نزیکەی مانگێکە (ئەحمەد حەرەقان) مانی لە خواردن گرتووە، تاکوو لەو ڕێگەیەوە ناڕەزایی لە دژی دەستەڵاتی سیاسی و ئایینیی میسر دەرببڕێت، کە ڕێی سەفەریان لێ گرتووە، بە مەرجێ نە تاوانی کردووە و نە هیچ بەربەستێکی یاسایی لە ئارادایە. (ئەحمەد حەرەقان) ئەوە چەند ساڵێکە لەپێناوی ئازادیدا گیانی خۆی خستووەتە بەر مەترسی و لە هەموو لایەکەوە هەڕەشەی لێ دەکرێت. لە یوتیوبدا کەناڵێکی هەیە بەناوی ( العقل الحر ) و لێیەوە ڕەخنە لەو هێزە کۆنەخوازانە دەگرێت، کە ئازادی لە تاکەکان دەستێننەوە و دەست دەخەنە ناو وردەکارییەکانی ژیانیەوە.
ئەمڕۆ کەیسی (ئەحمەد حەرەقان) بووەتە کەیسێکی جیهانی و ئازادیخوازانی سەرجەم دنیای بە خۆیەوە خەریک کردووە، بۆیە (دەنگەکان)یش، کە هەمیشە کەناڵی ئازادیخوازان بووە و دەبێت، بە پێویستی دەزانێت لێرەوە کوردزمانان بۆ ئەم پشتیوانییە بانگهێشت بکات.
لە خوارەوەدا لینکێک دادەنێین، کە دەتوانن کلیکی لەسەر بکەن و بە ئیمزایەک پشتوانیی خۆتانی بۆ دەرببڕن.

https://www.change.org/p/antonio-gutteress-secretary-general-of-the-united-nations-an-egyptian-ex-muslim-in-hunger-strike

لینکی فەیسبوکی ئەحمەد حەرقان….

https://www.facebook.com/AHHarqan/

ئێره‌ پڕه‌ له‌ شاعیری وشه‌فرۆشی درۆزن.
پڕه‌ له‌ سه‌ركرده‌ی درۆفرۆشی ده‌ماخسز.
ئێره‌ پڕه‌ له‌ مه‌لای جاهیلی شه‌ڕفرۆش.

ئێره‌ پڕه‌ له‌و ڕۆژنامه‌نووسانه‌ی،
كه‌ له‌ قه‌فه‌سی ماڵی گه‌وره‌ی حزبدا
وه‌ك تووتی قسه‌ ده‌كه‌ن و ده‌خوێنن.

ئێره‌ پڕه‌ له‌و پزیشكانه‌ی،
كه‌ له‌ جه‌للاده‌كانی ناو به‌ندیخانه‌كان ده‌چن.

ئێره‌ پڕه‌ له‌و پارێزه‌رانه‌ی،
كه‌ گاڵته‌ به‌ دادپه‌روه‌ری ده‌كه‌ن.

ئێره‌ پڕه‌ له‌و سه‌ركردانه‌ی،
كه‌ وه‌ك بانكێك
ته‌ماشای نه‌خشه‌ی وڵاتیان ده‌كه‌ن.

ئێره‌ پڕه‌ له‌و قه‌یره‌كچ و قه‌یره‌كوڕانه‌ی،
كه‌ هه‌موو شه‌وێ ته‌رمی ناوگه‌ڵیان
به‌ تف ده‌شۆن و
سوپاس و حه‌مدی بێ پایانی خواش ده‌كه‌ن.

ئێره‌ پڕه‌ له‌و ژن و مێردانه‌ی،
كه‌ به‌شه‌و جووت ده‌بن و
به‌ڕۆژیش له‌گه‌ڵ یه‌ك به‌شه‌ڕ دێن.

ئێره‌! ئێره‌!
ئێره‌ پڕه‌ له‌و خوا په‌رستانه‌ی،
كه‌ به‌شه‌و گوێ له‌ وانه‌كانی شه‌یتان
ده‌گرن و
به‌ڕۆژیش باسی وانه‌كانی خوا ده‌كه‌ن.

ئێره‌ پڕه‌ له‌و خائینانه‌ی،
كه‌ له‌ ماڵی شووشه‌یی دۆلاردا ده‌خه‌ون.
پڕه‌ له‌و شۆڕشگێڕانه‌ش،
كه‌ له‌ ماڵی كارتۆنیی
حه‌سره‌تدا ده‌خه‌ون‌.

ئێره‌ پڕه‌ له‌و عاشقانه‌ی،
كه زۆر ته‌نیان و
پڕه‌ له‌و ته‌نیایانه‌ش،
كه‌ زۆر عاشقن.

ئێره‌ پڕه‌ له‌و نووسه‌رانه‌ی،
كه‌ له‌ باوه‌شی گه‌رمی ده‌سه‌ڵاته‌وه‌
تف له‌ ئازاره‌كانی گه‌ل ده‌كه‌ن.

ئێره‌ پڕه‌ له‌و هونه‌رمه‌ندانه‌ی،
كه‌ به‌رده‌وام نیكاح له‌گه‌ڵ ده‌سه‌ڵات ده‌كه‌ن و
داوای زۆرترین پاره‌ و ماره‌ییش ده‌كه‌ن.

ئێره‌ پڕه‌ له‌ جرجی ئه‌و فه‌رمانبه‌رانه‌ی،
كه‌ له‌ پشیله‌كانی ده‌سه‌ڵات تۆقیون و ‌
هه‌رگیز ناشوێرن‌
له‌ كونی بچووكی به‌رژه‌وه‌ندی خۆیان‌
ده‌رچن و سه‌رده‌رێنن.

ئێره‌ پڕه‌ له‌و كۆڵانانه‌ی،
كه‌ پڕن له‌ زێی بچووك.
پڕه‌ له‌و باخانه‌ش،
كه‌ له‌ بێ ئاویدا ده‌خنكێن.

ئێره‌ پڕه‌ له‌و شه‌قامانه‌ی،
كه‌ یاسای ڕۆیشتنی تێدا نییه،‌
پڕه‌ له‌و پۆلیسانه‌ش
كه‌ به‌رده‌وام ژماره‌ی
ئۆتۆمبێله‌كان ده‌نووسن.

ئێره‌ ! ئێره‌!

ئێره‌ پڕه‌ له‌و ڕه‌خنه‌گرانه‌ی،
كه‌ هه‌میشه‌ دۆ و دۆشاو
تێكه‌ڵ ده‌كه‌ن،
به‌ڵام خۆشیان نازانن،
كه – هه‌ندێك جار -‌
چی ده‌ڵێن و چی ناڵێن؟

به‌ختیار محه‌مه‌د