/٧/٢٠١٧
تێبینێ :بۆنوسینی ئەم ووتارە سودم لە کتێبی دەوڵەت و شۆڕش لینین وەرگرتوە .وەرگێڕانی بۆکوردی سالار ڕەشید
ئەوانەی ناوکەوانەکان قسەی لینینە

گوڵی خاش خاش زیاد بڕوێنن
تاهەموومان مەست بین.
ئەم زەمەنە هەمووی نائومێدی یە؟
لەم سەری شەقام ،تاکۆتایی و بە هەڵگەڕاوەیش
تەژیە بە ئازاری روح.
هەموو گەڕانەکان بێ هەڵوەدایە!
بستێک باخچە نابینین هەناسەی گوڵی لێ بێت
هیچ بارانێک نامانشواتەوە..
زەمەنی بارینی ئاونگ بەسەرچوک..
هیچ ڕەنگێک بۆنی ژیانی لێ نایە.
ئەستەمە نیگای زنار بکەین ،
کەچاوانمان هەمیشە تەڵخ و تاریکە.
هەموو ڕێگاکانمان بزرکردووە،
ناگەینەوە بەئاستانەی خەون.
هەموو کۆلکە هاوبەشەکان جیابوونەوە
ماتماتیکی ژیانمان بۆ تەفسیرناکرێ .
دەمێکە فیزیای ژیان ئیدمانی مەی بووە،
شیکاری هیچ گەردیلەیەکمان پێی ناکرێ.
ئەندێشەمان تەژیە بەبیری مەستبوون .
هیچ بۆنێک ناناسین مادەی هۆشبەر نەبێت .
خوێنمان خڕۆکەکانی بوون بە تلیاک و مەی!
کاسبووین وبێ مروەت هەنگاو دەنێین.
هەموو ڕیگاکان دەمانبەنەوە باخی گوڵە خاش خاشەکان.
ناوی هەموو جۆرەکانی مەستیمان ئەزبەرکردوە..
بەس نازانین چۆن بگەڕینەوە ماڵی ناخمان .
لەم زەمەنی داڕووخانی بوونەدا
چاوەڕوانی هاتنی هیچ بۆن و ڕەنگێک ناکەین .
رووحمان تەژی بکات بەئومێد.

هۆڵەندا
٢٠/١/٢٠١٧

هەمووخەڵکی کوردستان ئەوەیان لەبیرماوە کاتێک خۆپیشاندانی ١٧ی شوبات و ڕۆژانی دوایی بڕستی ،لەمەسعودی مافیابڕی بوو ،شەوان خەولەچاوانی تۆرابوو ،چاوەڕوانی کەوتنی خۆی دەکرد ،هێزە پاشکۆکانی بەوەکالەت کەوتنە سەرکوتی خۆپیشاندەران و دڵیان دایەوە و ،لەکەوتن و دادگای خەڵکی کوردستان ڕزگاریان کرد .
هێزە پاشکۆکانی گەرەمافیا بەپلەی یەکەم بنەماڵەی مافیای تاڵەبانی و بەدوای ئەویشدا چەند حیزبۆکەیەک ،کەدووکانی سیاسیان داناوەو ،لەسەرگیرفان و قوتی خەڵکی کوردستان خەریکی بازرگانی و خۆدەوڵەمەندکردنن .کاتێک گەورەمافیا بۆی ئاشکرابوو ،کەئەمجارەش لە ڕووخان بەسزاگەیاندن ڕزگاری بوو ،کەوتە درۆکردن و گەوجاندنی خەڵکی کوردستان بەناوی دەوڵەتی کوردی و سەربەخۆیی کوردستان ،ئەوەش بەڕاگەیاندنی پەیامێک لەبەهاری ٢٠١١،گوایە ئەو خائینە بەماف و ئازادیەکانی خەڵکی کوردستان دەوڵەت ڕادەگەیەنێت و میدیاکانیش بۆ لابردنی فۆکس لەسەر روومالی خۆپیشاندانەکان ،کەوتنەبەشان و باڵ هەڵدانی گەورەمافیاو لەبیربردنەوەی داخوازیەکانی خەڵک و بەسزاگەیاندنی تاوانبارانی ١٧ی شوبات و ڕۆژانی دوایی .
