هەزاران خەونی پەژموردە …. نوێترین بەرهەمی ئاسۆ جەبار کەوتە بەردیدەی خوێنەران
کۆی ئەم قەسیدانە ئەزمونی 12 ساڵی ئاسۆ جەبارە، سەرباری بڵاوبوونەوەی دوو دیوانی بەناوەکانی (موساسفیرو چاوەڕوانی نەورەسێک) و (غوربەتی فڕین)، بەڵام ئەم ئەزموونە تەواو جیاوزە. ئەم دیوانە نوێیە لە دووتوێی 330 لاپەڕەدا زیاد 60 قەسیدەی لەخۆگرتوەو لەچاپخانەی کارۆ چاپ و بڵاوکراوەتەوە. هاوکات تابلۆی سەربەرگەکەی شیلان جەبار نەخشاندوێتی و تابلۆ شیعرییەکانی نێو کتێبەکەش لەدەستڕەنگینی هونەرمەندی شێوەکاری رۆژئاوا لوقمان ئەحمەدو هاوکات شیلان جەباریش.
شایەنی باسە ئاسۆ جەبار خاوەنی 12 کتێبەو چەند کتێبێکی دیکەشی بەم زوانە ئامادەدەبێت بۆ چاپ و بڵاوکردنەوە.
حـــیـــبـــری گـــــوڵ
ھێشتا رۆحت پڕە لەغەمگینی کەنارباخچەیەک
لالەزار لەشەوقی زوڵمەتێکی ئەبەدی
لێوڕێژ لەیاقیقی وتن
ھێشتا پەنجەکانت پڕە لەگوڵ
پڕە لەگەڵای تەڕی ژێر پێی باران
تۆ تا دوایەمین گوڵ
لەعەتری ئەو پایزانەدا ھەڵدەوریت
کە بە حوزنێکی قوڵەوە
دڵۆپ دلۆپ
لەحیبری گوڵ
بەڕەنگی باخچەیەک
ھەزاران گوڵی یەخسیرت لەدڵتدا
ھەڵگرتووە…….
