سەرنجێک بۆ کتێبی شعیری ژنێک ژیانی گۆریم.. ئامادەکردن و نووسینی:- یوسف اسماعیل
کتێب: ژنێک ژیانی گۆریم
نووسەر: محسین شوانی
ژانـەر: شـیعـر
چاپ: یەکەم ساڵی ٢٠٢٢
لاپەڕ: پێکهاتووە لە ١٤٠ لاپەڕە
کەم کەس هەن لە ژیانە حەزیان بە شیعر و هۆنراوە نەبێت، جا چی دەربارەی شیعرێکی خۆشەویستی ( ئەڤینی ) بێت. هەڵسام و سەیری کتێبخانەی ماڵەکەم کرد و کتێبەکەی مامۆستا موحسین شوانیم بەرچاو کەوت، دووبارە هەستی خوێندنەوەم بۆ جوڵاو بە ناسکی لەنێو کتێبەکانمدا دەرم هێنا و دووبارە کەوتمەوە خوێندنەوەی، کتێبێک کە ئەوەندە بەجوان و لەسەرخۆی باسی عەشق دەکات،ئارەزووی خوێنەر زیاترە بۆ شعیرەکانی. کتێبکەکە لە کۆمەڵێک شیعری جوان و ناسک پێکهاتووە، کە خوێنەر دەبات بۆ هەستێکی خۆش و شارەوە کە بۆ ساتێک لەخەمەکانی دونیا دوورت دەخاتەوە، مامۆستا محسن شوانی جگە لەوەی شاعیرێکی بەتوانایە نووسەر و ڕۆژنامە نووس ، هونەرمەند ، مامۆستاشە. دە بەرهەمی چاپکراوەی هەیە و هەمیشە پێشەنگی کارەکانە.
ئەمڕۆ خۆشحاڵ بووم کە توانیم خوێندنەوەی بۆ بکەم و خامەکەم دەستی بە نووسین بکات سەبارەت بەم کتێبە پڕ لەجێژە کە ساڵی پار لەمانگی حەوت چاوم پێیکەوت و کتێبەکەی خۆی پێناساندین ئەوکات هەستێکی تر بوو بۆمن، شاعیری کێشە و خەمی لەباوەش کردووە و هیواێکی پڕ لە ئومێد بۆ خوێنەر دەدات، پێم باشە هەنێک لە شیعرەکانی نێو کتێبەکە لێرەدە ئاماژەی پێبکەم:-
- یەکەم ناسین
کەی دێیتەوە؟
بەم زستانە دوو چای گەرم،
لەم کتێبخانەی تۆم ناسی
بخۆینەوە،
بەرامبەرم دابنیشی……
پڕ بەهەستم لێت بڕوانم،
شیعری تەڕ و
ناسکت بۆ بخوێنمەوە؟
…..
- هاودەم
من پایزی تۆم پێ خۆشە
نەك بەهاری کەسێکی تر
گریانی تۆم لا خۆشترە
لەئاوازی دەنگێکی تر
ئەم ئێوارە چۆن بەڕێکەم؟
لەم شارەدا هەر خۆم و خەم
کەسێ نییە دەستی بگرێ
وەکو هاوڕێ، وەکو هاودەم.
……
وەک شاعیر موحسین شوانی دەڵێت: شیعری ئازاد و ڕاستگۆم خۆشدەوێت.
تێڕوانین بۆ شەعرەکانی دەتوانین ژیانێکی خۆش و ئاسوودە بەدی بکەین، بۆچی هەمیشە هەوڵی دڵتەنگی دەدەنین بە شیعر بۆچی شەعرێکی ئازاد و شادی نانوسین کە پێم وایە ئەم کتێبە شعریە ئازدا و شادی هێنەرە بۆ خوێنەر، زیاتر نەچینە قووڵای کتێبکە، هەڵبەتە خوێنەر خۆی دەبێ دەست و هەستی بۆ جێژەکانی شیعرەکە بکات و قسەی بۆ هەبێت، من کۆتایی بە قسەکردن دەهێنم دەربارەی ئەم کتێبە، با شعرێکی تریش بخێنینەوە.
- ئالوودە
ئەم شیعرانە
بەڵگەی پاکی عەشقی منن
گەرچی لەئاستی جوانی تۆدا
زۆر شەرمنن
منت بوێ
منت نەوێ
بەلامەوە گرنگ نییە
وا تێکەڵی عەشقت بوومە
بوون و نەبوونت
هیچ جیاوازی بۆ من نییە!
نووسینی: یوسف اسماعیل ( کاتۆفیک )
yusufismail1708@yahoo.com