کاتێک ئەو درۆوهەرایەی ڕاگەیاندن ،بۆ کۆتایی هێنان بەخۆپیشاندانەکان سەمەرێکی بەگەورەمافیا مەسعود بەرزانی نەدا،شەریک و هاوڕێ هەمیشەییەکەی ،مافیا جەلال تاڵەبانی هێزی گاردی کوماری هێنا بۆسەرکوتی مەیدانەکانی ئازادی ،لەشارو شارۆچکەکان و ترس و بیمی مەسعودی شەریک و هاوڕێ لەڕووخان و دادگایی کردن ڕەواندەوە ،هەڵبەت ئەوهەنگاوی تاڵەبانی مافیا ،چەند لەبەر مەسعودی مافیا بوو ئەوەندەش لەبەر مانەوەی خۆی و دەسەڵاتە تیرۆریستیە هاوبەشەکەیان بوو.
لەداوی ١٧ی شوباتەوەو هەمووساڵێک مەسعودی مافیا دێتە سەر تەلەفیزیۆن و بە درۆی دەوڵەتی کوردی خەڵکی کوردستان فریوو دەدات و خۆیی و بنەمالە کەی خەریکی بەتاڵانبردنی سەرزەمین و ژێرزەمینی کوردستانن .
ساڵ دوای ساڵ سامانی هەدووبنەمالەی مافیای کوردوشەریک هاوکارەکانیان زیاترو زیاتر دەبێت و ژیان و گوزەرانی خەلکی کوردستانیش بەرەوخراپتر دەچێت ،تائەو ئاستەی لەساڵی ٢٠١٤ وە خەلکی کوردستانیان دووچاری نەهامەتی یەکی گەورەکردوەو خەڵکی کوردستان موحتاجی نانی ڕۆژانەبوون .
سەرانی مافیای بزووتنەوەی کوردایەتی بەهەمووباڵەکانیانەوە بۆئەوەی فۆکس لەسەر دزی و تاڵانی وکارە تیرۆرستیەکانیان لابەرن رێگا خۆشکەربوون بۆهاتنی داعش و داگیرکردنی شەنگال و مەخمورو چەند شوێنێکی ترو بە جینۆسایدانی یەزیدیەکان .دەبێت ئەوەشمان بیر نەچیت کاتێك تیرۆرستانی داعش موسڵیان داگیرکرد .گەورەمافیا مەسعود ڕایگەیان بۆئێمە جیاوازنی یە مالکی دراوسێمان بێت ،یان داعش ،چونکە خەریکی بازرگانی بوون لەگەڵ ئەوهێزە تیرۆرستە لەسەرحسابی خەلکی کوردستان .
کاتێکیش هیزەکانی سەربەمەسعودی مافیا ،لەڕێکەوتنێکی تورکیا قەتەر سعودیەو مەسعودا شەنگالیان تەسلیم بەتیرۆستانی داعش کرد ،نەک مەسعودی مافیای بۆی گرنگ نەبوو ،کەهەزارن ژن و کچی یەزیدی کرانە کەنیزەک و جاریەو لەبازاڕەکاندا کرێنی فرۆشتنیان پێوە دەکرا ،بەلکو لەجیاتی سزای هیزە هەڵهاتوەکەی بدات خەڵاتی کردن .هەڵبەت هیزەکانی تریش تاوانبارن بەرامبەر بە جینۆسایدی یەزیدیەکان ،چونکە ئەوانیش بێدەنگ بوون و شوێن فەرمانەکانی مەسعودی مافیاکەوتن و پاساویان بۆ دەهێنایەوە .
