پێرێکە ئەمریکا بە رەسمی رایگەیاند کە پێنچ گرۆپی چەکداری کە پێشتر بە تیرۆرسی لە قەلەمی داون چیتر لە لیستی تیرۆرەکەیدا نەیانهێڵێ و ئەمجارە بە رەسمی دەستیان بەسەردابهێنێ. دوان لەو پێنچ رێکخراوانە جەماعەی ئیسلامی لە میسر و مەجلسی شورای موجاهیدین لە فەلەستین. بۆ من هیچ شتێکی غەریب و سەیر نابینم و زۆر بە ئاسایی وەری دەگرم کە ئەمریکا کارێکی وادەکات چونکە هەموو رێکخراوە تیرۆرستیەکانی جیهان بە تایبەت ئیسلامیەکانی وەک سەلەفیەکان و ئیخوانیەکان ئەمریکی لە پشتێتی بەڵام ئەوەی جیگەی سەرنجی منە کە بۆ لەم کاتەدا ئەم هەنگاوە دەنێ.
لە رووی تراجیدیا-کۆمیدیەوە ئەو بڕیارە هەندێ شتی تیایە جێگەی پێخەنینە بە سیاسەتە خەڵەفاویەکانی بایدن و ئەمریکا، چونکە: رێکخراوی (ئیتای هەرێمی باسکی ئیسپانی و فەرەنسی) کە لە لیستەکەدایە چوار ساڵە بەیاننامەی هەڵوەشاندنەوەی خۆی راگەیاندووە، رێکخراوی (ئاوم شینیریکیۆ)ی یابانی لە ساڵی ٢٠١٨ەوە نەماون چونکە یابان هەموو سەرکردەکانی لە سێدارەدان و بنبڕی کردن. سێهەمیان کە جوڵانەوەی کاهانایە، جوڵانەوەیەکی توندرەوی یەهودیە و ساڵی ١٩٦٨ لە ناو خودی ئەمریکا و بە یارمەتی و پشتیوانی ئەمریکا دامەزرا بۆ داکۆکی کردن لە جووەکانی ئەمریکا لەو هێرش و نارەواییانەی دەکرێتە سەر جووەکانی ئەمریکا لەلایەن ئەوانی ترەوە. دواتر ئەم رێکخراوە چووە ئیسرائیل و لە وی بەشداری کنێستی کرد و کورسیی هەڵبژاردنیشی بردەوە بەڵام لەبەر “گوتارە راسیستی و توندرەوەییەکەی” یەکێتی ئەوروپا و ئەمریکا و یابان و کەنەدا بە تیرۆرست لە قەلەمیاندا.
ئەوەی دەمێنێتەوە سەبارەت بە دوو رێکخراوە ئیسلامیەکەیە. دیارە ناوی شەش کەس یاخود سەرکردەکانیان لە لیستی تیرۆردا نەهێشت چونکە هەموویان مردوون. بەیاننامەی ئەمریکا وادەڵێ. لەگەڵ ئەم رابواردنە بە رای جیهانی و خۆشیان دەڵێن سەرباری لادانی ناوی ئەم رێکخراوە تیرۆرستیانە لە لیستی تیرۆر، ئەمریکا هەر بەردەوام دەبێت لە ریشەکێشکردنی تیرۆر. ئەمە جگە لە ئیهانەکردن و گاڵتەجاڕی کردن بە خۆیان و جیهان ساسیەتێکی بۆگەن تری لە پشیتەوە وەستاوە ئەگەرنا سێ رێکخراو و شەش کەس نەمابن تۆ بێی بیانکەیت بە مەسەلەیەکی گەورە و بەیاننامەی تایبەتیان لەسەر دەردەکەی.
نیڵسۆن ماندێلا لەم بارەیەوە…
