Skip to Content

دە هایـــکو … سمکۆ ئەحمەد رەشید

دە هایـــکو … سمکۆ ئەحمەد رەشید

Closed
by ئاب 23, 2019 General, Poems

۱
،غرووریی تاکێک پێڵاو
کۆتایی دونیا رادەگەیەنێت ـ
.مێروولەیەک
۲
،لە ـ با ـ ناڵین
لە ژیان فێری شکان بوو ـ
.دڵـــم
۳
، ریکۆردی شکاند
هەزار و یەکشەوەی تێپەڕاند ـ
.حیکایەتی تەنیاییم
٤
،سەمای شەپۆل
ئەژنۆی تەڕی شـــاخ ـ
.خەندەی نیــگا
٥
،تاوانبارە
دەستی بە خوێنی سێبەر سوور بووە ـ
.تاریـــــکی
٦
،دوو مناڵی بە سکێک بوو
ژنێـــکی نەزۆک ـ
.خەونی تەمەن
۷
،دەروازەی گۆڕستان
هاتن بۆ هەموانە ـ
.تابلۆیەکی نەنووسراو
٨
،باوەشێکی داخراوم
لە بەرەکانی شەڕ جێمان ـ
.دەستەکانـــم
۹
،کۆچی شەو
بە ئاسمانی دڵمەوە دەدرەوشێنەوە ـ
.جووتێک ئەستێرە
۱۰
،سارایەکی تەنگەبەرە
باڵەفڕەی خەونەکانم ناگرێتە خۆی ـ
.ئاســــمان

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next