ڕایگرن تکایە ڕایگرن
ئەم خوێنەی ئێمە سەرچاوەکەی لەوێوە دێت
کە خەنجەرەکانی خۆمان
پشتی نیشتمانیان بریندار کرد
ئەم زامانە جێ شەلاقی دوژمن بوە و
دراوەتە دەست براکانمان
ڕایگرن تکایە ڕایگرن
ئەم ڕەشەبایە ڕەشەبایەکی شومە و
کە دێت چارۆکەی کەشتی نیشمان وێران دەکات
ڕایگرن چی دی
مەبنە دەستی دوژمن بۆ شیواندنی نیشتمان
مەبنە پەنجەی دوژمن بۆ سەر بەلەپیتکەی
ئەو تفەنگانەی ڕوو لە ئێمەن
مەبنە دوربینی ڕۆشنکردنەوەی نەخشەی داگیرکەران
ڕایگرن ….
لە مێژە ئێمە خاکمان تاڵان دەکرێت
وڵاتمان هەراج فرۆش دەکرێت
تورک و عەرەب و فارس
سێ دڕندەن جگە لە پیسکردنی خاکمان هیچی تر نین
مەبنە کارتی دەستیان
تکایە ڕایگرن
وتمان ئێوە شۆڕشتان کرد و
بونە دزی ناو ماڵەکانمان
وتمان ئێوە بە دەمامکی شۆڕشەوە
وڵاتتان کردە کاڵایەکی هەرزان
دەزانین ئێوە…. شۆڕشگێڕەکانی دوێنێ
بونەتە چەتەی خۆماڵی ناومان
کە بەهای خۆتان لە دەست دا
بەهای نیشتمانیش مەفرۆشن
مەبنەوە بە سوارەی حەمدییە
مەبنەوە بە یەزدان شێر
مەبنەوە بە جێبەجێکاری پلانەکانی دوژمنان
تکایە ڕایگرن
دەنگێک لە مێژوەوە هاوار دەکات
چی دی لەمە زیاتر
بەرگی مێژوو خوێناوی مەکەن
لەمە زیاتر
مێژوو شەرمەزار مەکەن
وەک خۆتان هیچ نین
شانازیەکانمان سەر مەبڕن
گەریلا و پێشمەرگە بزوێنەری نەتەوەیەکن
ئاڵایەک لەسەر خوێنی گەریلا و پێشمەرگە دەشکێتەوە
مەیدەنە دەست نەوەی گورگەکان
کچە گەریلایەک شوناسی مرۆڤایەتی و کوردە
هەر دەستێک خوێنیان بڕێژێ
ڕو ڕەشی بەردەم ویژدان و مێژووە
تکایە ڕایگرن
قەندیل دڵی نیشتمانە
بونی نەتەوەیەکە
بێ گەریلا … بێ پێشمەرگە
لە لێدان دەکەوێ
ئەوە وەسیەتی پیاوانی ئازایە
کە قەندیل لەبەردەم پلانی جاش و دوژمناندا
هەرگیزا و هەرگیز نانەوێ
ڕایگرن
ئەوە مێژوە و کە توڕە بو
دەموچاوتان پڕ دەکات لە تف
پڕتان دەکات لە حاشای جاشایەتی
دەمامکی دوژمن لەسەر دەمو چاوتان لابەن
چی تر با دەنگی مێژو بەسەر قەندیلەوە هاوار بکات
نابینن چۆن نیشتمان هاوار دەکات
نابیستن دەنگێک لە مێژوە دێت
نەفرەت لە بونتان دەکات
ڕایگرن چی دی مەبنە جێبەجێکاری
پلانی دوژمنان
ڕایگرن ئەم شەرە نەفرەتیە ڕاگرن .

