شیعر\ دەربازبوون.. ئاواز سامان
دەرگای قەفەزەکە بە کراوەیی جیبهێڵە…
سەختە ژیان لە نێو قەفەسێکی ئاوادا، ئۆکسجین، خواردن، ئاو،
ئارامی خەیاڵ بە دەم خەوتنی سەرجێگایەک كە پڕە لە بۆنی مشكی تۆپیو،
ڕاکردن ڕاکردن ..
بۆ هەر کوێ برۆیت،
خۆت لە ناو هەمان قەفەزدا دەبینیتەوە،
مردن چەندە جوانی
تاکە حەقیقەتی منیت
ڕاستگۆیانە وەک دوو دەستەخوشک
دەست بنێ بە شان و ملمەوە
لە نێوان دوو جۆگەدا هەمان ئەو یارییە دەکەین،
دەست دەنێین بە چاوەکانمانەوە بە دوای یەکتردا ڕا دەكەین
بە سەر پارچەکانی ئەستێرە و سنورەکانی گەردووندا بازدەدەین
دەرباز بوون نییە لەو بەربوونەوەیە
پارچە پارچە بونمانە لەم ژیانە هیچە..کە شوێنێکت نییە بۆ ئازادی.
ئاواز سامان
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