لایەنێکی تری بەردەوام بوونی دەسەڵاتی مافیایانەی بنەماڵەی بارزانی دەگەڕێتەوە بۆبێدەنگی خەڵکی کوردستان بەرامبەر بەهەمووتاوانەکانی ئەوبنەماڵەیەو نەهاتنە دەنگیان ،لەسەر ماف و ئازادیەکانیان ڕێگا خۆشکەری جدی بوو بۆئەوەی ئەو بنەماڵەمافیایە بێ باکانە پەلاماری هەردەنگ وڕەنگێک بدات ،کەدژی ئەو بنەماڵەیەو تاوانەکانی بێت .بەدیوێکی تریش دا تەواوی بەناو حیزبەکانی بزووتنەوەی کوردایەتی شەریک و هاوکاری گەورەمافیاو بنەماڵەکەی بوون تاتەواوی تاوانەکانی بۆ پەردەپۆش بکەن ،بەناو یەکڕیزی خەڵکی کوردستان ..تائێستاش روون نی یە بۆ خەڵکی کوردستان ئەم شەریکانەی بنەماڵەی مافیای بارزانی مەبەستینا چی یە لەیەکڕیزی خەڵکی کوردستان ،خۆمەعلومە خەڵکی کوردستان یەکڕیزن بەرامبەر بە پێشێلکردنی مافەکانیان ،بەلام ئەویەکڕیزیەی شەریکە دزەکان و تیرۆریستەکانی بنەماڵەی مافیای بارزانی باسی دەکەن یەکڕیزی و شەراکەتی خۆیانە دژبەهەموو خەڵکی کوردستان و مانەوەی خۆیان و دزی و تاڵانی و داوێن پیسیەکانیان .
هەربۆیە هەرکاتێک دەنگی ناڕەزایەتی یەکانی خەڵکی کوردستان چڕدەبێتەوەو بەرەو گۆڕانکاری کۆتایی هێنان بە دەسەڵاتی مافیاگەری هەنگاو دەنێت ،تەواوی حیزبەمافیاکانی بزووتنەوەی کوردایەتی سیناریۆیەک دەخوڵقێنن و والەخەڵکی کوردستان دەگەیەنن ،کەئەوان کێشەیان لەگەڵ بنەماڵەی مافیای بارزانی هەیە لەسەر مافەکانی خەڵکی کوردستان و ئیتر حەملەی ڕاگەیاندن دەست پێدەکەن و هەرخۆشیان بەناوی خەڵکی کوردستان و داوای هێرشی ڕاگەیانن و کۆبوونەوە دانیشتن دەکەن و دەیانەوێت بسازێن و دەکەونە کۆبوونەوەی چەندقۆڵی و هەریەکەیان لەئاوازێک دەخوێنن و ماوەک خەڵکی کوردستانی پێ فریوو دەدەن بەناوی کۆبوونەوە ،دواتر دەڵێن بنەماڵەی مافیای بەرزانی ئامادەنی یە تەنازول لە هیچ شتێک بکات .لەکاتێک دا داواکاری ئەو حیزبانە هیچ پەیوەندی بەماف و ئازادیەکانی خەڵکی کوردستانەوە نەبووەو نی یە ،شەڕیانە لەسەر بەشەکانیان .
نوکتەی کاراکردنەوەی دیوەخانەکەی سەرانی مافیای کوردو ئەفسانەی مافەکانی خەڵک و نەبوونی مووچەو بەستنەوەی بەپەکخستنی دیوەخانەکەیان ،وەک ئەوەی ئەوکاتەی دیوەخانەکەیان لەکاردابوو داکۆکی کاری مافەکانی خەڵکی کوردستان و بکوژانی خۆپیشاندانەکانی ماوەی دەسەڵاتی سەرانی مافیای کوردو خۆپیشاندەرانی ١٧ی شوبات و ڕۆژانی دوایی و بکوژانی رۆژنامەنوسانیان بەدادگا گەیاندبی ،یان ئەوانەی شەنگالیان تەسلیم بەداعش کردو هەزاران کچ و ژنی یەزیدیان دایە دەست دڕندەکانی داعش و ئەوانیش دەستدرێژیان کردەسەریان و کردیاننە کۆیلەو لەبازاڕەکانی رەقەو سعودیەو تورکیا کڕین و فۆشتنیان پێوەدەکرێت ،یان داهاتی دزراوی نەوتیان گێڕایەوە دزەکانیان سزادا .جگەلە وسیناریۆیانە شەڕی ڕزگارکردنی موسڵ وبەرزکردنەوەی کێرڤی گەورەمافیاو هاوکارەکانی بەوەی ئەوان خاوەنی حیکمەتی سەرکردایەتی کردنی ڕزگارکردنی شاری موسڵن و سەرپەرشتی گشتی ئەو پڕۆسەیەدەکات ،لەکاتێکدا زۆر بەڕوونی ئەمریکا و عێراقیش ئەوەیان ڕاگەیاند ،ئەوەی سەرپەرشتی ڕزگارکردنی موسڵ دەکات عەبادیە ،نەک مەسعودی مافیا .ئەوەی زوڕناژەنەکانی بنەماڵەی مافیای بەرزانی ،لەڕێگەی ڕاگەیاندنەکانەوە بەخەڵکی کوردستانی دەفرۆشن و دەیانەوێت وانیشانی بدەن ،کە هەموو شتێک بەخواستی سەرۆکە ئێکسپایەرەکەیان دەڕوات ،جگەلەگەوجاندن و لەبیربردنەوەی نەبوونی مووچەو ئەوکارەساتە ئابوریەی ئەو بنەماڵەمافیایە بەسەرخەڵکی کوردستانیاندا هێناوە هیچی ترنی .