خاڵێکی تر لەم بارەیەوە گرنگە ئاماژەی پێ بدەم ئەوەیە کە ئەمریکا پێشتر ئەم هەڵوێستە تراجدیا کۆمیدیای نواندووە، بۆ نموونە، نیلسۆن ماندێلا کە پێشتر بە تیرۆرست لە قەلەم دەدرا لە لایەن ئەمریکا و ئەوروپاوە و دواتر هەموویان داوا لێبوردنیان لێکرد و بانگهێشتی پەرلەمان و کۆنگرێسی خۆیانیان کرد و جەندان جار سەرۆکەکانیان لە مەراسیمی نێودەولەتی خۆیان و دپلۆماسیدا وەک سەرکردە پێووازیان لە ماندێلا کردووە و لە بە خاک سپاردنەکەشیدا هەموان دەست لەسەر سنگ بۆی وەستابوون، کەچی نیلسۆن ماندێلا لە لیستی تیرۆری ئەمریکادا هەر نەسڕایەوە تاوک ئیستاشی لەگەڵدابێ.
ئێران و میسر دوو ولاتن کە ئەمریکا دەیەوێ بیانکاتە ئامانج. بۆ ئێران خێری تێدایە و بۆ میسریش شەڕ. جەماعەی ئیسلامی لە میسر ئەوەی لە دەستیان هات لە کوشت و بڕی خەڵکی مەدەنی و حکومی کردیان و دواتر وتیان واز لە توندرەوی دێنین گەر بێتوو ئەندامەکانمان لە زیندان بەرەڵا بکەن. مەجلیسی شورای ئیسلامی کە جالاکیەکانی لە فەلەتسین و بیابانی سینای میسریە، پاشکۆی رێکخراوی ئەلقاعیدەی ئوسامە بن لادن بوو، دواتر سالێ ٢٠١٤ بەیعەتی خۆیدا بە داعش و لەو کاتەوە بەردەوامە لە کارە کوشت و بڕ و هێرشەکانی. تەنانەت ساڵی ٢٠١٣ کە باراک ئۆباما سەردانی ئیسرائیلی کرد لەو کاتەدا کە ەئو لەوێ بوو دوو کاتیۆشایان نا بە ئیسرائیلەوە.
ئێستاکانێ کە میسر خەریکە سەربەخۆیی خۆی رادەگەێنێ لە پاشکۆیەتی بۆ ئەمریکا بەتایبەت لە شەڕی روسیا-ئۆکراین زۆرتر لایەنگری خۆی بۆ روسیا نیشانداوە، ئەمریکا دەیەوێ بەم هەنگاوە قونجڕکێک لە عوبدلفەتاح ئەلسیسی بگرێ و پێی بڵێ ئاگاداربە دوایی وەک ئەنوەر سادات بە ئیسلامیەکان تیرۆرت دەکەم.
ئەم شێر و رێویەی ئەمریکا بۆ ئەوەشە کە رێگە خۆش بکات لە دوو سبەی لە رێکەوتنی لەگەڵ ئێراندا رێکخراوی سوپای پاسدارانی کۆماری ئیسلامی ئێران لە لیستی تیرۆر دەربکات. ئەم خشکەییە کۆماریەکانی ئەمریکای دەهری کردووە و یەکسەر دەستی بایدن و ئیدارەکەیان کەشف کرد و کەوتوونەتە تانەوتەشەر لێی و بڕیاری رووبەروو بوونەوەیەکی توندیان داوە لەگەڵ بایدن سەبارەت بە کۆی سیاسەتەکانی تری ئەمریکا کە لە کۆنگرێسدا دەبێ بچێتە پێشەوە.
دوایین خاڵ کە دەمێنتەوە ئەوەیە: ئەوانەی کە پێیان وایە دیموکراتەکان لە کۆماریەکان باشترن یاخود رێژەیەک پێشکەوتووترن ئەوا دەرکەوت لە دەمانی باین و دیموکراتەکاندا ئەمریکا بوو بە هۆکاری ئەوەی کۆنەپەرسترین هێزی دینی مێژوو کە تاڵیبانە دەسەلاتی دەوڵەتێکی گەورەی وەک ئەفغانستانی رادەست بکرێت و بگەرێتەوە سەر دەسەڵات. دووهەمیان، لە دایبوونی فاشیزمێکی نوێی غەربی کە لە مێژوودا هیچ فاشیەتێکی لەو جۆرە نەهاتۆتە دەر بەوشێوە شمولییە نەرمیە بەناو ئازادیە. ئۆکراین ئەو بابەتەیە کە رسوایی و دژە ئینسانی و مۆراڵی و هونەری و ئەدەبی و وەرزشی و ئازادی لیبراڵ دیموکراسی بۆ ئێستا و مێژوو سەلماند.