لاى هەموو تاكيكى هەر نەتەوەيەكى ئه م جيهانه دروست بونى قەوارەيەكى سەربەخۆ يەكێكه له خەونه هەرە له پيشنه كانيان و خەباتى بێ وچان دەكەن بؤى لاى ئيمەى كورديش بە هەمان شيوه بگره كەميك زياتريش لەخەو گەورەتر بوه ئيمه ى كورد به دريژاى ٢٧١٦ ساله لەمەو بەر هەر لە دروست بونى دەوڵەتى( ماده )كانەوه تاوەكو ئەمرۆ خوينيكى زۆرمان بەخشيوه له پيناو دروست كردنى دەولەتدا لەدواى دەوڵەتى مادەكان ولەسه ر دەستى پێشوا (قازى ) دا كۆماريكى (١١) مانگى بونياد نراكه بەيەكيك له شانازى يه كانى نەتەوەكەمان هەژمار دەکرێت . بەڵام دواتر ئەويشمان له دەست دا بەهۆی دەستى دەرەكى و كێشمەكێشی ناو خۆییەكانى نێوان خومانەوه به لام سەر كەوتو نەبوين تێيدا ئەويش لەبەر چەند هۆکاريك كە نامه ويت ليرەدا لەسەرى بدوێم . بەڵام ئەوەى مەبەستمه باسى ليوەبكەم لەنيوەى سەدەى ڕابردوەوە تاوەكو ئەمڕۆ خەباتيكى چڕو پڕمان كردوه له پيناو ئازادی و بەدەست هينانى سەر بەخويدا . وە لە ئەمرۆى كوردستاندا ماوەى زياتر لەچەندین ساڵ وچه ندین نەوروزی يەك لە دواى يەكدا گوێبيستى ووتەو ليدوانه كانى بارزانى دەبين كه دەڵێت سەر بەخۆى ڕادەگەيەنم و كردوێتی بە چەكێك بەدەستيەوه بۆ هەنگاو نان بەرەو حكومى تاك ڕەوى وە بەم باسى سەربەخۆییە دەستى گرتوه بەسەر تەواوى ژيانى خەڵكى باشورى كوردستاندا لەڕوى ئابورى و سەربازى و بازرگانى و تەواوى كايەکانى ژيانى ڕوژانەى هاوڵاتيانى كوردستاندا كه ئەويش به هاوكارى هه ندێك حيزبی باشورى كوردستان كەبونەته شەريكى له بەهه دەردانى سامانى ئەم وڵاتەدا . من باوەڕم وايە دەوڵەتەكەى بارزانى دروست ده بيت بەڵام وەك دەوڵەت نەبەڵکو وەک(ئەمارەت) دەكريت ناوى بنريت ئەمارەتى بارزانى ياخود ئەمارەتى باشورى كوردستان چونکە بارزانى دەڵێت دەوڵەتانی جيهان و ناو چەكه بەدراوسێكانيشەوە پاڵ پشتيمان لێدەكەن كە ئەمە هيچ مەنتیقێکى تيدا نیە بەنیسبەت دراوسێكان مانەوە لە ئە گەری پشتيوانيكردنياندا راستەو خۆ (ئەمارەت) ێكمان بۆ دادەمەزرێنن كەببێته بوكەڵەى دەستى خۆيان چۆنيان ويست بەو شێوەيە يارى پێبكەن و سامانى كوردستان لەبەرژەوە ندى خۆيان بەكار بهێنن و هەر دراوسێیەو له بەرژەوەندى خۆى وەكو له مێژووى ڕابردودا كه چەندين دەوڵەتۆلکە (ئە مارەت)ێكمان هەبووه كە بەشى هەرە زۆریان لەلايەن دوژمنە كانمانەوە پاڵپشتى كراون و لەدژى يەكتر بەكار هێنراون و پاشانيش هەركاتێك ويستويانە هەڵیانوەشاندۆتەوەو تێكيان داوه . وە لە ئەگەری