پرسی كورد …له ناوچه كێشه له‌سه‌ره‌كان دا … ئه‌حمه‌د كامه‌ران
كورد هه‌میشه له ناوچه كێشه له‌سه‌ره‌كان دا بوونه‌ته سووته‌مه‌نیه‌كی ڕه‌ش له‌سه‌ر ده‌ستی هه‌ردوو حكومه‌تی هه‌رێم و ناوه‌ند, هه‌ركاتێك ئه‌م دوو حكومه‌ته كێشه‌یان هه‌بێت به‌تایبه‌تی هه‌ندێ كێشه‌ی تایبه‌تی واته ڕێك نه‌كه‌وتن له‌سه‌ر كۆمه‌ڵێك به‌رژه‌وه‌ندی تایبه‌تی خۆیان , ڕاسته‌وخۆ ناوچه كێشه‌له‌سه‌ره‌كان و كورد له‌و ناوچانه‌دا باجی په‌رژه‌وه‌ندیه‌كانی هه‌ردولا ده‌ده‌ن, هه‌روه‌ها كورد له‌و ناوچانه‌دا به تایبه‌تی دوای ڕووداوه‌كانی 16 ئۆكتۆبه‌ره‌وه زۆرترین ڕووداوی ناخۆشیان ڕووبه‌رو ده‌بێته‌وه كه ڕووداوه‌كان هاوشێوه‌ی ڕووداوه‌كانی سه‌رده‌می ڕژێمی به‌عسه,وه‌ك سووتانی ده‌غل و دانی كوردان و ته‌عریب كردن و له‌گه‌ڵ چه‌ندین كاری تر كه له‌رامبه‌ر كوردانی ئه‌زیزی ئه‌و ئه‌و ناوچانه ئه‌نجام ده‌درێت,هه‌روه‌ها تێك چوونی بارودۆخی ئه‌منی ئه‌و ناوچانه‌ش , كه هه‌ر له‌م ماوه‌یه‌ی ڕابردوودا ته‌قینه‌وه‌یه‌كی خۆكوژی ڕوویدا له خانه‌قین كه چه‌ندین قوربانی لێكه‌وه‌ته‌وه, كه ئه‌مه‌ش به‌داخه‌وه ناخ هه‌ژێنه
به‌ڵام لێره‌دا پێویسته بێ هیوا نه‌بین له‌سه‌ر پرسی كورد له‌و ناوچانه‌دا به تایبه‌تی كه له ئێستادا كابینه‌ی نۆیه‌می حكومه‌ت پێك هێنرا له‌لایه‌ن به‌ڕێز مه‌سرور بارزانی وه هه‌روه‌ها هه‌ڵبژاردنی نێچیرڤان بارزانی وه‌كو سه‌رۆكی هه‌رێم كه هیواخوازین كورد پێ بنێته قۆناغێكی گه‌وره‌وه هه‌روه‌ها پێویسته ئه‌م دوو كه‌سایه‌تیه ڕۆلی كاریگه‌ر ببینن له پرسی كوردا له ناوچه كێشه له‌سه‌ره‌كاندا به هه‌ماهه‌نگی له‌گه‌ل لایه‌نه‌كانی تردا له نێویشیاندا یه‌كێتی نیشتمانی كوردستان كه ده‌نگیكی گه‌وره‌ی هه‌یه له‌و ناوچانه‌دا به‌تایبه‌تی (كه‌ركوك) كه به‌قودسی كوردستان ناسراوه , به‌ڵام بۆ كورد تاوه كو ئێستا وه‌كو دۆزه‌خ وایه.
له‌كۆتایشدا پێویسته ئه‌وه بڵێم ئه‌گه‌ر ئه‌مجاره لایه‌نه كوردیه‌كان به تایبه‌تی پارتی و یه‌كێتی ده‌نگێكی یه‌كگورتویان نه‌بێت وه هه‌وره‌ها خه‌می ڕاسته‌قینه‌یه‌یان نه‌بێت له‌و ناوچانه‌دا ئه‌وا ئه‌و ناوچانه بۆ كورد كۆتایی دێت.