ئیدریس مستەفا

وەشانی نووسیار لە وەرزی نوێی کتێبەکانیدا‌ سێ نۆڤلێتی: (سیانەی تارماییەکانی بیابان) بە ناونیشانی (شەوانی فرانکشتاین) ی ڕۆماننووس عومەر سەید چاپ و بڵاوکردەوە.

ئەم سێ نۆڤلێتە، لە ڕووی ناوڕۆکەوە، بە دەوری یەک بابەتی سەرەکییەوەیە کە ئەویش پرسی ئەنفال و جەنگە، لەدەستدانی ناسنامەی مرۆڤ بوون و دواتر بزربوون و سڕینەوەی کوردبوونە. بە ئەدەب کردنی مێژوویەکی درێژە لە ململانێی و نووشست و فەنابوون لە پێناو پاراستنی شووناسدا. گێڕانەوەی ئازار و مەینەتی قوربانیانی دەستی جاش و دووژمنانە، بەرجەستەکردنی ناڵە و زریکەی چیا و گوند و باخ و بوونەوەرانی نیشتمانە. گەڕانی دووی تارمایە بێ شوومار و بێ گۆڕەکانی بیابانە. بزربوونی گوڵەکانە لە تراویلکەدا.

نووسەر لە بارەیی کتێبەکەیەوە دەڵێت:
جیا لەوەی کە هەرسێ نۆڤلێتەکە، لە ڕووی تەکنیک و زمان و گێڕانەوەوە هاوتەریب و هاوشێوەن. لە ڕووی بابەت و ناوڕۆکیشەوە، هاوشێوەی سێکوچکەیەک، ئازار و پرس و نامۆیی ئەو مرۆڤەی هەڵگرتووە کە پێی دەوترێت کورد. ئەو خودەی لە ناو شوێنێکی بزردایە و هاوکات شووناسیشی هەر وابەستەیە بەو شوێنەوە کە فرانکشتاین ئاسا (وەک چەمکە فەلسەفییەکەی) بەردەوام دەخوڵقێن و یەک تەواو دەکەن و دیسانەوە دەبنەوە قوربانی یەکتر. پێکەوە هەوڵێکە بۆ خوێندنەوە و وێناکردنی پرسی ئاڵۆز و تایبەتی ئەو خودە، لە ڕێگەی خەیاڵ و فەنتازیایی ئەدەبەوە.
بەو پێیەیی شووناسی مرۆڤ تا ڕادەیەکی زۆر وابەستەیە لە ناو شوێن و مێژوودا، ئەم سێ نۆڤلێتەش، هەوڵێکە بۆ وێناکردنی شووناسی ئێستای کورد لە ناو مێژوویەکی دوور و درێژی جەنگ و جینۆسایدا، لە ناو شوێنێکدا، کە وەک ناوچەوانە نەگبەتەکەی، پڕ کراوە لە هێڵی سنوور، ئەو هێڵانەی وەک شیشی زیندان، ئەویان لە ناو زیندانێکی ڕۆحی و جەستەییدا گیرکردووە. ئاخۆ لەم جیهانە بچووک و فرە شووناسەدا، ئێمە چۆن دەردەکەوین و چۆن خۆمان دەبین؟ ئەممە پرسیارەکەیە.

