لە مشتەکۆڵەوە بۆ تێڵا ، کەی زەماوەند بکەین ؟ … نەوزاد بەندی
Closed
عاجز مەبن
کە شیعرم کەم کردۆتەوە ..
داگیرکەر لەم هەرێمەدا
ئاگرێکی کردۆتەوە ..
بە شیعر ناکوژێتەوە ..
کۆلارەیەک کە پچڕاوە
بە شیعر ناگیرێتەوە ..
عاجز مەبن
لە شەقامەکە دەرمەچن ..
لە ئێستاوە ..
بۆ شارەکەمان ئەگەڕێم ،
لە بەر باخەڵی کێدایه ؟
ئاخر دەمێکە دزراوە ..
مافیا ،
بە شیعر ناپێکرێ ..
وەرن با هەڵمەتێ ببەین ،
لەگەڵ گەل هیچی پێناکرێ ..
عاجز مەبن ..
شیعرم ناردۆتە ماڵەوە ..
کەی ئازادی دێ بە شنەی شەماڵەوە ؟
- نەوزاد بەندی –