دروست بونى دوڵەت (ئەمارەت) ەكەى بارزانيدا رەنگه باشورى كوردستان توشى دوكەرت بونيك ببێت لە هەموو ڕوەکانەوە ڕەنگە دروستكەرو پشتيوانانى (ئەمارەت ) ه كه تەنها بتوانن دهوك و هەولێرو بادينان بخنە ناو سنورى (ميرنشین) ه كەوه . كركوك و سليمانى گەرميان و دەڤەرى ڕاپەڕین داببڕێن لەم ميرنشينە ئەویش بەو مەرجەى سەرجەم ياخود زۆر ينەى ياريزانه سياسى يەکانى ئەم ناو چانەيه بەرژەوەنديه تايبەتى يە كانى خويان و حيزبەكانیان وەلا بنێن و بەرژەوەندى گەل لەبەرچاو بگرن دەنا بەپێچەوانەوە ئەم ناوچانەیش پەيوەست دەکرێن بەو ميرنشينەوه كه بونياد ده نرێت . بۆیە پيويسته سەرجەم هێزو لایەنەسياسیەكانى دەرەوەى پارتى كۆكو تەبابن و بير لەبەرژەوەندى گەل بكەنەوە و بەر به خەونى دروستكردنى ميرنشينێکى لەو جۆرەی كه پارتى دەیخوازێت بگرن . دەنا دواجار ئەو هەرێمەى كه ئێستا هەمانه ئەويشمان لەدەست دەچێت و ڕەنگه تا چەندين ساڵى تر دەرفەتێكى ترى له و شێوەیە دروست نەبێتەوه بۆ گەلەکەمان . وەدروست كردنى دەوڵەت پێويستى بە زەمينه سازى زۆر باش و پتەو هەيه له ڕوى ديبلۆماسیو ژێرخانی ئابوریو كشتوکاڵو سەربازیو پيشەسازیو يەكڕيزى نێوخۆى كه له ئێستادا هيچ يەكێك لەوپايانەى دروستبونى دەوڵەتمان نيه و هه وڵى بونياد نانيشى نەدراوە بەڵکو لايەنى ئيدیعاکەری دروستكەرى دەوڵەت هەموو ئەو پايانەى كه دەوڵەتی لەسەر دروست دەكرێت هەڵیوەشاندوەو يەكڕيزى نێو خۆیشیی تێكداوه هەنگاو بەرەو تۆتالیتاری بونێکى زۆر مەترسى دار به دەستى دوژمنانى نەتەوەکەمان دەنێت . ئەگەر بەر بەم خەونە ترسناکە نەگیرێت ئەوا ئەم هەرێمەیشمان دەبێتە قوربانی خەونی بەدیهێنانی دەوڵەت .

كورد میلله‌تێكی غه‌درلێكراو داگیركراو, پڕۆسه‌ی تاواندنه‌وه‌ی(زمان,كه‌لتوور,جوگرافیا ) له‌لایه‌ن ده‌وڵه‌تانی كه‌ كوردیان به‌سه‌ر دابه‌شكراوه‌وده‌وڵه‌تانی دونیاش بێ‌ ده‌نگ به‌ڵام كورد وه‌ك میلله‌ت له‌ئاستی تاك و ئاستی عه‌شیره‌ت و رێكخراوحیزب و ڕۆشه‌نبیرانی خه‌باتی كردووه‌وبه‌رگه‌ی گرتووه‌ له‌هه‌ر قۆناغێك له‌ قۆناغه‌كان شێوه‌ی جیاجیای هه‌بووه‌,سه‌ره‌تایی خه‌باتی كورد بۆمافه‌كانی شێوه‌یه‌كی ناوچه‌یی و عه‌شیره‌تگه‌ری و سه‌رۆك هۆز سه‌ركردایه‌تی كردووه‌ دووربووه‌ له‌ ڕاكێشانی هه‌ست و سۆزی تاكی كورد له‌ڕوویی نه‌ته‌وه‌یی , زۆربه‌ی خه‌بات و هه‌ڵسانه‌وه‌و شۆڕشه‌كانی كورد له‌ سه‌ده‌كانی (18) تاكو سه‌ره‌تایی سه‌ده‌ی (19) هه‌ست وكاریگه‌ری ئاینی و (هۆگری- ئینتما ) بۆ عه‌شیره‌ت و سه‌رۆك عه‌شیره‌ت بووه‌ به‌ڵگه‌ش به‌نه‌مانی عه‌شیرت و سه‌رۆك عه‌شیره‌ت خه‌بات و شۆڕشه‌كان كپده‌بن و نامێنن وبه‌رده‌وامی نییه‌.