گوزهرێك به شاری خامۆشان …. شهیدا
گڵۆپهکانی شاری خامۆشان
بۆچ وا کزه؟
یا لهوێ رووناکییهکی تر ههیه
بۆ ههمیشه چاوی بزه !
کاژێرهکان
لهسهر ساته
جوداکانی لێکترازانا وهستاون
به بێ وزه !
*
لهسهر کێلێك به خهتێکی لهرزۆك
نووسرابوو
1884 چووه خهونێکی قووڵهوه
ئهو کات ههرچهند
سمارتفۆن و ئینتهرنێت و
سیگاری ئیلکترۆنیك نهبوو
بهڵام راستی و چهوتی وهك ئێستا بوون
*
ناپرسم چهند به هێواشی
یان چۆن به هۆکاری ساده مردن
گوێم لێیه یهکێکیان دهڵێ
ئێستاش شوێنی گولـلهکان
ئازاریان دێ
ئهو ساته ههموو راستییهکانم زانی
بهس ناتوانم پێیان بڵێم
وهک ئهوهی دنیای ماتریاڵ
ههرنهبوو بێ
*
ههموو ههسته خهمناکهکان
حهسرهتهکان
پهشیمانییهکان
کهشێکی مات و سهیری
خولقاندووه
وهك کهسێك بیهوێت شتێك بڵێت و
نهتوانێ..
که رهشهبای کڕێوهکان
کێلهکانیشیان وهلا خست
هیچیان نهگوت
*
کوان جهنگاوهرهکان؟
پیشهوهرهکان؟
شازادهکان؟
خۆ هیچیان لێ نهمایهوه
جگه له فیکشنێکی
له یادکراو
*
ئێستا وا سمۆرهکان
لهم کێل بۆ ئه کێل باز دهدهن
ناو و ساڵی هاتنهبوون و
کۆچی ههموویان دهزانن
جوان دهڕوانن
ئهو کاتانهی بوندوقهکان
دهکهنه ژێر خاکی گۆڕهکان
بۆ رۆژه تارهکانی زستان
*
ئیدی دهبێ کام زرمه بێ
ههمووان پێكڕا لهم خهونه رابچڵهکێنێ
که پڕه له ههڵهو قاقا و ئازارو خهم و
ناپاکی و درۆو گۆرانی گوتن
ئهگهر ژیان و مهرگ
ههر خهونێك بن..
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
