ئۆپەرێتی: بۆ یادی نەورۆز.. عەلی حەمەڕەشید
منداڵان پێکەوە ئامادەکارییان کردبوو بۆ نەورۆز و بڕیاریان دابوو کە بۆ نەورۆزی ئەمساڵ جیاوازتر ئەو یادە بکەنەوە چونکە پێیان وابوو ئاهەنگ و گۆرانی وتن و خواردنی جۆراوجۆر ڕاستە خۆشە بەڵام خۆشییەکی کاتییە و بەشێوەیەک نامێنێتەوە کە لە ڕۆژان و ساڵانی داهاتوودا بیبینن و شانازیی پێوە بکەن بۆیە کەوتنە گفتوگۆکردن :
لیا:
هاوڕێیان وەرن بایـــادی نەورۆز…جیاوازتربێ لـە ســــاڵانی پێشوو
بەئەنجامدانی کــاری جـۆراوجۆر…بەخۆشییەوە بەشـداربین هەموو
کۆرس:
بایادی نەورۆز بەرز ڕابگـــــــرین…گشت ئامادەبین لـــە بۆ پێشوازی
چونکە لەمێژە کـە نەورۆزی کورد … بۆمــان بووەتە جێگەی شانازیی
ئاوان:
من دەمـــــەوێت ئەم نەورۆزە…هەریەکـــــــەو نەمامێک بێنین
لەشەقـــــام و باخچەو کۆڵان…زۆر بەجــــوانی بیانــــڕوێنین
ئایان:
من نەمـــــامێک تۆ نەمــامێک…با هەڵمەتمـــــان فــراوان بێ
لە شارۆچکە و گوند و شـــارا…تا کوردستان گەش و جوان بێ
ڕاسا:
من باخچەیەک تۆ باخچەیەک…گــوڵڕێژ دەکەین بەئاســــانی
هەتـا سبەی کوردستانمــــان…گوڵستانێک بێت لـــــەجوانیی
کۆرس:
هەمــوو وەک یەک دڵسۆزانە…بڵێین ئێمە دۆستی ژینگەین
هەتــــا ژینگە پارێزراو بێ…بەیەکــــەوە هــەوڵ دەدەین
…
با دوکـــەڵی تایە و لاستیک…ژینگەکەمان لێ پیس نەکەن
مرۆڤیش بـــە بۆنی ناخۆش…بەرەو نائـــــارامی نەبـــەن
…
هەوای خــاوێن بەردەوام بێت…وەکو پاکیی و سازگــاری خۆی
هـــــەوڵنەدەین بــەو پیسییە …بیشێوێنێن و ڕێگــر بین بۆی
…
نەورۆزیش وەک نازداریی خــۆی…شکــۆی زیاتر دەردەکــــــەوێ
چونکە وردو درشتی کــــــــورد…وەک یەک نەورۆزیان خۆشدەوێ
…
دەی باهەموو دەنگ و ڕەنگمان…تێکــەڵاوی یەکتر بکـــــــەین
بڵێین نەورۆز بەخێر هـــــــاتی…یەکدەنگی خۆمـــان دەربخەین
…
جــوانیی ژینگە و هاوکارییمان…بپـــــارێزین درشــت و ورد
پەیــامێک بێ جێی شــانازی…بۆ نەورۆز و بــۆ ئێمەی کورد
…
٨/٢/٢٠٢٣
رِيَذنةي ئازاريَكي زؤر و
شةثؤلي طرياني بةكولَ
هةموو طياني داطيركردووم
بؤية لةطةلَ ئيَوةم بةدلَ