خه‌باتی كورد بۆبه‌رگریكردن و به‌رگه‌ گرتن له‌سه‌ده‌ی (19) وه‌ تاكو ئێستا شێوه‌یه‌ك له‌خه‌باتی ڕێكخراو له‌چوارچێوه‌ی (پارت-حیزب) ڕۆلی بینیوه‌ كاریگه‌ری خۆیی هه‌بووه‌ بۆ ڕزگاری و مافه‌ڕه‌واكانی كورد كه‌ئه‌و ئه‌زموونه‌ی باشووری كوردستانی لێ‌ به‌رهه‌م هاتووه‌ كه‌ (حكومه‌ت و هه‌رێمی كوردستان) كه‌ چه‌نده‌ها حیزب و لایه‌نی سیاسی تێدا به‌شدارن. ئه‌و حیزب و لایه‌نه‌سیاسیانه‌ی باشوری كوردستان پاش به‌ده‌ستهێنانی ئه‌م ئه‌زموونه‌ تووشی ئه‌زموونی (ململانێی یه‌كتر) و(دژایه‌تی یه‌كتر) كه‌چی پێشتر خه‌بات بۆ كورد بوو به‌ڵام ئێستا خه‌بات بۆ حوكمڕانی و ده‌ست به‌سه‌ر داگرتنی ده‌سه‌ڵات ده‌كه‌ن.له‌پاش ڕاپه‌ڕینی(1991) دووحیزبی دیار كه‌له‌پێش ڕاپه‌ڕینیش ڕۆلی به‌رچاویان هه‌بووه‌ تاكو ئێستا ڕۆلیان هه‌یه‌و ڕكابه‌ری یه‌كه‌من یۆ گه‌یشتن به‌ ده‌سه‌ڵات له‌ كوردستان ئه‌ویش (یه‌كێتی نیشتمانی كوردستان) و(پارتی دیموكراتی كوردستان). یه‌كێتی, خۆیی وه‌ك حیزبێكی دیموكرات وكراوه‌ پیشانداوه‌ و بوونی باڵباڵین و جیابوونه‌وه‌ی كه‌سانێك و دامه‌زراندنی حیزبێكی تر كه‌ ئه‌مه‌ش ئه‌نجامی كراوه‌یی و دیموكراتی نه‌بووه‌ به‌ڵكو ناتوانێ‌ خۆیی ڕابگرێ‌ به‌تۆكمه‌یی و جۆرێك له‌ غرووری هه‌بوو به‌تایبه‌ت به‌رامبه‌ر(پارتی) داینابوو گه‌ر پارتی له‌ناویش نه‌بات به‌ فشه‌ زه‌عیفی ده‌كات هه‌ر حیزبی یه‌كه‌میش ده‌بێت له‌ كوردستان كه‌چی پێچه‌وانه‌ی ده‌ركه‌وت له‌ حاڵی حازر, یه‌كێتی وای لێهاتووه‌ گه‌ر له‌گه‌ڵ پارتی هاوپه‌یمان نه‌بێ‌ به‌ره‌و توانه‌وه‌ ده‌چێت یان سه‌نگێكی ئه‌وتۆیی نابێت به‌ڵام (پارتی) ڕۆژ به‌ڕۆژ به‌ره‌و به‌هێزی و قه‌ڵه‌وی هه‌نگاو ده‌نێت زۆر بێمنه‌تانه‌ به‌رامبه‌ر هه‌موو حیزبه‌كان ئه‌وه‌ی بیه‌وێ‌ ده‌یكات ئێستاش هه‌ر خۆیی زاڵه‌و حوكمداره‌و( سوپه‌ره‌), بۆچ؟ (پارتی) له‌سه‌ره‌تایی دامه‌زراندنیه‌وه‌ یه‌ك خێزان و بنه‌ماڵه‌ حوكمڕان و كۆنتڕۆلی (پارتی) ده‌كات كه‌خه‌باتی ئه‌م بنه‌ماڵه‌یه‌ (100) زیاتره‌ له‌ خه‌بات بۆ كوردایه‌تی كه‌ ئه‌مه‌ خاڵی به‌هێزی (پارتیه‌).پارتی(70) ساڵ ته‌مه‌نی هه‌یه‌و بێ كێشه‌وگیروگرفت بووه‌ له‌ناوخۆیی حیزبه‌كه‌ی كه‌چی حیزبه‌كانی تر له‌به‌ر كێشه‌ ناوخۆیه‌كانیان به‌ره‌و بێهێزی ده‌ڕۆن ناتوانن وه‌ك (پارتی) زاڵبن به‌سه‌ر كێشه‌كان.