Skip to Content

کزە شیعرێک بۆ ڕۆژاڤا ….. ملکۆ

کزە شیعرێک بۆ ڕۆژاڤا ….. ملکۆ

Closed
by تشرینی یه‌كه‌م 14, 2019 General, Poems


تەماشاکە
پێرێ ئەنفال
دوێنێ ھەڵەبجە و
ئەمڕۆش ڕۆژاڤا
تەماشاکا ووڵاتم نووقمی خوێناوە
تەماشاکا لەسەد لاوە زۆرێک گوێ ھەیە نابیستن
زۆرێک دەم ھەن کە گۆناکەن
زۆرێک چاو ھەن کە نا بینان
پف لەووشەی مافی مرۆڤ
تڕحێو ووشەی دیموکراسی
خوێنی زاڕۆڵە دەفرۆشن
ڕیشی چەرمووی باپیرە گەورەی مێژوومان
لەمۆزەخانەی جیھانا
بەنرخێکی کەم دەفرۆشن
مێژووی ئێمە پڕ ھەڵوێستە و
مێژووی ئەوان پڕ خەوش و عار
پیرۆزی گڕی ئاڤێستا والەلوولەی تفەنگتانا
نەک بۆ ئەمڕۆ بۆ ئایندەش
پێشەنگی ڕۆژێکی ڕوونن
ڕۆژاڤاکەم
بێشەڵانی نوێھەڵکەوتووی شۆڕشگێڕان و جیھانم
سەلمانتان کە تیشکی خۆرن
زەنگۆڵەکەی ملی ڕاستین
لە نەبوون ھەن
لە بوون بوونن

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next