نامهكانی ئیشق ..18 … سهردار جاف
ههموو بهیانییهك
60 – بهیانیت باش، ببووره دڵم هێنده تهنگه حهوسهلهی گرتنی پێنوسم نییه، قوڵپی گریان ئهوكی تهنیوم ، ئازار ناخم دهخوا بهرگهی ژانی زویر بوون ناگرێ، نوسینهكانیش چێژی خۆیان له دهستداوه خۆشهویستیت هێند بهسوێیه ژان دهخاته جهرگهوه گریانیش ئۆخهی پێ نادا، پهنجهكانم ڕێی حهرفه جوانهكانی كهیفسازیان ون كردووه، ههموو وشه خهماوییهكان تێم ئاڵاون بهرۆكم بهرنادهن، حهرف حهرف دهبنه وشه گهلێ قهتماغهی برین ههڵدهدهنهوه، خوێن دهتكێ ، نها له دووجاری غوربهت سازیدا دهخولێمهوه، ههموو ئهو ئیشق و ئهوینه كهچی وهك غهوارهیهك دهردهكهوین، ژینم لێ بۆته بارگرانییهك نازانم چۆن له كۆڵی بكهمهوهو بۆ ههتا ههتاییه ئاسوودهیی به جهستهم بدهم و گڵ تێم بهر بێ هێدی هێدی به كاوهخۆ تێكهڵ به خۆیم بكاتهوه و بمڕزێنێ، كه دهڵێن مهرگ مۆتهكهیه نا پێمخۆشه دهست لهملم بكا و ببینه هاوڕێی یهك و پێكهوه سێباز و هۆ شوان بكهین، تهمهن و مانهوه بێ تۆ هیچ بههایهكی نییه، نزای خێرم بۆ بكه….. 17 / 5
61 – لهشكری ویستم ئهم سپێده وڵاتی تۆ دهكاته مشتێك و به نێو دڵما دهیچنێ و جێی ئهبهدیهتی بۆ چێ دهكا، خڕۆكه سوورهكان دهبنه پاسهوان و خهندهی مناڵیت بۆ دهگهڕێننهوه، ڕستهكانی ئهم ئهوینهمان له شادهمارهكانهوه ههڵهقوڵێ و ڕێكهی گرتووه و تهوژم دهدا و. هیدرۆلیك .ی بهربهستیش ڕێی تهوژم و شهپۆلی خوێنمی پێ ناگیرێ ، ئهو لرفهم ئیشقهم هێنده به خووڕ و سهر شێته روباری . یانگتس .ی ناگاتێ، بشێ موسایهكی دی زیندوو بێتهوه و به دار عهساكهی بكهوێته ڕاگرتن و شهق كردنی ڕوبارێكی تر ، نا ئهزیزم ئهویش دهبێ خهون به ڕاگرتنی شهپۆلهكانی دڵمهوه ببینێ، كچێ تۆ له كام ئافاتی مهیل و ئارهزووهوه ههڵقوڵاویتو گۆچانهكهت هورد و خاشكرد، ئیشقێ خوێنی له بهر بچۆڕێ مهگهر مهیلت ههتوانی بێ، ڕوباری به شاتاوڵی خوێنین دڵم بۆ گوڵێكه له گوڵ گوڵتره… 20 / 5 .
62 – بهیانیت پاك وهك من كه ههموو سپێدهیهك به بهرائهتهوه تههلیله و تهسبیحاتی نزاكانم لوول دهدهم و له ڕۆژی قیامهتی باڵات دهگهڕێنم، با بهس سۆراغی دابڕان بكهین، نیگاكانمان وهڕس بوون له چاوچاوێنی زهردهپهڕی تهمهن، به ئهو كهشتییه سهر شێته بڵێ با له كهناری ئهدرهسهكهما لهنگهر بگرێ، ماڵهكهم شێتخانه و خومخانه و نهخۆشخانهی ئهویندارانه یاخی و تهنها لێره دهگیرسێمهوه، سهرێك به پهرستگای ئهم خهڵوهتی تۆ پهرستیهم بكه، له بن گومهتی سینهتا ههردوو دهستم ئهستوندگی گێلاسه ترشهكانن، سهرێك به ئاتهشگای بێ ئارامیما بنێ بزانه چۆن بسك و پرچت لێم ئاڵاون و سورهتی ئیشقم پێ له بهر دهكهن، نیگایهك به كولیتهی پڕ گهڵاما بخشێنه صۆن له میحرابی برۆتا كڕنوشم بردووه و ڕكاتی ههشتهم دهكهم، دهوهره و خۆت به فرانكفۆرتا بكه با له گهڵا ماین ئێمهیش تهڕ بینهوه به دهسنوێژی ماچهوه سهفهرمان بكهین له گوڵ گوڵتر. 21 / 5