ڕوون و ئاشکرایە ئەو بنەماڵەیە بەدرێژایی مێژوویان ،نەخەباتکاربوون و نەئامانجیان خزمەتکردن بووە بەخەڵکی کوردستان ،ئەوبنەماڵەیە هەمیشە ،لەسەر نەهامەتیەکانی خەڵکی کوردستان خەریکی بازرگانی دزی بوون بۆبەرژەوەندی خۆیان و بنەماڵەکانیان ،بەشداری کردنی دووربەدوور لەشەڕی مووسڵ و سازاندنی زوڕنایەکی ڕاگەیاندن ،بۆ ئەوەیە پەردەپۆشی تەسلیم کردنی شەنگال لەبیری خەڵکی کوردستان بەرنەوەو بشتوانن دەست بەسەر ئەوبەڵگانەدابگرن ،کەپەیوەندی بە هاوکاری ئەو بنەماڵەیەوە هەیە بۆ تیرۆرستانی داعش .
بۆیە هەموو ئەو قسەکردنانە جگە لەسیناریۆکانی سەرانی مافیای بزووتنەوەی کوردایەتی گەمژاندنی خەلکی کوردستان و دوورخستنەوەیان لە کۆتایی هێنان بەدەسەلاتی سەرانی مافیای ڕەنگاوڕەنگی کوردستان هیچی ترنی یەو خۆبەستنەوە بە کێشەی سەرانی بزووتنەوەی کوردایەتی ئاسۆئامانجەکانی خەڵک کوردستان بۆگەیشتن بەماف و ئازادیەکان زیاتر دووردەکەوێتەوە و برسیکردن و ناهەمواریەکانی ژیان و چڕبوونەوەی دیکتاتۆریەت بەرەولوتکە هەنگاودەنێت .
ئەوەی خەڵکی کوردستان دەبێت کاری بۆبکەن خۆپیشاندانی بەئاشتیانەنی یە ،بەلکو هەنگاو نانە بۆ خۆڕێکخستن و دروسکردنی هێزی سەربەخۆ بۆ شۆڕش و گۆڕینی تەواوی سیستمی ٢٥سالەی سەرانی مافیای بزووتنەوەی کوردایەتی .خۆپیشاندانی ئاشتیانە هیچ ناگۆڕێت ،چونکە ئەو دەسەڵاتە مافیاگەریەی بەهیزی چەک خۆی سەپاندوە هیچ باوەڕی بەئاشتی نی یە و،لەبۆسەدایە بۆ هەرهێزێک کە دژیان بێت ،بۆیە خەڵکی کوردستانیش دەبێت بەهێزی ڕێکخراوی خۆی ڕووبەڕوویان ببێتەوە .
هەروەک گیڤارا دەڵێت من ناچمە خۆپیشاندانێک ئەو بەچەک ڕووبەرووم بێتەوە ومنیش بەبێ دەسەڵاتی دانیشم .بۆیە کاتی ئەوەیە خەڵکی کوردستان بەهەمان شێوەی سەرانی مافیای بزووتنەوەی کوردایەتی وەڵامیان بداتەوە.