(پارتی) قه‌ڵه‌وبووه‌و زه‌عیف نابی!وه‌زعی دارایی ومادی زۆر بووه‌وزۆر زه‌حمه‌ته‌ به‌و ئاسانیه‌ (پارتی) له‌ لوتكه‌ غلۆربیته‌وه‌.هۆكاری ئه‌م لوتكه‌ی (پارتی) به‌پله‌ی یه‌ك به‌ڕێز (مسعود بارزانی) وه‌ك (سوپه‌رمان , Super Man) له‌ هه‌رێمی كوردستان و وه‌ك سه‌ركرده‌یه‌كی دیارو سه‌رۆكی هه‌رێم له‌ ئاستی نێو ده‌وڵه‌تیش یه‌كه‌م سه‌ركرده‌ی كورده‌ به‌شێوه‌ی فه‌ڕمی كۆنتاك و په‌یوه‌ندی وڵاتان له‌ڕوویی سیاسی ودبلۆماسی ڕاسته‌وخۆیان هه‌یه‌له‌ گه‌ڵی, حیزبه‌كانی تر هیچیان پێناكرێ‌ بێ‌ (پارتی) ئه‌وه‌ واقیعه‌ له‌ كوردستان , خه‌ڵكی كوردستان هه‌موو ده‌زانن ئێستا (مسعود بارزانی) وه‌ك (سوپه‌رمانێك) كاریگه‌ری خۆیی له‌سه‌ر كێشه‌كانی كوردستان وخه‌ڵكی كوردستان هه‌یه‌. له‌ناو (پارتی) سوپه‌رمانی تریش هه‌ن كه‌له‌پێش چاوی خه‌ڵك دیارن وجێگه‌ی خۆیان ده‌كه‌نه‌وه‌ له‌نێو خه‌ڵك ئه‌ویش به‌ڕێزان (نێچیرڤان بارزانی) و (مه‌سروو بارزانی) كه‌ دوو سوپه‌ر مانی ترن له‌ناو (پارتی) ته‌نانه‌ت له‌ كوردستانیش , وه‌(پارتی) به‌رده‌وامیشه‌ له‌ به‌رهه‌م هێنانی (سوپه‌رمان) كه‌خاڵی به‌هێزی پارتیه‌ پێچه‌وانه‌ی حیزبه‌كانیتر كه‌ رۆژ به‌رۆژ كه‌سایه‌تی و پیاوی دیار به‌ره‌وه‌ نه‌مان ده‌چێت كه‌ ئه‌مه‌ بێهێزی ئه‌م حیزبانه‌یه‌ له‌ واقیعی كوردستان هه‌ر ئه‌مه‌شه‌ ناتوانن به‌ره‌و ڕوویی (پارتی) ببنه‌وه‌و بێ‌ (پارتی) بڕیاڕ بده‌ن.(پارتی) سیاسه‌تێكی واقیعی و بێ‌ چه‌واشه‌كارانه‌ په‌یڕه‌وده‌كات ته‌نیا بۆ خۆیی كاری خۆیی ده‌كات ئه‌وه‌ی ڕازیه‌ ڕازی , ڕازی نیه‌ ئه‌وه‌ وه‌زعی كوردستان له‌ ئێستادا.ئه‌ندام و لایه‌نگری هیچ حیزبێك ئه‌وهه‌نده‌ی ئه‌ندام و لایه‌نگری (پارتی) دڵسۆزو خه‌مخۆرنین ته‌نانه‌ت ئه‌ندام ولایه‌نگرانیشی جۆرێكن له‌(سوپه‌رمانی)! خزمێكت یا براده‌رێكت یا جیرانێكت (پارتی) بێت بێخه‌م به‌و مورتاحی و ئیشت (95%) ماشیه‌.(پارتی) جۆرێك له‌ سیسته‌می دارایی سۆشیالی بۆ ئه‌ندام و لایه‌نگرانی خۆیی په‌یڕه‌وده‌كات زۆربه‌ی پارتیه‌كان وه‌زعیان باشه‌ به‌ بڕوایی من له‌(پارتی) بگه‌ڕێن ئه‌مه‌ له‌ كوردستان په‌یڕه‌وده‌كات خه‌ڵكیش پێی ڕازیه‌ به‌ڵام به‌و مه‌رجه‌ی خۆیی حاكم بێت.