پێچەوانەی فیلمی ھیندی،
بەردەوام قارەمانەکان
زیندان ئەکرێن و
ئەکوژرێن ..
خاینەکانیش ئەیبەنەوە و
خەڵات ئەکرێن ..

پاڵەوانەکان
ھەر پێنج خولەک بەرگە ئەگرن
لە خاچ ئەدرێن ..

خاینەکان
ھەتا دوا چرکەی فیلمەکە
خزمەت ئەکرێن ..

پاڵەوانەکان
نە بەخت یاوەریانە
نە ماسولکە و
ئازایەتیی..
نە کچە شۆخ و شەنگەکان
یەک ھەنگاو لە گەڵیانا دێن ..

خاینەکان
ھەم بەختیارن ..
ھەم پۆشتە و
ھەم قایمکارن ..
لە لافاوی
چەپڵە و ڕێز و ڕۆمانسیەتا
مەلە ئەکەن و
ناخنکێن ..

هۆنراوە بۆمنداڵان

لەگەڵ دایە و بابە گیان
لای کۆترەکان وەستابووم
لەدەورم کۆبوونەوە
بەگمەیان سەرسام بووم ۰

هێمن و لەسەرخۆبوون
زۆرجوان بوو هاتوچۆیان!؟
نانەکەی دەستم وردکرد
خێرا چووم ڕۆمکرد بۆیان

ئینجا ئاوم بۆهێنان
لەناودەفرێکی خاوێن
یەکیەک ئاویان خواردەوە
دەفڕین لەم شوێن بۆئەوشوێن۰

کۆترێکیان باڵنەخشین بوو
شانی لای ڕاستی گرتم
لەجیاتی گشت کۆترەکان
زۆر زۆر سوپاسی کردم

وتی ئێمەش وەک ئێوە
خاوەن خەون و خەیاڵین
حەزبەئازادی دەکەین
دۆست و هاوڕێی مناڵین۰

داری نــاو بــاخـچـەکـــەمـان
پـڕ بـوو لـە چـۆلـەکـەی جـوان

دوو دانــەیــان بــە جــارێ
گــڤـەیـانـکــرد بــۆ خـوارێ

خــولانــەوە بــە پــەلــە
بــۆ گـرتـنـی مـێـشـوولـە

لــە ژێـر دارێـکـی هـەرمـێ
چـوونـە سـەر پـشـتـی کـرمـێ

کــەوتـنـە ســەری بــە دەنــووک
خـواردیـان بـە پـارچـەی پـچـووک

تـێـربـوون و جـووکــەیـانـکـرد
مـنـیـان بـیـنـی ڕایــانـکـرد

٢٨ / ٧ / ٢٠١٧