هۆڵەندا

دەبێت خەلکی کوردستان لەمانای توڕەیی تێبگات و چەمکی ئاشتی لەشوێنی خۆی دابنێت،خۆپیشاندانی ئاشتیانە مانای چی؟ خۆپیشاندان مانای ناڕەزایەتی بەنیزامی مەوجود کاتێک باسی خۆپیشاندانی ئاشتیانە دەکەن ،بەمانای سولح دێت ئەوەش خۆپیشاندان نی یە ..بەڵکو شتێکی ترە هەرناوێکی لێدەنێن ، کاتێک دەڵێن دەبێت خۆپیشاندانێکی زۆر بێدەنگ و ئاشتیانە بەڕێ بخەین ،چونکە نابیت بەرپرسەکان دووچاری دڵگرانی بکەین ..دەبێت پێیان بڵێن هەر بەئاشتی ئێوە داهاتی خەڵکی کوردستان بدزن و تیرۆری دەنگەناڕازیەکان بکەن و ئێمەش بەمەعالی جەنابتان بەئاشتی دەڵێین ،ئاخر قوربان نابێت توڕەببن خۆئێمە هەر بەئاشتی دەڵێن وامەکەن ئاخر خەڵکی کوردستان گوناحن ،ئاویان نی یە ،کارەبایان نی یە ،موچەیان نی یە
،ئازادیان نی یە ،ئاخر مەرحەمەتان هەبێت خەلک قبوڵیەتی ئێوە سەردارو سەرویان بن ،بەلام جارجارەو بەچەند مانگێک روبعە مووچەیەکیان بدەنێ و ئێوەش لەقومارخانەکانی ئەوروپا پارەی میللەت بدۆڕێنن ،قەینکا ئەوە گەورەی مەعالیتان دەبێت چاوێکتان لێمان بێت ،چونکە ئێمە هەموو داواکاریەکانمان بەئاشتی یە ،ئەگەر توڕەش بوون ،تەنها مەمان کوژن قەینا بمانگرن و حەسیرمەیدانمان بکەن ،چونکە ئێمەی بەئاشتی ،زۆر باش لە ئێوەی خاوەن هەست و شعور تێدەگەین. لەدوێنێ وە کەناڵەکانی بەحساب بەرەی پشتیوانی لەناڕەزایەتی یەکانی خەڵک خەریکی ئەو ماستاو کردنەن و دەیانەوێت خەڵکی کوردستان لێیان بپاڕیتەوە ،چەند گەمژەییە تۆ داوالەمافیا بکەیت مافت بداتێ و پێشی بڵێت بەئاشتی ،ئەوان لەسەر ووتارێک
تیرۆرت دەکەن ،ئینجا سەدان کەس بێتە سەرجادەو خەڵتانی خوێنی نەکەن ،ئەوان لەبۆسەدان بۆ ڕشتنی خوێنی خەڵکی کوردستان و خؤپیشاندانێکم پێ بڵێن سەرانی مافیای دزو چەتەی کوردایەتی خەڵتانی خوێنی نەکردبێت .ئیتر نازانم ئەو هەموو گاڵتەجاڕی و بەئاشتی یە چی یە.
هەر هاتنە سەرشەقام لەلای سەرانی مافیای بزووتنەوەی کوردایەتی هێڵی سورە ،ئەو دەسەڵاتەمافیا گەریە هیچ ئاشتی یەکی ،لەگەڵ خەڵکی کوردستان دا نی یە ،ئەوان خوێن خۆری خەڵکی کوردستانن و بەخوێن ڕشتن و تۆقاندن و تیرۆماونەتەوە ،ئەوان چی مانایەک لەئاشتی و ئازادی و ماف دەزانن .بۆیە هەرگیز چاوەڕی مەکەن ئەو دەسەڵاتە تیرۆریستەی کوردایەتی باوەڕێ بەداخوازی خەڵکی کوردستان هەبێت و هەرخۆپیشاندانیک بە هەوڵی رووخانی خۆی دەزاةیت و بەئاگرو ئاسن سەرکوتی دەکات ،بۆیە دەبێت خەڵکی کوردستان ئەو ڕاستیە بزانن ،کەسەرانی مافیای کوردایەتی تیرۆرستن و ووشەی ئاشتی لەلای ئەوان بوونی نی یە.بۆیر بەئاشتی دەىیتە ماستاو مەرایی بۆ سەرانی مافیای بزووتنەوەی ڕەنگاوڕەنگی کوردایەتی ..خۆپیشاندان نیشاندانی هێزە بۆگەیشتن بە ئامانجەکان کۆتایی هێنان بەنەهامەتیەکات ،کاتێک ئەوە پەرچەمی خۆپیشاندانەکان نەبێت .دووچاری گومان دەبین ،لەوەی ئامانجی ماف و ئازادی بێت بەقەدەرئەوەی دەچێتە خزمەتی سەرانی مافیای کوردایەتی و مانەوەیان.

هۆڵەندا