(به‌رپرسی ناوچه‌) و( ئه‌ندام لق)ی (پارتی) هه‌ندی سێ‌ ئه‌ندامی سه‌ركردایه‌تی حیزبه‌كانی تر(یه‌كێتی نا) پاره‌وسامانی هه‌یه‌, (پارتی) زۆر دڵسۆزی ئه‌ندامه‌كانیتی ئه‌ندامه‌كانیشی زۆر دڵسۆزی پارتین , به‌رپرسێكی (لق)ی پارتی هه‌ندی سێ‌ وه‌زیری وڵاتێك گه‌ر زیاتر نه‌بی پاره‌و سامانی هه‌یه‌, كه‌چی تازه‌ به‌تازه‌ حیزبێك قیت ده‌بێته‌وه‌ ده‌یه‌وێت ململانێی (پارتی) بكات كه‌ ئه‌ندامی سه‌ره‌وه‌یان له‌ حیزب وحكومه‌ت به‌تاكسی هاتووچۆ ده‌كه‌ن به‌ ته‌نیا له‌ شه‌قامه‌كان ده‌سوڕێنه‌وه‌ ئه‌مانه‌ چۆن ده‌ره‌قه‌تی (پارتی) دێن , بزانم!. بۆ ئه‌مانه‌و ئه‌وانه‌شی ده‌یانه‌وێ‌ (پارتی) به‌نووسین و ڕه‌خنه‌ (پارتی) زه‌عیف بكات (له‌سه‌ر به‌فر نووسینه‌) فایده‌ی نیه‌, ده‌بێ‌ حیزبه‌كان و خه‌ڵكانێك كه‌ ده‌تانه‌وه‌ێ‌ (پارتی) زه‌عیف كه‌ن خۆتان قه‌ڵه‌و كه‌ن و زیاتر گه‌شه‌ بكه‌ن خاوه‌نی تایبه‌تمه‌ندی خۆتانبن تا جیاكار بن له‌خه‌بات و پێشكه‌وتن له‌ ئاستی جه‌ماوه‌ری وحكومی تۆماتیكیه‌ن به‌هێز ده‌بن به‌رامبه‌ر (پارتی) نه‌ك ململانێی (پارتی) خه‌ڵك له‌(پارتی) بكه‌ن ئه‌گه‌ر نا پارتیش كوردایه‌تی ده‌كات و خزمه‌تده‌كات . روون ودیاره‌ پارتی (سوپه‌ره‌) له‌هه‌ڵبژاردن و دوو زۆنی گه‌وره‌و موهیمی كوردستانی به‌ده‌سته‌وه‌یه‌. (پارتی) سوپه‌رترین حیزبه‌ كه‌سه‌كانی و دارایی زۆرو خاوه‌نی كه‌سایه‌تی و ڕۆشنبیرو كه‌لتورێكی سیاسی ومێژوویی هه‌یه‌ حیزبه‌كانیتر هه‌ر ئه‌وهه‌نده‌ی (پارتیان) نیه‌, به‌كورتی و به‌ كوردی (پارتی) له‌ هیچی كه‌م نیه‌و زیادیش نیه‌ چونكه‌ هه‌تا ئێستا پارتیه‌ك نه‌بووه‌ته‌ حیزبێكیتر ئه‌وه‌ پێوه‌ره‌ بۆ حیزبی كۆنكریتی ساردی و گه‌رمی ته‌ئسیری لێناكات, گرنگترین شت (پارتی) هه‌رچیه‌ك بكات ئه‌ندام و لایه‌نگرانی پێی ڕازین و قبووڵیانه‌,بۆیه‌(پارتی) گومانی ئه‌وه‌ی لێده‌كرێت له‌سه‌ر ده‌ستی ئه‌و (ده‌وڵه‌تی كوردی) دابمه‌زرێت و به‌ڕێز(مسعود بارزانی) كه‌ كه‌سایه‌تی (سوپه‌رمانی) هه‌یه‌ گونجاوو شیاوه‌ بۆ ئه‌م پرسه‌ هه‌ر له‌م ڕۆژانه‌ی ڕابردوو سه‌نگی به‌هێزتر بوو كاتێك له‌ توركیا (ئاڵای كوردستان) هه‌ڵكرا .ململانێی له‌گه‌ڵ(پارتی) یان زه‌عیفكردنی (كوجا مه‌رحه‌با) (پارتی) قه‌ت و قه‌ت زه‌عیف نابی تازه‌ قه‌ڵه‌و بووه‌و زۆر به‌ته‌ندرووستی , پارتی(سوپه‌ر پارتیه‌) له‌مێژوویی سیاسی حیزبایه‌تی كورد ته‌نیا گه‌ر تووشی (شێرپه‌نجه‌) بێت زه‌عیف بێ به‌ڵام به‌پاره‌یه‌كی زۆر ئه‌وه‌ش عیلاج ده‌كات, عیلاج نیه‌ له‌گه‌ڵ (پارتی) ده‌بێت به‌ خۆشی ئه‌و به‌ قسه‌ی ئه‌و به‌ قازانجی ئه‌و ئه‌گه‌رنا وس به‌و كڕبه‌و كاروكاسبی خۆت بكه‌!ببیه‌ پارتیش باشتر!ئه‌مه‌ مه‌دح و پیاهه‌ڵدانی (پارتی) نه‌بوو به‌ڵكو ئه‌مه‌ حه‌قیقه‌ت و واقیعی كوردستانه‌و سیفه‌ت و خاسیه‌تی (پارتیه‌.