پەرەگرافێک لە کتێبەکەوە:
” لە مێژبوو دەیویست نیشتمان لە پەیکەرێکدا بەرجەستە بکات. پەیکەرێک ببێتە هێما و سومبل، تیایدا هەم ئازارەکانی مێژوو، هەم بەهای ڕۆحی و ئیستاتیکای هەنوکە و ئایندەی گەش پیشان بدات. لە لایەکەوە جوانییەکانی، شاخی بەرزی هەزار بە هەزار، خەرەندی قووڵ و دارستانی چڕ، کانی و ئاوی سازگار. سەری بڵند، نیگای پڕ لە سەربەستی. لە لایەکی تریشەوە، زوڵم و ستەمی دوژمن، سووتان و لەتلەت کردنی، جێ برین و پۆستاڵی چەکمە بۆرانی داگیرکەرانی بخاتە بەرچاو. هونەرمەندەکە، چەند ساڵێک بوو سەرقاڵی ئەم پرۆژە گەورەیەی بوو. چەندین کەڕەت ڕۆیشتبووە ناوچەی جەنگە زۆرەکان و گوند و پێدەشتە سووتاوەکان، بە چیا سەر کەشەکاندا هەڵزنابوو. لە مێرگەوە تا ئاران گوێی نابوو بە خاکەوە، لە ترپەی دڵی نیشتمانەوە، هەستی بە ئازار و سووتانی کردبوو. بە تولە ڕێی بزندا سەرکەوتبووە نێو ئەشکەوتی ڕەوەزی شاخەوە، تا پاشماوە و یادگاریی ئاوارەکان ببینێ. لە ساباتی ئەو بەڕووانەدا پشووی دابوو کە چەندین کەڕەت قەد و سەری گڤیان سووتا بوو. گوللە تۆپ و دڕکەزی، پارچەی تانک و مووشەکی کیمیاوی کۆکردبووەوە. دەیویست جەستە و قەبارەی پەیکەرەکە لە خودی ئەو کەرەستانە بخوڵقێنێ کە ڕۆژگارێک، تا ئێستاش نیشتمانەکەیان پێ وێران و کاول دەکرد. لە خڕکە ئاسنی جەنگ، قەوانی گەورە و بچووکی تۆپ، فیشەک، سیمی دڕکاوی سنوورەکان دروستی بکات. ”
عومەر سەید لە دایکبووی ساڵی ١٩٧٠ شاری کەرکوکە. پێشتر لە بواری شانۆ و ڕۆژنامەگەریدا کاری کردووە. لە ساڵی” ٢٠٠٥”وە چیرۆک و ڕۆمان دەنووسێت. یەکەم کتێبی کۆمەڵە چیرۆکێکە بە ناونیشانی (لە کۆتایی چاوەڕوانیدا) کە ساڵی ٢٠٠٩ چاپ و بڵاوکراوەتەوە. بە گشتی ئەدەبەکەی وێناکردنی ئازار و مەرگی مرۆڤی کوردە لە نێو دۆزەخی ئەنفال و جینۆسایددا. لە پاڵ کاری نووسین وەک نیگارکێش چالاک و ناسراوە. تا ئێستا خاوەنی چوار ڕۆمانە.
بەرهەمەچپکراوەکانی نووسەر
• بازنە ڕاخراوەکانی بابل – ڕۆمان ٢٠١٠
• سەرزەمینی زیکزیکە -ڕۆمان ٢٠١٨
• ئەسپەرە – ڕۆمان ٢٠١٩
• ئاشوبی سین و کۆڕی شین – ڕۆمان ٢٠٢٠

وەشانی نووسیار لە وەرزی نوێی کتێبەکانیدا به‌م زوانه‌ کۆمەڵە شیعری ”جەنابی تۆ ئیزنم هەیە بەدەم باوە شتێ بڵێین!؟ ” لە نووسینی خانمە شاعری ڕۆژهەڵاتی کوردستان (گوڵاڵە دروودیان) چاپ و بڵاودەکاتەوە. ئەم کۆمەڵە شیعرە بریتییە لە شێعرهایەک کە لە باری ناوەڕۆکەوە لێوانلێوە لە کەڵکەڵەهای ژنێکی ڕۆژهەڵاتی کە لەگەڵ کۆمەڵگای پیاوسالار و نەریتەکانیدا دەس بە یەخەیە(بە شەڕ هاتووە). ئەم کەڵکەڵەگەلە لە زۆر جێگا لە شێعرەکاندا خۆی نواندووه و شاعیر ویستوویە بە کەڵک وەرگرتن لە تەکنیک و هەروەها زمانێکی تایبەت به خۆی ئەو کەڵکەڵەگە بشێعرێنێ !