63 – دهزانم نه گوێت له ناڵه حهسرهتمه نه نامهی ئهوڕۆم دهبینی، چوارشهممه ڕهشهی من كۆتهڵبارانمه بۆ غیابی تۆ، له نركهی پهنهانی ئهم سبهینانه دڵم دهبێته كۆڵانه تهنگهبهرهكه و ئیدی ڕێی تارمایی نامێنێ به تهنیشتما ڕێ بكا، ئهم بهیانییه وهك ئهم ڕۆژهی ههموو ههفتهیهك چاو له ڕێ نابم، هێند دڵت بریندار كردووم ههتوانێ شك نابهم ساڕێژی بكاتهوه، نها حاڵی و وهئاگا هاتمهوه، ههر تامهزرۆی ماچێكی ژهم سبهینانی لێوهكانتم، لێ گوتمان ئهم بهیانیه نه كهنار دهریا ههیه و نه ژووری چرا سووری ڕۆمانسیهت، دهبێ ههر له سهر جێ ساجی نانكردن ههڵپهڕم تا به ئاگا بێیتهوه منیش ههم و سهربانم لێ نهگرتووی، خۆ من كوڕه ههرزهكانی گوندی وڵاتی خۆمان نیم سهره ڕێی كانیت لێ بگرم، لهو پایتهختی بهفر گرتووهی و خۆری تیا دهبارێ مهگهر ههر سهره ڕێی تریك و بوزت لێبگرم، ئاخر من چ گوناهێكم كردووه له چوارشهممه سوورانم دهكهی، بهیانیت گوڵ گوڵهكهم له گوڵ گوڵتر . 22 / 5 .
63 – بهیانیت باش و جوان خانمه ههمیشه خانمهكهم، بهیانی خهم به حرفهكانم بسڕهوه، چرای ژوورهكهم به با ڕۆشن دهبێتهوه و ترپهی دڵم به مهیلی تۆ گهرم و گوڕتر دهبێ، گوڵا به ههناسهم دهژی سووڕی خوێنم به بزه و خهندهی تۆ، مهستبوونم به بادهی پێكی تۆ، بمبوره خانمه شیرینهكهم كه جارجار ئهزیهتی دڵتم دابێ یا قهڵهمهكهم لاساری كرد بێ و سنووری خۆی بهزاندبێ ، ئیدی ههستهكانم له ئاستت دهمرێنم وهلێ له تهك مهیل و حهزهكانت یهك ناگرنهوه، بمبوره نهمزانی زۆرم ئهزیهت داوی پێیهوه، گهرچی له شهوێوه ئاگرێ ناخم دهكاته ڕهژوو، لێ خۆشهویستیم بێ سنووره هێندهی دڵۆپی ههموو زهریا و دهریا و ڕووبار و چۆم و زنهیهكی گۆی زهوییه قهت وشك نابێ، خۆشهویستیم به بارتهقای ههموو چینهكانی ئاسمانه به با و شنه و ئهستێره و ههسارهیهوه، خۆشهویستیم ملیۆنان جار به قهد دووری مهودای نێوانمانه ، با ماچێكی دهم سپێده چریكهی ئیشقمان به گوڕتر بكاتهوه، گوڵهكهم له گوڵ گوڵتر. 23 / 5 .
64 – بهیانیت پڕ له شهبهقی ڕۆشنایی…. ئهم بهیانیهت ئاههنگێڕانی ماچمان بێ، شیرینبارانی ساتهكانی تهمهن بێ، چارهكه سهدهیهكه لێوهكانم تهحریمی نوقڵ و نهباتن با له لهبی ههنگوینیت تهواو پاراوی بكهم، به گیانم به سهر لێوتا بتوێتهوه به سهر شقلی سهر سینهتا دابچۆڕێ له بهری جوتی بهی تێرتێر نوقمی شیرینی خۆتم بكه، بیست و پێنج ساڵه ڕۆژووگری شیرینیم نها به دڵۆپ دڵۆپی ههنگوینیت لهشم دهبزوێ و جوڵهی تێدهكهوێ و چوست و چالاكم دهكهیتهوه، دهمێك بوو دهترسام ئهو دهرده شهكرهیهم لێ بئاڵێ، دهبا ئهو شیلهیهت ماكی مێشی خاڵت بێ به بارتهقای هێرشی جهنگێكی خوێناوی تۆفانێك بێ و تێم بئاڵێ، تا ئهو دهمهی فرمێسكم دهبێته شیله و كوڵمهكانت جهنجال دهكا، دهست بهرداری خوێنی دڵم بووم پێی لێ بنێ به شهككهری لێو بهباریت جهستهم ئالوودهی مهی بكه با ڕۆشنایی ڕۆژ هارمۆنیهتی ئیشقمان بژهنێ گوڵهكهم. 24 / 5
ئهڵمانیا
سهردار جاف
