تاوێک بباریت … شیعر/ کاوە عوسمان عومەر
تەنها قسەکردنێکمان،،
لە ژێر بارانا بوو،،،
وای لێهات..
تەمەنێکم،،
لە ژێر بارانا بۆت بردە سەر،،
باش ئەزانم ،،،
ناتبینمەوە جارێکی تر،
گەر چەندین بارانیش..
دوای هاتن و چونەکانم..
ببارێ،،،
بۆیە بە ئاسمان ئەڵێم،،
چیتر لام گرنگ نیە،،
ببارێ یان نەبارێ،،
هیچ دەربەست نیم،،،
شەقامەکان…
لە خەڵکی هەڵهاتووی..
ژێر بارانا..
چۆڵ بێ،،
چی دەربەستم…
ئاسمان ڕەش بێ،،،
توڕە بێ ،،
خوێناوی بێ،،
من بە تۆفان و گەردەلوولا ..
تێئەپەڕم
با دارستانە تەڕەکانیش،،
مەنزڵگەی ژوانی …
جارانم بێ،،
کەسی تەنیاو ..
بێ نشینگە،،
کوا باکیەتی..
جەستەی شەختەو
پەشۆکاوی..
تۆفانێ ،،
لە تەرزە و ڕەهێڵە بیبا،،
کەی لای گرنگە،،
تارای سەری،،
تۆفانی هەڵچووی..
سەر زەریا بێ.
وێنەکە کارێکی هونەری فۆتۆگرافەری سویسری
( Firen Zos)
بە سوپاسەوە لە پەیجی فەرمی خۆی وەرگیراوە
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