له‌باره‌ی ئه‌م کتێبە گوڵاڵە دروودیان ده‌ڵێت:
بەڕای من شێعر هەوڵێکە بۆ نواندنی ئەزموون های هەر ڕۆژەی ژیان کە زۆر کەس بە وردی شاعیر نایبینن وهەستی پێ ناکەن ؛ لە هەمان کاتدا یارمەتیدەرێکی بێ وێنەیە بۆ تێڕامان و بیرکردنەوە و ڕوانینێکی قووڵ لە مەڕ تەواوی ئەو شتانەی بینراوو نەبینراون.
بە لە بەرچاوگرتنی ئەو خاڵە کە شێعر دیاردەیەکی زمانییە و لە ئامێزی زمان – لە چوارچێوی جوانیناسییەکی تایبەت – دا ڕوو دەدات ، شاعیر ئەبێ ئاگای لەوە بێت کە شێعر هونەری زمانە نە ئامرازێ بۆ نواندن و وتنەوەی شتەکان ( بگرە ئەو شتانە هەر ئەو ئەزموونانە بێت کە باسمان کرد) .
لە ڕوانگەیەکی ماکرۆسکۆپیدا ، شێعرەکانی ئەم کۆمەڵە شێعرە لێوانلێوە لە کەڵکەڵەکانی ژنێکی کورد – ڕۆژهەڵاتی کە دەست و پێ و تەنانەت بیر و هۆشی لە چوارچێوەی نەریتەکاندا دیل کراوە . ژنێک کە بە درێژایی مێژوو چەوساوەتەوە و مەحکووم بووە بە بێدەنگی ؛ بێدەنگییەکی مێژوویی کە لە ئاکامدا لە ناخی ئەم شێعرانەدا بە شێوازی جۆراوجۆر خۆی ئەنوێنێ و لە زۆر جێگا پاڵ ئەدات بە یاخی بوونێکی تەواو.
ژنی نوقم بوو لە ناخی ئەم شێعرانەدا ، ئەو ژنەیە کە بە درێژایی مێژووی خۆی ؛ بە هۆی پێشینەی پیاوسالاری ئەو مێژووە ،هیچ کات هەستی بە فەردییەتێکی بەرچاو نەکردووە ؛ فەردییەتێک کە زۆر کات هەر نەبینراوە و نەبیستراوە و بایەخی پێ نەدراوە .
ئەگەر بە دەگمەن دەرفەتی نواندنی خود و بیر و هەستی پێدراوە ، ڕێک هەمان سیستەمێ پێشووی پەیڕەو کردووە و هیچ دەلاقەیەکی جیاوازی بۆ ڕوانین پیشان نەداوە و هیچ چەمکێکی تازەی نەخستووەتە سەر ئەم لایەنە مەعریفییە وەهەروەها لە نێو زمانێکی بە کلیشەبوودا پەل داوێژێ و ناسەرکەوتووانە لاساییکەری مۆنۆلۆگێکی زاڵ بووە و هەر بە مەترە کۆنەکانی خۆی دونیای پێواوە و خۆی بۆ خۆی خاوەن شوناسێکی سەربەخۆ نەبووە و لەوانەیە لە نواندنەوە و وتنەوەی ” خۆی”دا گیرۆدەی خودسانسوری و ترسێکی سەپێندراو بووبێ.
لە کتێبەکەوە:

ئێستاش
منم و ژنێک
ئاڵۆزاوێکە لە ناخیدا
لە مێشکیدا
قەرەباڵغە و
لە گوڵ گوڵی کراسەکەیدا
بە شێعرێکەوە ژان ئەمگرێ …
بە دەم ئەم تارماییەوە
چەنێ بەیانی خەریکە نایێت

گوڵاڵە دروودیان لە دایکبووی ساڵی ١٩٨٠ لە کرماشان. خاوەنی بڕوانامەی ماستەرە لە زمان و ئەدەبی فارسی. سەرەتاکانی بە نووسینی کورتە چیرۆک و شیعر دەستی پێکردووە و دوا بەدوای ئەوە بەشداری لە چەندین فیستیڤاڵی ئەدەبی ڕۆژهەڵات و باشوری کوردستانی کردووە. ئێستا مامۆستای زمان و ئەدەبە و نیشتەجێی شاری تاران ـە.