هەڕەشەی تیرۆرو پەلاماردانی نووسەران و هەڵسوڕاوانی سیاسی لە کوردستاندا تەمەنێکی درێژو پڕکارەساتی لەپشت سەرناوە. ئەوەی لەم ڕۆژانەدا تەنیا هەڕەشە لەقەڵەمێک و سڕینەوەی ناوی کەسایەتیەک نەبوو کە سالەهایە لەسەنگەری بەرنگاری ئازادی بەیاندایە، بەلکو هەڕەشەیەکی یەکجار مەترسیدارترو فراوانترە کە دەیەویت تەنانەت لەو دنیا مەجازیەشدا کە ئێمە دەماوێت تێدا بیروڕای خۆمان دەبرین هەڕەشەکان گەورەترو مەترسیەکان زۆرزیاتربکات! بۆیە ئیتر پەیکار عوسمان نەیتوانی خۆی و دۆخەکە بە غافلگیری بسپێرێت، ئیدی ئیستێک بووە ئیزگەی هەلوێستەیەک، چونکە پەیکار دلنیابوو ئەگەر جەستەو گیانیشی هیخۆی بێت ئەوا قەڵەمەکەی مۆلکی تەنیا خۆی نیەو بەشێک لەسەرمایەی هەموومانە بۆیە ناکرێت یاری بەچارەنووسی بکات و ئاسان ڕێگە بدات کەملی لەو شمشێرە خوێناویە بگەوزێنێت کەهەڕەشە لەهەموومان دەکات!
بۆیە کاتێک کە ڕاچەنی نووسینکی لەژیرناوی (بۆ شەمشەمە کوێرەکان)دا نووسی کەهەموومانی لەپشت کۆمپیوتەرەکانمانەوە راچلەکاندو بەشێوەیەک هەستمان بە تەنگەنەفەسی خۆماندەکردو بینمان کەئازادی بێقەیدو مەرجی بیرورا دەربرین لەبەردەم باجێکیتردایە. هەربۆیە سەدان دۆست و هاورێ نیگەرانی و هاودلی خۆیان دەربری، دەیان سیاستمەدارو پەلەمانتارو نووسەرو دەنگیان بەرزکردەوەو هەرجۆرە هەڕەشەیەکیان لە پەیکار بەتووندی مەحکومکرد!
بەڕێزان هەڕەشەی تیرۆرو کۆشتاری لە ئازادیخوازان و نووسەران و ڕۆژنامەوان لە کوردستاندا مێژوویەکی زۆر دورودرێژتری هەیەو لە چەند سالی رابردودا دەیان کە سایەتی وەک عبدلقادر معروف، عبدلستار شریف، شاپور عبدلقادر، قابیل ، سەردەشت عوسمان، کاوە گەرمیانی،…. کردوەتە قوربانی!
ئەوەی هەنگاوەکانی یەک دوو سالی ڕابردو لە چارەکە سەدەی پێشوو جیادەکاتەوە، ئەوەیە کە هەڕەشەو پەلاماردانەکان سنووری ناوخۆی کوردستانیان بەزاندوەو ئێستە نەیارانی ئازادی بیرورادەربین لە هەندەرانیش بەدوامانەوەن، کە هەڕەشەکانی ئەم دوایانە بۆ سەر بەڕێزان، کامیار سابیرو عەبدللە و پەیکار دواین نموونەکانی تائیستەن کە دەیانەوێت لێرەش لەتوونێلی ڕەشی هەڕەشەو چاوترساندن و پەلاماردانەوە بێدەنگمان بکەن و ناچارمان بکەن بەملدان بە ڕەوشتە ڕەزیل و ڕیسواکانیان و چیدی قەڵەمەکانمان لە ئاست کارنامەی ناشیرین و دزیویان بێدەنگبکەن لەو کارەساتە گەورانەی کە بەرۆکیان بەم کۆمەلگایە گرتووە.
