ئاڵووده‌بوون به سێكس … ئه‌حمه‌د كامه‌ران
كاتێك گوێمان له وشه‌ی ئاڵووده‌بون ده‌بێت ڕه‌نگه ڕاسته‌وخۆ بیرمان بۆ خواردنه‌وه كحولیه‌كان و كێشانی ماده هۆشبه‌ره‌كان بڕوات، به‌ڵام له بنچینه‌دا چه‌ندین بابه‌تی تر هه‌ن یان چه‌ندین ئامرازی تر هه‌یه بۆ ئاڵووده‌بونی تاكه‌كانی كۆمه‌ڵگا, كه له نێویشیاندا ئاڵووده‌بوونه به سێكس كه ئه‌مه‌ش واته خۆ به‌ده‌سته‌وه‌دان بۆ حه‌زوو ئاره‌زووه‌كان یان به‌شێوه‌یه‌كی تر واته كۆیله بوون بۆ ئاره‌زووه سێكسیه‌كان, هه‌روه‌ها مه‌ترسیدارترین ئاڵووده‌بوونی سێكسی بریتیه له سێكسی نێو تۆڕه‌كانی ئینته‌رنێت , چوونكه ئه‌م جۆره سێكسه ڕۆژانه تاكی كۆمه‌ڵگا به‌تایبه‌تیش گه‌نجان له هه‌ر شوێنێك و له هه‌ر كاتێك دا له‌ڕێگه‌ی مۆبایل و لاپتۆپه‌كه‌یانه‌وه بینه‌ری ئه‌و ڤیدیۆ سێكسانه ده‌بێت كه له نێو سایته‌كان دانراون, به‌بێ هیچ جۆره سانسۆَر دانانێك .
ئه‌مه‌ش له ئه‌نجامدا وا له‌و تاكه یاخود ئه‌و گه‌نجه ئه‌زیزه ده‌كات كه نه‌توانێت له
نێو كۆمه‌ڵگادا ڕووبه‌روی سه‌رجه‌م به‌ربه‌سته‌كان ببێته‌وه كه دێنه پێشی یاخود ناتوانێت بیر له چۆنیه‌تی بنیاتنانی داهاتووی خۆی بكاته‌وه¸چوونكه ئه‌و له بنه‌ڕه‌تدا ئاڵووده‌بونی هه‌ڵبژاردوه به هۆی نه‌بوونی ئه‌و ئاسته ڕۆشنبیریه‌ی بۆ بابه‌ته‌كان بۆیه لێره‌دا پێویسته هه‌موو تاكه‌كانی كۆمه‌ڵگا و له‌نێوێشیاندا چینی گه‌نجان كه گرنگترین چینی كۆمه‌ڵگان خۆیان له‌سه‌رجه‌م بابه‌ته‌كاندا ڕۆشنبیر بكه‌ن چوونكه ئێمه له ئێستادا له سه‌رده‌مێكداین كه ڕووبه‌ڕوی شتی زۆر مه‌ترسیدار ده‌بینه‌وه بۆ سه‌ر ژیانمان دا بۆیه هه‌تاكو چه‌ند به ڕۆشنبیریه‌وه هه‌نگاو بۆ ژیان بده‌ین ئه‌وا ژیانێكی ئاسووده‌و ته‌ندروستمان ده‌بێت بۆ خۆمان و خێزان و كۆمه‌ڵگاكه‌مان.
هیوا خوازم گه‌نجی كۆمه‌ڵگاكه‌م كه خۆیان له شته بێ كه‌ڵك و زیان به‌خشه‌كان به دوور ڕابگرن و بڕۆنه لای ئه‌و شتانه‌ی كه سوودو خزمه‌ت به‌خۆیان و كۆمه‌ڵگاكه‌یان ده‌كات.
*گه‌نجی ئه‌زیز پێش ئه‌وه‌ی تۆ ده‌ست له مۆبایله‌كه‌ت یاخود لاپتۆپه‌كه‌ت بده‌ی بیر له‌وه بكه‌وه تۆ چ شتێكی پێ ده‌كه‌یته‌وه.
ئایا ده‌ڕۆیته نێو ئه‌و سایته سێكسیانه‌وه كه ژیانی خۆتی بۆ ئاڵووده ده‌كه‌یت و زیانی ته‌ندروستی له خۆت و دوایش له كۆمه‌ڵگاكه‌ت ده‌ده‌یت؟ یان به پێچه‌وانه‌وه بڕیاری ژیرانه ده‌ده‌یت و له‌و سایته بێ كه‌ڵكانه به دوور ده‌كه‌ویه‌وه وه ئه‌ڕۆیته نێو ئه‌و سایته جوانانه‌ی كه خزمه‌ت به ئاستی ڕۆشنبیری تۆ ده‌كه‌ن له كۆمه‌ڵێك بواری جۆراوجۆردا.
ئیتر لێره‌وه بڕیار دان ده‌كه‌وێته ژێر ده‌ستی خۆت چوونكه تۆ تاكێكی ئازاد و سه‌ربه‌ستی له بڕیاردان له‌سه‌ر گۆڕینی ڕێره‌وی ژیانتدا.
*هیوای كۆمه‌ڵگایه‌كی ته‌ندروست و ئارام ده‌خوازم بۆ سه‌رجه‌م تاكه‌كانی
ئه‌حمه‌د كامه‌ران| قوتابی كۆلێژی ئاداب