هەروەک دەزانین هەلبژاردن یەکێکە لە بنەماکانی دیموکراسی، ئەمەش لەکۆمەلێک حزب لە کۆمەلگایەک دەکرێت ، هەر حزبێک بەکۆمەلێک بەلێن و کۆمەلێک کاندید بەشداری تێدا دەکات، ئەوجا دەنگدەران لەسەر ئەساسی هەم کارەکانی ڕابردوویان، هەم بەلێنەکانی ئەو کاندیدانە و حزبەکان، لەبانگەشەی هەلبژاردن دەنگدەدەن، بەمە لەناو حزبەکەش بەو کاندیدە کە بەشایستەی دەزانن کە نوێنەری ئەوان بێ لە پەڕلەمان یان شوێنی تر کە بۆی هەلبێردراوە.

چەندین جۆر هەلببژاردن و سیتەمی هەلبژاردن هەیە. بەلام بۆ ئێستای کۆمەلگای ئێمە فرەبازنەیی باشتر و چاکترە

بۆچی باشترە؟ چونکە ئەو جۆرەیان ململانێ لەنێو هێزەکان دروست دەکات، واش دەکا هیچ هێزێک لەناوچەی نفوسی خۆی بێ ترس نەبێت، یانی کاتێک فرەبازنەیی پاک و بێگەرد بکرێت ئەوا هەموویان هەم هەول دەدەن دەنگی باش ،هەمیش نوێنەری زۆر بنێرنە پەڕلەمان، هەمیش پاش ئەوە ووردە ووردە کۆمەلگا لە تەمبەلییەوە بەرەو جولە و گۆڕانکاری دەبات، هەمیش وا دەکات کە حزب و هێزەکانی تر کاری باشتر لەیەکتری بکەن.
ئەگەر بشپرسین بۆ؟ ئەوا ئەگەر وانەکەن دەکرێ بلێین بەشێوەیەکی گشتی لە ئەنجامەکان دەترسن .
لێرەشدا دێنە سەر هەلبژاردنی ڕاستەقینە و سەختە جیاوازییەکانی سود و زیانەکانی دەخەینەڕوو .
یەکەم لە هەلبژاردنی ڕاستەقینە ئەو هەلبژاردنەیە بێ پارە بەخشین و بێ تەزویر و فرت و فێلەکانی ترە بەلام هەلبژاردنی سەختە بە تەزویر و فرت و فێل و شتەکانی ترە .
دووەم هەلبژاردنی ڕاستەقینە دەکرێ بلێین حزبەکان هی هەموو خەلکە بەلام لە سەختە هی هەموویان نیە.
سێیەم هەلبژاردنی ڕاستەقینە بەلێنەکانیان جێبەجێ دەکەن بەلام لە سەختە نا.
چوارەم لە هەلبژاردنی ڕاستەقینە هەموو دەزگاکانی حکومەت ڕۆژ بەڕۆژ باشتر دەبن بەلام لە ساختە نا.