پەیکارو دۆستانی ئازادی بەیان و بیرورادەربرین
بینمان خۆشحالانە کاتیک کە پەیکاری هاوکارمان هاتەدەنگ شەپۆلیکی فراوان لەدۆستانی ئازادی بەیان و بیرورا دەربڕین، هاتنەسەر خەت و نەک هەر نیگەرانی خۆیان دەربری، بەلکو بە پەیامی هاوپشتی و هاودلی خۆیان جاریکتر لەمپەرێکی بەهێزیان لە ڕووی تیرۆریستان و نەیارانی ئازادی بەیان و بیرورا دەربرین دروستکرد. بەجۆرێک نەک هەر ڕێگە بە تیرۆرکردنی هیچ کەسێک نادرێت بەڵکو نیشانیماندا کە لەسەر درێژەپێدانی خەباتمان ڕاناوەستین و ڕامانگەیاند کە ئێمە هەموومان پەیکارین و ئێوە ناتوانن هەموومان تیرۆربکەن و گەر ئەم کارەشتان بۆ بکریت ئەوا مەخابن کە ناتوانن ڕێگە بە ئازادی بەیان و بیرورادەربرین بگرن!
بەلام پرسیارەکە ئەوەیە کە ئایا چیترمان پێدەکرێت ؟
بەڕێزان ئەوەی کە پەیکار دەکاتە هێمایەک بۆ گردبوونەوەی ناڕەزایەتی دەربرینمان، قەڵەمەکەیەتی کە دوای ئەو پشگیریە فراوانەش بەڵێنیشیدا کە تەنانەت لە دۆستان و هاوکارانیشی سەرفەنەزر نەکات و قەڵەم هەمیشە بەرز ڕاگریت. بۆئەوەی کەهێزی ڕاگرتنی قەلەم بەرزراگرین پێویستدەکات کەهەڵوێستەیەکی زیاتربکەین و بزانین چیترمان پیدەکریت!
بەدلنیای کێشە گەورەکە ئەوەیە کە قەلەمرەوی ئازادی بەیان و بیروڕادەربڕین لە کوردستاندا لەبەردەم هەرِەشەو مەترسیدایە. کەدیارە دەسەلات و حزبە سیاسەیەکان پشکی سەرەکی و بەرپرسیاریەتیان لە ئەستۆدایە؛ بۆیە دەبێت هەموو ئەو ڕێگەو میکانیزمانە بگرینە بەر کە دەتوانێت پەنجەرەیەک بە ڕووی ئازادیدا زیاتر بکاتەوە. دیارە لە چەند ساڵی ڕابردودا بزوتنەوەیەکی فراوان بۆ داکۆکیکردن لەئازادی بیرورا دەربڕین لەمەیدانابووە کە بەدروست ئەمە لەنیو شەپۆلێکی فراوان لەپەنابەرانی ئازادیخوازو هەلسوراوانی داکۆکیکەر لەئازادی بیرورا لەهەندەراندا جێگەی پشیتیوانی کردن بووە. بەلام گیروگرفتی سەرەکی ئەم جولانەوەیە لەوەدایە کە تەنیاو تەنیا لەبازنەی داخراوی خۆماندا سوراوەتەوە و لەکەمترین ئاستدا نەچووتە نیو دەزگاکانی ڕاگەیاندنی ئەم ولاتانەو نێو پەرلەمان و نیهادە نیوەنەتەوەیەکان و ناوەندەکانی داکۆکیکردن لە ئازادی بەیان و بیرورادەربڕین. ئەگەر چەند حالەتێکی ئەنگوشت ژماریش هەبووبن تەنیا هەولێکی سەرەتای کاتی بووە. تائیستە نەمانتوانیووە لەدەوری پلاتفۆرمێکی دیاریکراو بۆ گوشار خستنەسەر حکومەتی هەریمی کوردستان کۆبینەوەو بیانخەینە بەردەم گوشاریًکی نیَونەتەوەی بەردەوام تا هەموو ئازادیخوازان لەهەر گۆشەو کەناریَکی دنیا بتوانین لەڕێگەی فراوانکردنەوەی ئەم تۆرِی هاوپشتیەی ئازادی بەیان وبیرادەربین بەهێزتربکەین. ئەوەی کە ماوەتەوە بیلین، ئەوەیە وەلامدانەوە بەم بۆشاییەو خستنەرێ جولانەوەیەکی کاراو ئامانجدا ئەرکی هەموو ئینسانیکی ئازایخوازو بەتەنگەوەچووی ئازادی بەیان و بیرادەربریتە!

بەهادین حاجی بەکری دارتاش ناسراو بە ریبوار عارف