
مەرجەکانی سەرکەوتن … عەلی حەمەڕەشید بەرزنجی
Closed
وتەکـــــانی ئەمجارە….وەکو مەرجی سەرکەوتن
واباشە گشت بیزانین….چونکە لامـــان گرنگن
@@@
یەکەم مەرجیش ئاسـانە….ئەویش بڕوا بەخۆبـوون
لەگەڵ بوونی بەرنامە و….پلانێکی راســت و روون
@@@
ھەوڵ و کۆشــشکردنی….بەردەوام و کــۆڵنەدان
بۆنی خۆشی سەرکەوتن….دەدەن بە ژینی ھەمووان
@@@
گفتوگۆ و راوێژکـــــردن….بۆ ھەر کارێک کە دەیکەین
باش بزانن پێویســـــتن….تا بە ســەرکەوتن بگەین
@@@
ئازایـــــەتی و بـوێری…. راستگۆیی و راستی وتن
یەکێکن لەو مەرجــانەی …. دەبنە مایەی سـەرکەوتن
@@@
ھـەر کەس بوو بە خاوەنی….لـە خۆبــایی بوون و فیز
دەبێت زۆر چــاک بزانێت….سەرکەوتوو نابێت ھەرگیز
@@@
بۆیە دەبێ ئێمـەی ژیر….تا سەرکەوتووبین لە ژین
بۆ ئەو مەرجە جــوانانە….ھەمیشــە تێبکـــۆشین
١/٤/٢٠١٦