من نامەوێ هەموو خالەکانی هەردووکیان باس بکەم بەلام هێندەم نووسی بۆ ئەوەی ڕوون بێ دواتر هەلبژاردنی ڕاستەقینە نوێنەرەکان لە شوێنەکانیان بە جولە دێخیت لەوەشەوە بواران و کۆمەلگاش دەخاتە جولە لەوەشەوە بەرەو گۆڕانکاری و پێشکەوتن یانی ئەمە ڕێگایەکە بۆ پێشکەوتن و گۆڕانکاری
لە کۆمەلگای ئێمە دا تەنانەت لە ئێراقیش حکومەتی بنکەفراوان هەیە هەر کارێکی باش هەمووی خۆی دەخاتە خاوەنی بۆ خراپیش هەمووی خۆی ناکاتە خاوەنی، من لەگەل ئەو جۆرە دانیم کە کۆمەلێک حزب حکومەت پێکبهێنن لەوێشەوە بۆ پەڕلەمان چونکە هیچ سودێکی وای نەبوو کە جێگەی دلخۆشی بێت چونکە ململانێ لەنێو هێزەکان بەئەگەرێکی زۆر دروست،ناکات ئەمە زیانی زیاترە لەسود بەس مادام ئێستا فرەبازنەییە دەکرێ پاش هەلبژاردن بەپێی زۆری دەنگەکان لە ناوچەکان ئەوا وەکو دەسەلاتێکی بچووکی ئەوێ بێت یانی هیچ شتێکی ئەوێ نەگۆڕێت بۆ کەسانی لایەنگری خۆی بەلکو لەڕێگەی پەڕلەمانتارانیەوە ببێتە حکومەتێک بەسەر ئەو ناوچەیە هەمیش چەند مانگ جارێک خەلکی ئەو ناوچەیە بانگهێشتی ئەو پەڕلەمانتارانە بکەن کە وەک نوێنەری دەرچوو بۆ پەڕلەمان کە ئەنجامەکانی بەلێنەکانی بخاتەڕوو چیان کردووە دواتر ئەوە بەردەوام بێ یانی دەکرێ بلێین کەرتەکان دروستت ببێت دواتر شوێنێک هەبێت دەسەلاتی بەسەر هەموو کەرتەکان هەبێت نوێنەری هەموو لایەنەکانی تێدابێ ئەمە بەشێوەیەکی دادپەروەری و یەکسانی و پەروەردەیەکی تەندروستیش ململانێ لەنێو کەرتەکان هەبێ بۆ ئەوەی جارانی داهاتوو دەنگی زیاتری هەم کەرتەکە هەمیش کەرتەکانی تریش بەدەست بهێنێت .

ئەم نووسینە سەرەوە دەکرێ لەڕێگەی نووسەری ترەوە دەولەمەندتر بکرێت ببێتە بنەمایەک بۆ قوناغی ئێستای کۆمەلگای کوردستانی.

—————————————————

تێبینی ئەوە بۆ هەموو شتێک دەبێ کە هەلبژاردن و دەنگدانی تێدا دەکرێ و نوێنەریش هەلدەبژێردرێت هەمیش پێویستە هەم هاولاتیان و هەمیش بوارەکان و هەمیش حزبەکان لەگەڵ ئەو شێوازە بن بێگومان دەکرێ ئەو نووسنەی من دەولەمەندتر بکرێت بۆ زیاتر بەسودبوون

تۆ،
جوانترین ماچی بەسەر لێومەوە
درێژتیرین قەسیدەی به سەر زمانمەوه
جوانترین نیگای له نێو دیەمەوه
ئەی میلی کاتژمێری تەمەنم
تۆ ئەو خۆرەی که ئاوا نابیت
له نێو خەیاڵـما جوانرین کۆشکی
که لێتەوه دەڕووانم بۆ شەپۆلەکانی دەریا و
من ئاوێزانی ئەو گریانه دەکەی
که له ماچێك کەوتنه خوارەوه
دوو گوڵ له نێو یەک گوڵداندا
دیلی دوو خەیاڵن
که ئازادیش ناتوانێ دیلیان بکا
دوو باڵێن لەسەر فڕێنی پشتی نەوڕەسێکا
دوو دێڕین له قەسیدەیەکی نەنووسراو
من خەون بەو ڕۆژانەوه دەبینم
که له ماڵی تۆ سەرخەوێ بشکێنم
تۆ خەون بەو رۆژانەوه دەبین 
که له ژیر ساباتێكا 
یەکتری بنووسینەوه
تۆ خەیاڵ دەکەی لەسەر زمانت دیل بم
من خەیاڵ دەکەم
لەنێوچاوتا ماڵێك به زمانی عیشق
بینا بکەین.
من و تۆ
دوو خەیاڵی تەواو نەکراوین

#سلێمانیی 21/11/2019
دڵكەش قادر

(( ..پێشکەشە بە هاوڕێ وهاوئیلحادم
کاکە شێرزاد حسن..))

…….لە هەزار و چوارسەد ساڵەوە لە بیابان ژیاون، لە دەوەارا نوستوون و شەوانیان بە سووتاننی دار و چیلکە بردۆتە سەر…. جگە لە شوانێتی و بازرگانی بە ئافرەتەوە چی تریان نەزانیوە
….شەڕیان کردوە ، بەربونەتە یەکتر، یەکتریان قەتڵوعام کردوە ، دواتر خێزانیان لە یەکتری دروست کردوە…..
لە هەزار و چوارسەد ساڵەوە چیرۆک و حەدیس و دەقیان بۆ جێ هێشتووین کە وتوویانە
“پیرۆز”ن ، هەر وەک ئەوانەی پێش ئەوان ووتویانە..
دوای هەزار و چوارسەد ساڵ ئەبێ وەک ئەوان بیربکەینەوە…وەک ئەوان خۆمان بپۆشین….وەک ئەوان”تشریب”!!بخۆین ..وەک ئەوان بجەنگێین…وەک ئەوان ناو لە مناڵەکانمان بنێین…
دوای هەزار و چوار سەد ساڵ ئەبێ ئێستاش ئاڵاکان بە “شمشێر” پڕ بکرێنەوە وەک هێمایەک بۆ سەربڕین و عەدالەت…
دوای هەزار و چوارسەد ساڵ لە تەزویر و فێڵ کردن و چاوبەستەگی ئەیانەوێ و بە زۆرە ملێ
شایەتی بۆ تەزویرەکانیان بەین…
دوای هەزار و چوارسەد ساڵ خۆ حەشاریان لە پشت چیرۆک و کەسایەتی واوە کە هیچ لە حەقیقەتی بوونیان نازانین نابێ عەباکانیان بەر ئەرزکەوێ وفەرزە دوایان کەوین و مورشیدمان بن…ئەبێ تۆڵەیان بۆ بکەینەوە و بیانکەینە عەلامەی خۆمان…
هەزار و چوار سەدساڵە لە نوێژ و دوعا کردن دژ بە جولەکە و مەسیحی بۆ تێکدانیان، خۆیان پەرتەوازە بوون و هەرچییەکیان کرد لەسەری خۆیانا شکایەوە….
هەزار و چوار سەد ساڵە لە نوێژی باران بارین باران دونیای گرتەوە جگە ووڵاتەکانی خۆیان..
هەزار س چوارسەد ساڵ لە زەکات و سەفترە هەژاری هەر لە زیا بوونایە…..
ئای خەڵکی نوستوو…..
ئەوانەی ئێوە دژیان نوێژ ئەکەن گەشتنە سەر مانگ و لەسەر ئەرزەکەی نووستن. …سانییەیان دووبەشکرد ، زەڕەیان وورد کرد…و زەنگی شۆڕشی بەرەو پێش چوونیان لێ یا ، ئێوەش هەر لە شۆڕشی” خورافیات” سەرکەوتوو بوون چونکە ئەوان ئەقڵ و مەعریفەیان کرد بە پێوەر و ئێوەش :”ناوگەڵ”…… بیرکەنەوە لەو هەزار و چوارسەد ساڵە چەن بەرد خرایە سەر یەکتر بۆ دامەزرانی دونیای شارستانی جگە لە وێران کردنی هەر شارستانیەتێک کەوتبێتە دەست خاوەنەکانی مێژووی ئەم هەزار و چوارسەد ساڵە….
ئایا کاتی ئەوە نەهاتوە ئەو شاڵاوی عیلم و مەعریفەیە ئێمەش بگرێتەوە و کاریگەری لەسەر کوالێتی ژیانمان هەبێ یان هەر ئەبێ”بارمتە”ی مێژوویەکی هەزار و چوارسەد ساڵە بین و هەزار و چوارسەد ساڵی تریش تەراویح بکەین..!! بەڵام کاتێ” ئەسپ” بۆ ئەرز کێڵان و “کەر” بۆ پێشبڕكێ بەکار بێ نە خێر ئەبینین و نە گرەوەکە ئەبینەوە…؟…
هەزار و چوارسەد ساڵە تەنها داهێنانیان: ئیخوان، سەلەفی، تاڵیبان ، داعش بوە ..لای مولیحدەکانیش : ئەدەب ، هونەر، فەلسەفە، تەکولۆجیا………
هەزارو چوارسەد ساڵە هەر سورەی “بقرة” ئەووترێتەوە ئەوانیش”قیتار”ی لە دەنگ خێراتریان هێنایە کایەوە..
هەزار و چوارسەد ساڵی تریش هەر ئەبێ بڵێین:ئەم نانە بەو ڕۆنە…………

پشکۆ ناکام